¹ و من بعد ف اول نهار من الاسبوع, مع الفجر بكري, جاو للقبر و جابوا معاهم الحنوط و البخور اللي داروهم, و جاو معاهم ناس واحد اخرين. ² و لقاو الحجرة اللي كانت قافلة على لقبر مجبودة على الباب, ³ و كي دخلوا ما لقاوش لبدن تاع الرب يسوع. ⁴ و بقاو مستغربين ف لشيء اللي صرى, شوية ظهروا لهم زوز رجال لابسين قش يبرق. ⁵ على خاطر كانوا خايفين هبطوا روسهم, قالوا لهم: "علاه تفركتوا على الحي بين الموتى؟ ⁶ هو ما هوش هنا, بالصح قام! اتفكروا واش قال لكم كي كان ف الجليل ⁷ قال: باللي لازم على ابن الانسان يطيح ف يد ناس مذنبين, و يتصلب, و ف ثالث يوم يقوم من بين الموتى". ⁸ و كي تفكروا لكلام تاعو, ⁹ رجعوا من لقبر, و راحوا قالوا للتلامذة ف حداش و للخرين الكل الشيء اللي صرى. ¹⁰ و كانت مريم المجدلية و يونا و مريم ام يعقوب و النساء لخرين اللي كانوا معاهم, همّا اللي خبروا الرسل بهاذا الشيء. ¹¹ و بانت لهم هدرتهم تقول يهتوْروا و ما قبلوهمش. ¹² وقف بطرس و راح يجري للقبر, و كي طل شاف لكفن محطوط على جيهة وحدو, و رجع مستغرب من الشيء اللي صرى. ف طريق عمواس ¹³ و كانوا زوز منهم ف هاذاك النهار رايحين لواحد القرية بعيدة على اورشليم بسبعة اميال, اسمها "عمواس". ¹⁴ و كانوا ماشيين و يهدروا مع بعضاهم على واش صرى الكل. ¹⁵ و كي كانوا يهدروا و يتناقشوا, قرّب لهم يسوع ف ذاتو و بدا يمشي معاهم. ¹⁶ بالصح هما تقول عمات عينيهم ما قدروش يعرفوه. ¹⁷ قال لهم: "واش قاعدين تهدروا و انتم ماشيين و الحزن باين على وجوهكم؟". ¹⁸ رد عليه واحد منهم, اللي كان اسمو كليوباس و قال: "مالا راك غير انت وحدك لغريب ف اورشليم و ما علابالك بوالو من الشيء اللي صرى ليامات هاذي؟". ¹⁹ قال لهم: "واش صرى؟". قالوا: "الشيء اللي صرى ليسوع الناصري, اللي كان انسان نبي قادر ف الافعال و الاقوال عند الله و عند الناس الكل. ²⁰ و كيفاه حكموا عليه الرياس تاع الكهنة و الحكّام تاعنا بالموت و صلبوه. ²¹ و احنا كنّا نتمناو يكون هو اللي يخلص اسرائيل. بالصح, رغم هاذا الكل, اليوم عندها ثلاثة ايام من اللي صرى هاذا الكل. ²² بالصح كاين نساء من جماعتنا راحوا الصباح بكري للقبر و جاو خبرونا , ²³ باللي ما لقاوش لبدن تاعو وقالوا: باللي شافوا ملايكة قالولهم باللي راه حي. ²⁴ و كي راحوا وحايد منا للقبر, لقاو كيما قالوا النساء بالذات, اما همّا ما شافوهش". ²⁵ قال لهم: "واشبيكم ما تفهموش و ثقيل ف قلوبكم الايمان بالحوايج الكل اللي قالوها الانبياء! ²⁶ كيفاه ما كانش لازم على المسيح يقاسي لوجاع و هكا يدخل للمجد تاعو؟". ²⁷ و بدى من موسى و من كل الانبياء و هو يفسر لهم الامور الخاصة بيه ف الكتب الكل. ²⁸ و كي قربوا للقرية اللي كانوا رايحيين ليها, حسب روحو رايح لمدينة ابعد. ²⁹ بالصح هما عرضوه و حتموا عليه يبقى معاهم و قالوا: "اقعد معانا, او راح النهار, و قريب يطيح الليل". ولى دخل معاهم. ³⁰ و كي قعد معاهم, هز الخبز و بارك و كسر و مد لهم ياكلوا, ³¹ وقتها تحلت عينيهم و عرفوه و من بعد راح عليهم, ³² و قالوا لبعضاهم: "ما كانتش قلوبنا شاعلة فينا و هو يهدر معانا ف الطريق و يشرح لنا ف الكتب؟". ³³ و وقفوا ف هاذيك الساعة و زادوا رجعوا لاورشليم, و لقاو التلامذة ف حداش متلميين, هما و الناس اللي كانوا معاهم ³⁴ و قالولهم: "الرب صح قام من بين الموتى و ظهر لسمعان!". ³⁵ و هما ثاني زادوا قالولهم على الشيء اللي صرى ف الطريق, و كيفاه عرفوه كي قسم الخبز. يسوع يظهر للتلامذة ³⁶ و همّا قاعدين يهدروا على هاذا الشيء شوية ظهر يسوع بذاتو ف وسطهم, و قال لهم: "السلام عليكم!". ³⁷ خافوا و تخلعوا, و حسبوه روح. ³⁸ قال لهم: "واشبيكم خايفين, وعلاه بديتوا تشكوا ف قلوبكم؟ ³⁹ شوفوا يديا و رجليّا: اني انا هو! مسوا و شوفوا, الروح ما عندو لا لحم و لا عظم كيما تشوفوا فيّا انا". ⁴⁰ و كي قال هاذا لكلام ورالهم يديه و رجليه يشوفوهم. ⁴¹ و هما مازالوا ماهمش مصدقين من الفرحة, و مستغربين, قال لهم: "عندكم ماكلة هنا؟". ⁴² جابولوا شوية حوت مشوي, و شهدة تاع عسل. ⁴³ حكمهم و كلى قدامهم. ⁴⁴ و قال لهم: "هاذا هو لكلام اللي قلت لكم عليه كي كنت معاكم: باللي لازم يتم الشيء كامل اللي تكتب عليّا ف الشريعة تاع موسى و الانبياء و المزامير". ⁴⁵ وقتها فتح اذهانهم باه يفهموا الكتب. ⁴⁶ و قال لهم: "هكذا مكتوب, و هكذا كان لازم المسيح يقاسي لوجاع و يقوم ثالث يوم, ⁴⁷ و يبشروا باسمو بالتوبة و غفران الذنوب لجميع الامم, من اورشليم و روح. ⁴⁸ و انتم شهود على هاذا. ⁴⁹ و انا نبعث لكم اللي وعد بيه بابا. اقعدوا ف مدينة اورشليم حتى ن تلبسوا قوة من لعلالي". المسيح يطلع للسماء ⁵⁰ و خرجهم لبرى ل بيت عنيا, و هز يديه و باركهم. ⁵¹ و هو قاعد يبارك فيهم, بعد عليهم شوية و طلع للسماء. ⁵² سجدوا ليه و رجعوا لاورشليم و همّا فرحانين فرحة كبيرة, ⁵³ و كانوا ف كل وقت يروحوا للهيكل يسبحوا و يباركوا الله. امين.