¹ في هاذاك الوقت كان يسوع يمشي في وسط الزرع هو و التلامذة تاعو و كان نهار سبت, و كي جاعوا التلامذة نحاو السبول و كلاو. ² و كي شافوهم الفريسيين قالوا: "شوف التلامذة تاعك يعملوا حوايج محرمة نهار السبت!". ³ قال لهم: "ما قريتوش واش دار داود كي جاع هو والناس اللي كانوا معاه؟ ⁴ كيفاه دخل لبيت الله و كلى الخبز اللي مخصص للتقدمة اللي ما يحل لحتى واحد ياكل منو غير الكهنة وحدهم. ⁵ و الا ما قريتوش في التوراة باللي الكهنة في الهيكل نهار السبت يتعداو على السبت و هما ابرياء؟ ⁶ بالصح نقول لكم: هاذا اللي قدامكم هنا شانو اعظم من شان الهيكل! ⁷ لو كان جيتو تعرفوا واش المقصود بهاذا لكلام: انا نطلب رحمة مش ذبيحة, ما كنتوش تحكموا على الناس الابرياء! ⁸ على خاطر ابن الانسان هو رب السبت ثاني". ⁹ و من بعد خرج من هاذاك لمكان و راح للمجمع تاعهم, ¹⁰ و لقى ثمة واحد الراجل يدوا يابسة, سقساوه و قالوا: "حلال واحد يشفي المرضى نهار السبت؟" قالوا هكا باه يشكِيو بيه. ¹¹ قال لهم: "شكون منكم اذا كان عندو غير خروف واحد برك, و يطيحلو نهار السبت في مطمور, يجبدوا والا لا؟ ¹² وكيفاه مالا الانسان اللي اعز من لخروف! مالا يجوز للواحد يدير الخير نهار السبت!". ¹³ و من بعد قال لهاذاك الراجل: "مد يدك". مدها و رجعت صحيحة كيما يدو لخرى. راجل الله المختار ¹⁴ و كي خرجوا الفريسيين تفاهموا عليه باه يقتلوه, ¹⁵ و علم بيهم يسوع و خرج من لثم. و خرج وراه غاشي كبير و شفاهم كاملين. ¹⁶ و وصاهم باه ما يبينوهش, ¹⁷ باه يتم الشيء اللي قال عليه النبي اشعياء: ¹⁸ هاذا هو الشاب اللي خايرتو, حبيبي اللي نفسي راضية عليه. نحط روحي عليه باه يخبر الشعوب بالحق. ¹⁹ لا يعارك و لا يصيح, لبرى واحد ما يسمع صوتو. ²⁰ قصبة مشقوقة ما يكسر, و فتيلة مدخنة ما يطفي, حتى ينصر الحق. ²¹ و على اسمو هو يكون امل الشعوب". يسوع و بعلزبول ²² في هاذاك الوقت جابولو واحد مجنون اعمى و بكوش شفاه, هاذاك لعمى لبكوش نطق و عاد يشوف. ²³ والناس الكل حاروا فيه و قالوا: "ما يكونش هاذا ابن داود؟". ²⁴ بالصح الفريسيين كي سمعوا بهذا الشيء قالوا: "هذا ما يكون يخَرّج الشواطن غير على يد بعلربول سلطان الشواطن". ²⁵ و كي عرف يسوع واش قاعدين يخمموا, قال لهم: "كل مملكة تتقسم على روحها تريب, و كل مدينة و الا بيت يتقسم على روحو ما يثبتش. ²⁶ اذا كان الشيطان يخَرج الشيطان يسمى دار على روحو. كيفاه راح يثبت المُلك تاعو؟ ²⁷ و اذا كنت انا نخرج الشواطن بسلطان الشواطن, مالا ولادكم بشكون يخرجوهم؟ همّا اللي راح يحكموا عليكم! ²⁸ بالصح اذا كنت انا نخرج الشواطن بالروح تاع الله, يكون دهم عليكم الملكوت تاع الله! ²⁹ كيفاه يقدر الواحد يدخل لدار واحد قاوى و يديلوا مالو, لو كان ما يربطوش قبَل. و من بعد ينهبلو دارو؟ ³⁰ اللي ما يكونش معايا يكون ضدي, و اللي ما يلمش معايا يسمى قاعد يفرق. ³¹ على هذا نقول لكم: كل معصية و كل كذب يتغفر للناس, بالصح لكذب على الروح ما يتغفرش. ³² من قال كلمة على بن الانسان تتغفرلو, و اما اللي يقول على الروح القدس ما يتغفرلوش, لا في دار الدنيا و لا في دار لاخرة. ³³ كي تكون الشجرة مليحة تكون فاكيتها مليحة, و كي تكون الشجرة بيثر تكون فاكيتها بيثر, من الفاكية تتعرف الشجرة. ³⁴ يا ولاد لفاعي! كيفاه تقدروا تتكلموا بالصلاح و انتوما شرور؟ الشيء اللي يفيض من القلب هاذاك ينطق بيه الفم. ³⁵ و الانسان الصالح يخرج الصلاح من كنزو الصالح اللي في قلبو, و الانسان تاع الشر يخرج الشر من كنزو الشرير اللي في قلبو. ³⁶ بالصح نقول لكم: كل كلمة ماهيش مليحة يهدروها الناس يتحاسبوا عليها يوم الدين. ³⁷ على خاطر بكلامك تتبرر و بكلامك يتحكم عليك". اية يونان ³⁸ وقتها ردوا عليه جماعة من الكتبة و الفريسيين و قالوا: "يا معلم, نطلبوا منك تعمل لنا اية". ³⁹ جاوبهم و قال: "جيل شرير و فاسق يحوس على اية, و ما ينال حتى اية غير اية النبي يونان. ⁴⁰ على خاطر كيما كان يونان في كرش الحوت ثلاثة ايام و ثلاثة ليالي, هكذاك يكون ابن الانسان في قلب لرض ثلاثة ايام و ثلاثة ليالي. ⁴¹ رجال نينوي راح يقوموا يوم الدين مع هذا الجيل و يحكموا عليه, على خاطر همّا تابوا كي سمعوا تحذير يونان, و هنا كاين قدامكم اللي شانوا اكبر من شان يونان! ⁴² و الملكة تاع الجنوب راح تقوم يوم الدين مع هاذا الجيل و تحكم عليه, على خاطر هي جات من اخر الدنيا باه تسمع حكمة سليمان, و هنا كاين قدامكم اللي شانو اعظم من شان سليمان! ⁴³ و كي يخرج الروح المنجوس من العبد يبقى هايم في الصحاري, يحوس على الراحة و ما يلقاهاش. ⁴⁴ من بعد يقول: نرجع لداري اللي خرجت منها. و كي يجي يلقاها فارغة و مكنوسة و مزينة. ⁴⁵ يروح يزيد معاه سبعة ارواح انجس منو, تدخل و تسكن لثم, و تولى اخرة هذا العبد اشر من اللي كانت المرة لولى! هكذا تكون حالة هذا الجيل الفاسق". نعمل واش يطلب الله ⁴⁶ و هو مازال يهدر مع الغاشي جات امو و خاوتو و وقفوا لبرى عيطولوا حابين يهدروا معاه. ⁴⁷ قالو واحد من الناس: "هاي امك و خاوتك واقفين لبرى حابين يهدروا معاك". ⁴⁸ جاوبو يسوع و قالو: "شكون هي يمّا و شكون همّا خاوتي؟". ⁴⁹ و من بعد مد يدو جيهة التلامذة و قال: "هاذو همّا يمّا و خاوتي. ⁵⁰ على خاطر اللي يعمل رضاية بابا اللي في السماوات هو خويا و اختي و يمّا".