¹ في هاذيك الساعة جاو التلامذة ليسوع و قالوا: "شكون هو اعظم واحد في ملكوت السماوات؟". ² عيط يسوع لواحد الطفل صغير و حطو في الوسط ³ و قال: "نقول لكم الحق: لو كان ما ترجعوش و توليو كيما لولاد الصغار ما تدخلوش لملكوت السماوات. ⁴ اللي يهبط من روحو كيما هذا الطفل الصغير يكون هو اعظم واحد في ملكوت السماوات. ⁵ و اللي يقبل طفل صغير كيما هذا على جال اسمي يسمى قبلني انا. ⁶ و اللي يكون سبة على جالو يطيح واحد من هاذو الصغار المؤمنين بيّا خير ليه لو كان يروح يعلق رحى في رقبتو ويغرق في عمق لبحر. ⁷ يا ويل هاذي الدنيا من العثرات! لابد تجي العثرات, بالصح يا ويل الانسان اللي تجي العثرات على يدو! ⁸ اذا كانت يدك و الا رجلك عثرة ليك قصهم و ارميهم عليك. خير تدخل لحياة او انت بلا رجل و الا بلا يد خير من تدخل للنار الدايمة و انت بيديك و رجليك. ⁹ اذا كانت عينك معثرة ليك قلعها و ارميها عليك. خير ليك تدخل للحياة اعمى خير من اللي تدخل لنار جهنامة و انت تشوف. لمثل تاع لخروف اللي همَل ¹⁰ شوفوا ما تحقروا حتى واحد من هاذوك الصغار, على خاطر نقول لكم باللي لملايكات تاعهم في السماوات كل وقت يشوفوا وجه بابا اللي في السماوات. ¹¹ على خاطر ابن الانسان جا باه يمنّع الشيء اللي ضاع. ¹² واش حاسبين مالا؟ لو كان واحد جا عندو مياة خروف, و راحلو واحد منهم, ياخي يخلي التسعة و تسعين خروف في الجبل و يروح يفركت على لخروف اللي راح؟ ¹³ و لو كان يلقاه, نقول لكم الحق: راح يفرح بيه اكثر من التسعة و تسعين اللي ماراحوش. ¹⁴ هكا حتى باباكم اللي في السماوات ما يحب حتى واحد من هاذوك الصغار يهلك. اذا خوك غلط في حقك ¹⁵ " و اذا كان خوك غلط معاك روح عندو و لوم عليه بينك و بينو وحدكم. اذا كان سمع لك تكون ربحت خوك. ¹⁶ و اذا كان ما حبش يسمع لك, زيد ادي معاك ثاني واحد و الا زوز خاوة, على خاطر كل كلمة تقوم على زوز شهود و الا ثلاثة. ¹⁷ و اذا كان ما حبش يسمع لهم قول للكنيسية. و اذا ما حبش يسمع من الكنيسية يولي بالنسبة لك كيما الوثني و الا العشار. ¹⁸ نقول لكم الحق: كل ما تربطوه على لرض يكون مربوط في السماء, و كل ما تحلوه على لرض يكون محلول في السماء. ¹⁹ و نزيد نقول لكم ثاني: اذا زوز منكم تفاهموا على اي شيء يطلبوه في لرض يكون ليهم من عند بابا اللي في السماوات, ²⁰ على خاطر وين يتلموا زوز و الا ثلاثة باسمي انا نكون لثم في وسطهم". لمثل تاع العبد اللي ما يسامحش ²¹ وقتها قدّم ليه بطرس و قال: "يا ربي, قداه من مرة يغلط معايا خويا و انا نسامحو؟ سبعة خطرات؟" ²² قال يسوع: "لا ما نقولش لسبعة خطرات, بالصح سبعين مرة سبعة خطرات. ²³ على هذا الشيء يشابه ملكوت السماوات واحد الراجل مولى رزق حب يحاسب الخدامة تاعو. ²⁴ و كي بدا يحاسب فيهم جابولو واحد مديون بعشرة الاف قطعة. ²⁵ و على خاطر ما كانش عندو باه يخلص الدين حكم عليه مولى الرزق باه يتباع هو و اولادو و مرتو و كل ما يملك و يخلص الدين اللي عليه. ²⁶ ولى هاذاك لخديم طاح على ركايبو و سجد قدام سيدو وقالو: يا سيدي اصبر عليا و ضرك نخلصك في كل شيء. ²⁷ حن عليه مولى الرزق و سيْبو, و سامحو في الدين اللي عليه. ²⁸ و كي خرج من لثم لقى واحد من صحابو الخدامين, و كان مديون ليه بمياة ن دينار, حكمو و خنقو و قالو: خلصني في دراهمي اللي نسالهملك ضرك بعد. ²⁹ طاح الراجل على ركايبو قدام صاحبو و قالو: اصبر عليا ضرك نخلصك في كل شيء. ³⁰ بالصح هو ما حبش يسامحو و راح دخلو للحبس حتى يخلص الدين. ³¹ و كي شافوا صحابو لخرين الشيء اللي صرى, ما عجبهمش الحال و راحوا حكاوْ الشيء اللي صرى لسيدهم مولى الرزق. ³² و كي سمع مولى الرزق يالشيء اللي صرى عيطلو و قالو: يا واحد الشرير, انا هاذاك الدين كامل سامحتك فيه على خاطر حاولتني. ³³ كان من المفروض انت ثاني ترحم صاحبك الخدام كيما رحمتك انا؟ ³⁴ و غضب عليه سيدو و سلمو باه يعذبوه حتى يخلص الدين اللي عليه. ³⁵ هكا ثاني بابا اللي في السماوات يدير لكم اذا انتوما ما تسامحوش من قلوبكم الغلطات كل واحد لخوه".