¹ الطاهر و المنجوس و في هاذاك الوقت جماعة من الكتبة و الفريسيين تاع اورشليم جاو ليسوع و قالوا: ² "علاه التلامذة تاعك يتعداو على عادة الشيوخ, و ما يغسلوش يديهم كي ياكلوا؟". ³ قال لهم يسوع: "حتى انتوما ثاني علاه تتعداو على وصية الله بالعادات تاعكم؟ ⁴ الله وصى و قال: قدّر باباك و امك, و اللي يسب باباه و الا امو يموت. ⁵ بالصح انتوما تقولوا: اللي يقول لباباه و الا امو: الشيء اللي راح نمدهولكم صدقتو صداقة لبيت الله. و هكا ما يكرمش باباه و الا امو. ⁶ انتوما بطلتوا الشيء اللي وصى بيه الله على جال العادات تاعكم! ⁷ يا منافقين عمل مليح كي تنبأ عليكم اشعياء و قال: ⁸ هذا الشعب يقرّب ليا غير بالفم, و يقدّرني غير حد الشوارب برك. اما قلبو بعيد عليا خلاص. ⁹ بالباطل يعبدوني و همّا يعلموا في حوايج هي عادات الناس". ¹⁰ و من بعد عيط للشعب و قال لهم: "اسمعوا و افهموا. ¹¹ الحاجة اللي تدخل للجسم مش هي اللي تنجس الانسان, بالصح اللي يخرج من الفم هو اللي ينجس الانسان". ¹² وقتها جاوه التلامذة و قالوا: "علابالك باللي الفريسيين كي سمعوا هاذي الهدرة ما عجبهمش الحال؟". ¹³ قال لهم: "كل حاجة ما غرسهاش بابا اللي في السماء تتقلع. ¹⁴ خلِيوْهم. راهم عميان و يمَشٍيوْ في عميان. و اذا كان اعمى يمَشي اعمى يطيحوا في زوز في حفرة". ¹⁵ قالو بطرس: "فسّر لنا هذا لمثل". ¹⁶ قالو يسوع: "حتى انتوما مازالتوا ما فهمتوش؟ ¹⁷ ما فهمتوش باللي الشيء اللي يدخل من الفم يروح للكرش و من بعد يتطرح برى؟ ¹⁸ اما الشيء اللي يخرج من الفم هاذاك يخرج من القلب, و هاذاك هو اللي ينجس الانسان, ¹⁹ على خاطر من القلب يخرجوا الافكار تاع الشر: لقتيلة, الزنى. الفسق, شهادة الباطل. الكفر. ²⁰ و هاذي هي اللي تنجس الانسان. بالصح كي لواحد ياكل بلا ما يغسل يديه هاذي ما تنجسش الانسان". ايمان لمرى الكنعانية ²¹ و من بعد خرج يسوع من لثم و راح لجوايه صور و صيداء. ²² و كانت واحد لمرى كنعانية خارجة من هاذيك الناحية عيطتلو وقالتو: "ارحمني’ يا سيدي, يا بن داود! بنتي مجنونة ياسر خلاص". ²³ و يسوع ما جاوبها حتى بكلمة. جاوه التلامذة تاعو و قالوا: "صرفها تروّح, علاه تخلاها تعيط ورانا!". ²⁴ قال لهم: "انا جيت للخرفان الضالة تاع بيت اسرائيل". ²⁵ بالصح هي جات و سجدت ليه و قالتلو: "يا سيدي عاوني!" ²⁶ قال لها يسوع: "مش مليح نهز الخبز تاع لولاد و نمدو للكلاب". ²⁷ قالت: "صح, يا سيدي! حتى لكلاب ياكلو من لفتات اللي يطيح من مايدة سيادها!" ²⁸ وقتها جاوبها يسوع و قال لها: "يا مرى, قداه كبيرايمانك!على هذا الشيء اللي طلبتيه يكون ليك". و في هاذيك الساعة بالذات برات بنتها. يسوع يشبع ربعة الاف راجل ²⁹ و من بعد راح من لثم و كي وصل للحاشية تاع بحر الجليل طلع للجبل و قعد. ³⁰ و جاه غاشي كبير, فيهم العيّاب و العميان و البكاكش و المشلولين و وحايد اخرين ياسر, و حطوهم عند رجلين يسوع. و هو شفاهم الكل ³¹ حتى تعجبوا الناس كي شافوا لبكاكش ينطقوا, و المشلولين يبرَاوْ, و العميان يشوفوا. و مجّدوا اله اسرائيل. ³² اما يسوع عيط على التلامذة و قال لهم: "غاظوني الناس, على خاطر ظرك عندهم ثلاثة ايام و همّا قاعدين معايا و ما عندهم واش ياكلوا, و ما نيش حاب نبعثهم يروْحوا صايمين لا يفشلوا في الطريق". ³³ قالوا التلامذة: "و احنا منين راح نجيبوا في هذا الخلاء خبز يكفي هاذو الناس الكل؟". قال لهم يسوع: "قداه من خبزة عندكم هنا؟". ³⁴ قالوا: "سبعة خبزات و شوية من الحوت الصغير". ³⁵ و طلب منهم يقعدوا الغاشي في لرض, ³⁶ و هز السبعة خبزات و الحوتات, و شكر و قسم و مد للتلامذة و همّا فرقوا على الناس. ³⁷ و كلاو الكل و شبعوا. و من بعد لموا الخبز اللي فضال عليهم في سبعة قفف مليانة, ³⁸ و الناس اللي كلاو كانوا ربعة الاف راجل بلا ما يحسبوا النساء و الاولاد الصغار. ³⁹ و بعد ما صرف الغاشي طلع للفلوكة و راح لجوايه مجدل.