¹ و جاو ليه الفريسيين و الصدوقيين باه يجربوه, و طلبوا منوا يوريلهم ايه من السماء. ² بالصح هو قال لهم: "كي تعشي لعشية: تقولوا غدوا يكون الحال صافي على خاطر السماء حمراء. ³ و في الصباح: تقولوا اليوم نهار بارد كي تشوفوا السماء حمراء مغيمة. يا واحد المنافقين! تعرفوا تميزوا وجه السماء, بالصح ما تعرفوش تميزوا العلامات تاع اوقات الله! ⁴ جيل شرير و فاسد تحوسوا على اية, و ما تشوفوا حتى اية غير اية يونان النبي". و من بعد راح عليهم و خلاهم. لخميرة تاع الفريسيين و الصدوقيين ⁵ و كي جاو التلامذة للجيهة الاخرى وين كان يسوع باه يدِيوْ الخبز. ⁶ قال لهم يسوع: "استحفظوا ردوا بالكم من لخميرة تاع الفريسيين و الصدوقيين". ⁷ و بداو همّا يخموا بينهم و بين ارواحهم و قالوا: "بلاك على خاطر ما شريناش الخبز". ⁸ علم بيهم يسوع واش كانوا يخمموا و قال لهم: "يا قلال ليمان علاه تخمموا بينكم و بيم ارواحكم باللي على خاطر ما جبتوش الخبز؟ ⁹ ما زالتوا حتى لضرك ما فهمتوش؟ نسيتوا الخمسة خبزات اللي شبعت الخمسة الاف و قداه من قفة فضالت؟ ¹⁰ و نسيتوا السبعة خبزات اللي شبعت الربعة الاف و قداه من قفة فضالت؟ ¹¹ كيفاه ما فهمتوش باللي ما كنتش نهدر على الخبز كي قلت لكم تردوا بالكم من الخميرة تاع الفريسيين و تاع الصدوقيين؟. ¹² وقتها فهموا باللي ما كانش يقصد لخميرة تاع الخبز, بالصح كان يقصد التعليم اللي يعلموا بيه الفريسيين و الصدوقيين. بطرس يستعرف بالمسيح ¹³ و كي وصل يسوع لجواية قيصرية فيليبس سقسى التلامذة و قال لهم: "واش يقولوا الناس عليا انا ابن الانسان. شكون انا؟". ¹⁴ قالوا: "جماعة: يقولوا باللي انت هو يوحنا المعمدان, و اخرين يقولوا: ايليا, و وحايد اخرين يقولوا: ارميا و الا نبي من الانبياء". ¹⁵ قال لهم: "و انتوما واش تقولوا عليا, شكون انا؟". ¹⁶ قال بطرس: "انت هو المسيح ابن الله الحي!". ¹⁷ قالو يسوع: "يا سعدك يا سمعان بن يونا, ما هوش دم و لحم اللي بَينلك هذا الشيء, بالصح بابا اللي في السماوات. ¹⁸ و انا ثاني نقول لك: انت بطرس, و على هاذي الصخرة نبني كنيستي, و ابواب الجحيم ما تقدرش عليها. ¹⁹ و نعطيك لمفاتح تاع ملكوت السماوات, كل اللي تربطو على لرض يتربط في السماوات. و كل اللي تحلو على لرض يتحل في السماوات". ²⁰ وقتها زاد وصى التلامذة باه ما يقولوا لحتى واحد باللي او هو يسوع المسيح. يسوع يخبر بالموت و الثيامة تاعو ²¹ و من هاذاك النهار بدى يسوع يبين للتلامذة باللي محتوم عليه يروح لاورشليم و يتعذب لثم على يد الشيوخة و رياس الكهنة و الكتبة, و يتقتل, و في ثالث نهار يقوم من بين الموتى. ²² داه بطرس وحدو على جنب و بدا يهدر معاه و قالو: "حاشاك يا رب! ما يصراش ليك هذا الشيء!". ²³ تلفت يسوع و قال لبطرس: "بعّد علّيا يا شيطان! راك تعطل فيّا, على خاطر انت اللي يهمك الناس مش امر الله". ²⁴ وقتها قال يسوع للتلامذة: "اللي يحب يتبعني ينكر روحو و يهز الصليب تاعو و يتبعني, ²⁵ اللي يحب يمنّع روحو يهلكها, و اللي يهلك روحو على جالي يمنعها. ²⁶ واش الفايدة كي الواحد يربح الدنيا و ما فيها و يخسر روحو؟ و الا واش يقدر الواحد يمد باه يفدي روحو؟ ²⁷ على خاطر ابن الانسان راح يرجع في مجد باباه مع الملايكة تاعو, وقتها يجازي كل واحد على حساب الفعل تاعو اللي دارو. ²⁸ نقول لكم الحق: كاين ناس واقفين معانا هنا ما يشوفوش الموت حتى يشوفوا ابن الانسان جاي في الملكوت تاعو".