¹ و خزر يسوع و شاف الاغنياء يحطوا التبرعات تاعهم في الخزنة تاع الهيكل, ² و شاف ثاني واحد الارملة فقيرة حطت زوز دورو. ³ قال لهم: "نقول لكم الحق: هاذي الارملة الفقيرة تبرعت اكثر منهم الكل, ⁴ على خاطر هاذوك مدوا من الفضلة تاعهم, اما هي مدت من الاحتياج تاعها و هي حطت اللي تكسبوا الكل". تدمير الهيكل و اخر الزمان ⁵ و كانوا جماعة ثمة يقولوا على الهيكل باللي مزين بالحجار و التحف المليحة, قال لهم: ⁶ "هاذي اللي قاعدين تشوفوا فيها ضرك, تجي ايامات ما يبقى فيها حتى حجر فوق حجر غير و يطيح". ⁷ سقساوه و قالوا: "يا معلم, وقتاه يكون هاذا الشيء؟ و اعطينا لمارة تاعو؟". ⁸ قال لهم: "شوفوا! واحد ما يغلطكم. على خاطرياسر اللي راح يجيو باسمي و يقولوا: اني انا هو! و باللي الزمان قرّب! ما تبعوهمش. ⁹ اذا سمعتوا باخبار الحروب و الثورات ما تخافوش, لابد تكون هاذي الكل قبل, بالصح النهاية ما تكونش وراه ثم ثم". ¹⁰ و زاد قال لهم: "تقوم امة على امة و مملكة على مملكة, ¹¹ و تكون زلازل كبيرة, و مجاعات و اوبئة في بلدان ياسر, و تصرى حوايج تخوف و تبان علامات ف السماء. ¹² و قبل هاذا الكل يقبضوا عليكم الناس و يضطهدوكم, و يسلموكم للمجامع و يدخلوكم للحباس, و توقفوا قدام ملوك و حكام على جال اسمي. ¹³ و تكون هاذي فرصة ليكم باه تشهدوا فيها. ¹⁴ بالصح ما تتقلقوش كيفاه تدافعوا على ارواحكم, ¹⁵ على خاطر انا نعطيكم كلام و حكمة ما يقدروش عديانكم لا يقاوموها و لا يردوا عليها. ¹⁶ و راح يسلموكم والديكم و خاوتكم و اهلكم و صحابكمو و كاين منكم حتى االي يقتلوهم. ¹⁷ و تكونوا مكروهين عند الناس الكل على جال اسمي. ¹⁸ بالصح شعرة من روسكم ما تتمس. ¹⁹ بالصبر و الثبات تمًنعوا ارواحكم. ²⁰ وقت اللي تشوفوا فيه اورشليم محاصرة بالعسكر اعرفوا باللي تدميرها قرًب. ²¹ وقتها اللي في بلاد اليهودية يهربوا للجبال و اللي في وسطها يخرجوا منها, و اللي ف لخلى ما يدخلوهاش, ²² على خاطر راح تكون هاذي ايام نقمة من عند الله, باه يتم الشيء اللي تكتب ف الكتب المقدسة. ²³ يا ويلها اللي بالكرش واللي ترضع ف هاذيك ليام. راح تكون نكبة كبيرة على لرش الكل و سخط الله على هاذا الشعب. ²⁴ يقتلوهم بحد السيف, و يدَيوهم اسرى لجميع الامم, و تتعفس اورشليم من الاجناس الكل, حتى يتم زمانهم. ²⁵ و تظهر امارات ف الشمس و القمرة و النجوم, و الامم تاع الدنيا الكل تحير واش تدير. لبحر يهيج و لمواج تعلى, ²⁶ و يموتوا الناس من الخوف و همًا يستناوْ واش راح يصرى للدنيا. على خاطر قوات السماء تتزعزع. ²⁷ في هاذاك الوقت راح يشوفوا ابن الانسان جاي ف السحاب بقوة و جاه كبير. ²⁸ كي يبدى هاذا الشيء يصير اوقفوا و هزوا روسكم على خاطر النجاة تاعكم قربت". ²⁹ و قال هاذا لمثل: "شوفوا الشجرة تاع الكرطوس و الشجر لخرين الكل. ³⁰ كي تشوفوها فًرْختتعرفوا باللي الصيف قريب. ³¹ انتم ثاني كي تشوفوا هاذي الامور صايرة اعرفوا باللي الملكوت تاع الله قريب يجي. ³² نقول لكم الحق: ما يروحش هاذا الجيل حتى يكون هاذا الشيء كامل. ³³ السما و لرض يفناو, اما كلامي ما يفناش. اسهروا و صلوا ³⁴ استحفظوا على ارواحكم باه ما تثقلش قلوبكم بالخمر و السكرة و هموم الدنيا, و يجيكم هاذاك النهار على غرادة. ³⁵ على خاطر يكون كيما الفخة اللي تغدر سكان لرض الكل. ³⁶ اسهروا مالاو صلِيوْ في كل وقت, باه تكتب لكم النجاة من جميع هاذا الشيء كامل اللي راح يصرى, و باه توقفوا قدام ابن الانسان. ³⁷ و كان ف النهار يعلم ف الهيكل, و ف الليل يخرج يبات ف الجبل اللي يسموه جبل الزيتون. ³⁸ و كانوا الناس الكل يبكروا ليه للهيكل باه يسمعوا لكلام تاعو.