¹ و بعدما عدى السبت و عند الفجر تاع نهار الاحد, جات مريم المجدلية و مريم لخرى باه يزوروا لقبر. ² شوية ضربت زلزلة قاوية, و ظهر ملاك الرب من السماء و جا للحجرة دزها من قدام الباب و قعد عليها. ³ و كان وجهو يلمع كي لبرق, و اللبسة اللي لابسها بيضا كي الثلج. ⁴ و العسكر اللي كانوا يعسوا كي شافوه داخوا من الخوف و طاحوا تقول عليهم موتى. ⁵ هدر الملاك مع النساء في زوز و قال لهم: "ما تخافوش, علابالي باللي تحوسوا على يسوع المصلوب. ⁶ ما كانوش هنا, على خاطر راه حيا من بين الموتى كيما قال! ارواحوا نوريلكم وين كان محطوط. ⁷ و روحوا في ساع قولوا للتلامذة: او حيا من بين الموتى و او راح يسبقكم للجليل. و ثمة تشوفوه. اني خبرتكم". ⁸ و خرجوا من لقبر و هما خايفين و فرحانين خلاص, و راحوا يجريو باه يقولوا للتلامذة. ⁹ و هما رايحين باه يخبروا التلامذة تلاقاهم يسوع و قال لهم: "السلام عليكم". قدمولو و حكموه على رجليه و سجدوا لو. ¹⁰ قال لهم يسوع: "ما تخافوش. روحوا قولوا لخاوتي يروحوا للجليل و ثمة يشوفوني". الشهادة تاع الحراس ¹¹ و كي كانوا همّا رايحين جاو جماعة من العسكر اللي كانوا يعسوا للمدينة و قالوا لرياس الكهنة على الشيء اللي صرى كامل. ¹² و تلموا همّا مع الشيوخة, و تشاوروا و تفاهموا بيناتهم, و مدوا رشوة كبيرة للعسكر ¹³ و قالوا لهم: "قولوا باللي التلامذة تاعو جاو في الليل وسرقوه كي كنا احنا راقدين. ¹⁴ و كي توصل الهدرة للوالي احنا ندافعوا عليكم ما تخافوش". ¹⁵ داو هاذاك المال و داروا واش قالولهم, و شاع هاذا لخبر عند ليهود حتى اليوم. يسوع يظهر للتلامذة تاعو ¹⁶ اما التلامذة في حداش راحوا للجليل و طلعوا للجبل في لمكان اللي قال لهم عليه يسوع. ¹⁷ و كي شافوه سجدوا لو, بالصح كاين منهم وحايد شكوا فيه. ¹⁸ قرّب لهم يسوع و قال لهم: "نلت السلطان كامل اللي في السماء و اللي في لرض, ¹⁹ روحوا لجميع لجناس و تلمذوهم و عمدوهم باسم الاب و الابن و الروح القدس. ²⁰ و علموهم يديروا الشيء اللي وصيتكم بيه كامل. و انا اني معاكم على طول الزمان حتى للخر". امين.