¹ و من بعد عيط للتلامذة في الثناش و مدلهم القدرة على الجنون باه يخرجوها, و باه يشفيو كل مرض و كل ضعف. ² و هاذي هي لسامي تاع الرسل في ثناش: لول سمعان اللي يعيطولو بطرس, و اندراوس خوه. و يعقوب بن زبدي, و خوه يوحنا. ³ فيليبس, و برتلماوس, و توما, و متى السمسار. و يعقوب بن حلفي, و لبّاوس المعروف بإسم تداوس. ⁴ سمعان القانوني, و يهوذا الاسخريوطي اللي باع يسوع. ⁵ و هاذوك الثناش بعثهم يسوع و وصاهم و قال لهم: "ما تحكموش الطريق للبلدان الاخرى, و ما تدخلوش لحتى مدينة تاع السامريين. ⁶ روحوا قبل لخرفان بيت اسرائيل الهايمة. ⁷ و انتوما رايحين بشروا و قولوا: المملكة تاع السماوات راهي قرْبّت. ⁸ اللي تلقاوهم مرضى اشفيوهم. و اللي تلقاوهم بالبرص رتحوهم. حييو الموتى. خرجوا الجنون. اديتوا بلاش, مدوا بلاش. ⁹ ما تهزوش معاكم لا دراهم و لا فضة و لا نحاس في جيابكم. ¹⁰ و ما تديروش حسابكم للطريق لا لبسة زايدة و لا سباط زايد و لا عصا, الخدّام عندو الحق في الماكلة تاعو. ¹¹ " و اي مدينة و الا قرية تدخلوها حوسوا فيها على اللي يستاهل. و ابقاو عندو حتى تروحوا من لثم. ¹² و كي تدخلوا لدار كاش واحد سلموا عليه. ¹³ اذا كان يستاهل يحل السلام تاعكم عليه, و اذا كان ما يستاهلش يرجع السلام تاعكم ليكم. ¹⁴ و اذا ما قبلوكمش و ما سمعوش كلامكم اخرجوا من هاذيك الدار و من هاذيك لمدينة, انفضوا ترابها من رجليكم. ¹⁵ نقول لكم الحق: يوم الدين راح تكون حالة سدوم و عمورة خير من حالتهم. ¹⁶ انا بعثكم كيما النعاج وسط الذيابة, كونوا فايقين كيما لحنوشة و مسالمين كيما لحمام. ¹⁷ ردوا بالكم من الناس, راح يكتفوكم و يجروكم للمحاكم, و يلموا عليكم جماعة و يضربوكم. ¹⁸ و يكركروكم للحكام و السلاطين على جال اسمي هذا الشيء اللي يشهد عليهم و على الامم اجمعين. ¹⁹ و كي يحكموكم ما تخموش واش تهدروا و واش تقولوا, في هاذيك الساعة يجيكم لكلام اللي راح تقولوه, ²⁰ على خاطر مش انتوما اللي راح تهدروا الروح تاع باباكم هو اللي يتكلم فيكم. ²¹ الخو راح يسلم خوه للموت, و الاب يسلم ولدو, و لولاد يثوروا على والديهم و يقتلوهم, ²² و تكونوا مكروهين عند الناس الكل على جال اسمي. بالصح اللي يصبر حتى للخر هاذاك يمنع. ²³ و كي يخرجزكم من مدينة روحوا لغيرها. نقول لكم الحق: و انتوما مازلتوا حتى ما كملتوش لمدن اللي في اسرائيل حتى يرجع ابن الانسان. ²⁴ " اللي يتعلم ما يكونش خير من المعلم, و العبد ما يكونش خير من سيدو. ²⁵ شرف كبير كي يكون اللي يتعلم كيما المعلم تاعو, و كي يكون العبد كيما سيدو. اذا كان قالوا على مولى الدار بعلزبول, واش راح يقولوا مالا على اهلو! ²⁶ ما تخافوش منهم, ماكانش سر غير و يبان, و ما كانش مخبي غير و يظهر. ²⁷ اللي نقول هولكم في ستر الليل قولوه انتوما في ضوء النهار, و اللي تتخالاو بيه في الوذن نادوا بيه فوق السطح, ²⁸ ما تخافوش من اللي يقتلوا لبدن و اما النفس ما يقدروش يقتلوها. بالصح الاولى بيكم تخافوا من هاذاك اللي يقدر يهلك لبدن و النفس في زوز في جاهنّامة. ²⁹ ياخي زوز فراخ يتباعوا بفلس؟ و واحد فيهم ما يطيح في لرض بلا علم باباكم. ³⁰ و اما انتوما حتى الشعر اللي في روسكم محسوب. ³¹ مالا ما تخافوش! انتوما خير ياسر من لفراخ! ³² كل من يستعرف بيا قدام الناس انا ثاني نستعرف قدام بابا اللي في السماوات, ³³ بالصح اللي ينكرني قدام الناس ننكروا انا ثاني قدام بابا اللي في السماوات. ³⁴ ما تحطوش باللي جيت باه نخلي الدنيا هانية. ما جيتش باه يكون لهنى بالصح يكون السيف. ³⁵ جيت نفرق الواحد على باباه, و البنت على امها, و الكنة على عجوزتها. ³⁶ يوليو موالين الدار همّا العديان. ³⁷ اللي يحب باباه و الا امو اكثر مني ما يستاهلنيش, و اللي يحب ولدو والا بنتو اكثر مني ما يستاهلنيش. ³⁸ و اللي ما يهزش الصليب تاعو و يتبعني ما يستاهلنيش. ³⁹ اللي يربح حياتو يخسرها, و اللي يخسر حياتو على جالي يربحها. ⁴⁰ اللي يقبلكم يقبلني, و اللي يقبلني يقبل اللي بعثني. ⁴¹ اللي يقبل نبي على خاطرو نبي ينال اجر تاع نبي, و اللي يقبل واحد صالح على خاطرو صالح ينال اجر تاع واحد صالح. ⁴² كل من يمد لواحد من هاذوك الصغار حتى لو كان كاس ما بارد برك على خاطرو تلميذ تاعي, نقول لكم الحق: الاجر تاعو ما يضيعش".