¹ و في هاذاك النهار خرج يسوع من الدار و راح قعد على شط لبحر, ² و تلم عليه غاشي كبير, و كي شاف الناس يتزاحموا دخل للفلوكة و قعد. و الغاشي كامل كان قاعد على الشط مقابلو. ³ و كان يهدر معاهم غير بالمعاني و قال: "هاو الزارع خرج باه يزرع, ⁴ و كي كان يزرع طاحت شوية زريعة في الطريق, و جات لفراخ و كلاتها. ⁵ و طاح شوية منها فوق لحجار وين التربة قليلة و نبتت في ساع على خاطر التربة ما هيش غارقة. ⁶ بالصح كي طلعت عليها الشمس ذبلت, ويبست على خاطر بلا اصل. ⁷ و طاحت شوية زريعة فوق الشوك, و كي نبتت نبت معاها الشوك و خنقها. ⁸ و طاحت شوية زريعة فوق التربة الحرة و جابت الصابة الخير و البراكة, منها اللي جابت مئة و منها اللي جابت ستين و اخرى جابت ثلاثين, ⁹ اللي يحب يسمع يسمع". ¹⁰ و جاو عندو التلامذة و قالوا: "علاه تهدر معاهم بالمعاني؟". ¹¹ قال لهم: "على خاطر غير ليكم انتوما المعطى باه تفهموا ملكوت السماوات, بالصح هاذوك لا. ¹² اللي ليه يتزاد ليه, و اللي ما هوش ليه حتى اللي عندو يتنحالو. ¹³ على هذا الشيء نهدر معاهم بالمعاني, على خاطر عينيهم محلولة بالصح ما يشوفوش, و يسمعوا بالصح ما يفهموش. ¹⁴ تمت فيهم النبوة تاع اشعياء اللي تقول: السمع يسمعوا بالصح ما يفهموش, و يخزروا بعينيهم بالصح ما يشوفوش. ¹⁵ على خاطر هذا الشعب قلبو قاسي, و وذنيهم ثقيلة. و عينيهم مغمضة, باه ما يسمعوا و ما يشوفوا, ما يفهموا في قلوبهم, باه يرجعوا و نشفيهم. ¹⁶ بالصح يا سعدهم اللي عينيهم تشوف, و اللي وذنيهم تسمع. ¹⁷ نقول لكم الحق: انبياء ياسر و صالحين ياسر تمناو يشوفوا الشيء اللي انتم شفتوه و ما شافوش, و تمناو يسمعوا الشيء اللي انتم سمعتوه و ما سمعوش. ¹⁸ "اسمعوا انتوما هذا لمثل تاع الزارع اللي يزرع: ¹⁹ كل من يسمع كلمة الملكوت و ما يفهمهاش, يجي الشرير و يخطف الشيء اللي تزرع في قلبو. و هذا هو الزرع اللي طاح في الطريق. ²⁰ و المزروع على لحجار هو هذاك اللي يسمع الكلمة, و يقبلها في ساعتها و يفرح بيها, ²¹ بالصح ما عندوش اصل في ذاتو, غير مدة برك. و كان جاء ضيق و الا اضطهاد على جال الكلمة ثم ثم يطيح. ²² و اللي تزرع في وسط الشوك هو هاذاك اللي يسمع الكلمة, بالصح الهم تاع هاذي الدنيا و الشهوة تاع المال يخنقوا الكلمة و ما يخلوهاش تجيب الثمرة تاعها. ²³ اما هاذاك المزروع في التربة الحرة هو اللي يسمع الكلمة و يفهمها. و يجيب الثمار, اللي يجيب مئة و اخر ستين و اخر ثلاثين". لمثل تاع القمح و الزوان ²⁴ و زادهم مثل واحد اخر و قال: "يشبه ملكوت السماوات لواحد الراجل زرع شتلة مليحة في الجنان تاعو. ²⁵ و اليوم و غدوا كي كانوا الناس راقدين جاء لعدو تاعو و زرع الزوان في وسط هاذاك الجنان و راح. ²⁶ و كي نبت الزرع و دار الثمار, وقتها بان فيه حتى الزوان ثاني. ²⁷ و جاو الخدامة تاع مولى الدار و قالوا لو: يا سيد, ياخي زرعت شتلة مليحة في جنانك؟ منين جا الزوان؟. ²⁸ قال لهم: هذا واحد عدو عمل هذا الشيء. قالوا الخدامة: تحب نروحوا نحيِوْه؟. ²⁹ قال لهم: لا! هكا نخاف تقلعوا لقمح مع الزوان. ³⁰ خلِيوْهم يكبروا مع بعضاهم حتى يجي وقت لحصاد, و في هاذاك الوقت نوصي الحصادبن: يلموا الزوان هو لول و يديروه حزم حزم باه يحرقوه, اما القمح يلموه يحطوه في المخزن تاعي". لمثل تاع حبة الخردل و لمثل تاع لخميرة ³¹ و زاد قال لهم مثل واحد اخر قال: "يشابه ملكوت السماوات حبة تاع خردل هزها واحد و زرعها عندو في الجنان, ³² و هي اصغر واحدة في الزريعة الكل. بالصح نهار اللي تنبت تولي اكبر واحدة في الخضرة الكل, و تكبر حتى تولي شجرة, و تجي لفراخ تبيت فوق لعراف تاعها". ³³ و زاد قال لهم مثل واحد اخر: "يشبه ملكوت السماوات خميرة هزتها لمرى و فرقتها على ثلاثة كيلات تاع عجينة حتى تخمرت العجينة كاملة". ³⁴ هاذي لمعاني الكل هدر بيها يسوع مع الغاشي, و كان يهدر معاهم غير بالمعاني, ³⁵ باه يتم اللي قال عليه النبي: "نخرج من فمي امثال, و من نهار اللي بدات الدنيا ننطق بالاسرار". يسوع يفسر المثل تاع القمح و الزوان ³⁶ و كي صرّف يسوع الغاشي و راح للدار. جاو ليه التلامذة و قالوا: "فسر لنا لمثل تاع القمح و الزوان اللي في الجنان". ³⁷ قال لهم: "الزارع اللي يزرع شتلة مليحة هو ابن الانسان. ³⁸ و الجنان هي الدنيا. و الشتلة لمليحة همّا اولاد الملكوت. و الزوان هو اولاد الشر. ³⁹ و العدو اللي زرع الزوان هو ابليس. و لحصاد هو نهار اللي تفنى الدنيا. و الحصادة همّا لملايكات. ⁴⁰ و كيما يتلم الزوان و يتحرق بالنار, هكذاك يصرى نهار تفنى الدنيا: ⁴¹ يبعث ابن الانسان لملايكات يلموا كل اللي يعثروا الناس و كل اللي يعملوا المعصية من الملكوت تاعو, ⁴² و يرميوهم في النار. وين يكون لبكاء و الخوف. ⁴³ وقتها لبرار يضوِيوْ كي الشمس في الملكوت تاع باباهم. اللي يحب يحل وذنيه باه يسمع يسمع, لمثل تاع الكنز وتاع الجوهرة و تاع الشبكة ⁴⁴ و يشابه ثاني الملكوت تاع السماوات لكنز مدفون في واحد الجنان, لقاه واحد راح خزنو. و من الفرحة تاعو راح باع كل ما يملك و شرى هاذاك الجنان. ⁴⁵ ثاني يشابه الملكوت تاع السماوات واحد تاجر يحوس على الجواهر الغالية, ⁴⁶ و كي لقى جوهرة واحدة اغلى من اللي عندو الكل, راح باع كل شيء وشراها. ⁴⁷ ثاني يشابه الملكوت تاع السماوات شبكة منصوبة في لبحر و فيها من كل نوع. ⁴⁸ و كي تعمرت الشبكة جبدوها للشط, و قعدوا يفرزوا فيها الحاجة لمليحة حطوها في الصنادق, و الحاجة اللي ما تصلحش رماوها بعيد. ⁴⁹ هكذا يكون نهار اللي تفنى الدنيا: يخرجوا الملايكة و يفرزوا الاشرار من بين الابرار, ⁵⁰ و يرمِيوْهم في النار. وين يكون لبكاء و الخوف". ⁵¹ قال لهم يسوع: "راكم فاهمين هاذا الشيء كامل؟". قالوا: "نعم يا سيدي". ⁵² قال لهم: "على جال هذا الشيء كل واحد من الكتبة متعلم في ملكوت السماوات يشابه لراجل مولى بيت يخرج من كنزو الجديد و لقديم". ⁵³ و كي كمل يسوع هاذي لمثال خرج من لثمة. الناصرة ما تقبلش يسوع ⁵⁴ و كي دخل يسوع لبلادو كان يعلم في وسط المجمع حتى حاروا فيه و قالوا: منين جاب هاذي الحكمة و هاذي الايات؟ ⁵⁵ ياخي هذا هو ولد النجار؟ و امو اسمها مريم, و خاوتو يعقوب و يوسي و سمعان و يهوذا؟ ⁵⁶ و خواتاتو لبنات الكل عندنا؟ منين جاب الحكمة هاذي كاملة؟". ⁵⁷ و كانوا كل واحد واش يقول عليه. اما يسوع قال لهم: "ما كانش نبي بلا قدَر غير في بلادو و في بيتو". ⁵⁸ و ما دارش لثمة معجزات ياسر على خاطر ما امنوش بيه.