¹ و من بعد دخل و عدى ف وسط اريحا. ² و كان واحد الراجل اسمو زكا, و هو مسؤول على العشارين اللي يلموا المكس و كان راجل غني, ³ و كان حاب يشوف شكون هو يسوع, بالصح ما قدرش على خاطر كانوا الناس ياسر, و هو كان قصير. ⁴ راح يجري و طلع في واحدة الشجرة باه يقدر يشوفو, كي يعدي من ثمة. ⁵ و كي وصل يسوع قدامو, خزر لفوق وشافو, و قالو: "يا زكّا, اهبط ف ساع, على خاطر لازم نبات ف دارك اليوم". ⁶ هبط يجري و استقبلو و فرح بيه. ⁷ و الناس الكل كي شافوا الشيء اللي صرى ما عجبهمش الحال و قالوا: "او دخل لدار واحد مذنب راح يبات عندو". ⁸ وقف زكّا و قال للرب: "انا يا ربي نمد نص ما نملك للفقراء, و اذا كان ظلمت كاش واحد نرجعلو قد ما ديت ربعة مرات". ⁹ قالو يسوع: "اليوم صرى الخلاص لهاذي الدار, انت ثاني ولد ابراهيم, ¹⁰ على خاطر ابن الانسان جا يفركت على الهالكين باه يخلصهم". ¹¹ و كي كانوا يسمعوا فيه زاد قال لهم هاذا لمثل, على خاطر كان قريب من اورشليم, و همّا كانوا حاسبين باللي الملكوت تاع الله راح يظهر ثم ثم. لمثل تاع الخدامين الامناء ¹² قال: "كان واحد الراجل من الامراء سافر لبلاد بعيدة باه يتولى امور الملك و من بعد يرجع. ¹³ عيط على عشرة من الخدام تاعو و مد لكل واحد منهم صوارد دينار تاع ذهب, و قال لهم: تاجروا حتى نرجع. ¹⁴ اما اهل لمدينة تاعو كانوا يكرهوه, بعثوا وراه جماعة يقولوا: ما نحبوش هاذا يكون ملك علينا. ¹⁵ و بعدما قضى امورو وادى الملك رجع, و عيط على هاذوك الخدّام اللي اعطاهم الصوارد, باه يشوف كل واحد فيهم كيفاه تاجر. ¹⁶ جا لول فيهم و قال: يا سيدي الدينار تاعك جاب عشرة. ¹⁷ رد عليه و قال: يعطيك الصحة انت عبد صالح! على خاطر كنت امين ف لقليل, نحطك سلطان على عشرة مدن. ¹⁸ و زاد جا الثاني و قال: يا سيدي الدينار تاعك جاب خمسة اخرين. ¹⁹ رد عليه هو ثاني و قال: انت تكون سلطان على خمسة مدن. ²⁰ و من بعد زاد جا واحد اخر و قال: يا سيد, هاو الدينار تاعك اللي عندي خبيتو ف المحرمة, ²¹ انا خفت منك, على خاطر انت راجل واعر, تحب تدي بلا ما تمد, و تحب تحصد بلا ما تزرع. ²² قالو: كيما قلت بفمك كيما تتحاسب يا واحد العبد الشرير. كي على بالك باللي انا واعر, و نحب ندي بلا ما نمد, و نحصد بلا ما نزرع, ²³ علاه مالا ما حطيتش صواردي ف البانكة, كي نجي نرجعهم بالفايدة؟ ²⁴ و من بعد قال للحاضرين: نحيولو الدينار واعطوه لمولى العشرة. ²⁵ قالوا: يا سيدي بالصح هوعندو عشرة دنانير! ²⁶ على هاذيك نقول لكم: كل من عندو يزيد يدي, و اللي ما عندوش يزيد يتنحالو. ²⁷ اما عدياني اللي ما يحبوش نولي ملك عليهم, جيبوهم هنا و اذبحوهم قدامي". يسوع يدخل لاورشليم ²⁸ و كي قال هاذا كمّل طريقو طالع لاورشليم. ²⁹ و كي قرّب من بيت فاجي و بيت عنيا, بحذى الجبل اللي يقولولوا جبل الزيتون, بعث زوز من التلامذة تاعو ³⁰ و وصاهم: "روحوا للقرية اللي قدامكم, و كي تدخلولها تلقاو جحش مربوط ما ركب عليه حتى انسان من قبل حلوه و جيبوه هنا. ³¹ و اذا كان سقساكم كاش واحد : علاه تحلوا فيه؟ قولوا: الرب محتاج ليه". ³² كي راحوا لقاو كيما قال لهم, ³³ و كي كانوا يحلوا في الرباط تاع الجحش جاو ماليه وقالوا: "علاه تحلوا ف الجحش؟". ³⁴ جاوبوهم: "الرب محتاج ليه". ³⁵ و جابوه ليسوع, و حطوا قشهم فوق الجحش, و ركبوا عليه يسوع. ³⁶ و زادوا فرشوا قشهم ف الطريق اللي يمشي عليها. ³⁷ و كي وصل للهبطة تاع جبل الزيتون, بداو التلامذة الكل يسبحوا ف الله و يحمدوه بصوت عالي, على جال المعجزات الكل اللي شافوها, ³⁸ و كانوا يقولوا: "تبارك الله على الملك اللي جا باسم ربي! سلام الله في السماوات و مجد الله ف لعلالي!". ³⁹ و كانوا ثمة جماعة من العلماء تاع الشريعة ف وسط الغاشي قالوا ليسوع: "يا معلم, سكّت التلامذة تاعك!". ⁴⁰ رد عليهم و قال: "نقول لكم: حتى لو كان سكتوا همّا لحجار تنطق!". يسوع يبكي على اورشليم ⁴¹ و كي قرّب قابلاتو لمدينة شافها و بكى عليها ⁴² و قال: "يا ريت تعلمي انت ثاني اليوم طريق سلامك! بالصح ضرك محجوب على عينيك. ⁴³ تجيك ايام يدوروا بيك عديانك بالمركبات تاع لحديد, و يحصروك و يهجموا عليك من كل جيهة, ⁴⁴ و يرّيبوا الديار على راس اولادك, و ما يخليو حجر راكب على حجر, على خاطر ما عرفتيش الزمان اللي تفقدك فيه الله". تطهير الهيكل ⁴⁵ و كي دخل للهيكل راح و بدى يخرج ف الناس اللي يبيعوا و يشريو لثمة ⁴⁶ و قال لهم: "مكتوب: بيتي بيت صلاة. و انتوما قلبتوه غار تاع سرارقة!". ⁴⁷ و كان كل يوم يعَلم ف الهيكل, و كانوا رياس الكهنة و الكتبة و الزعماء تاع الشعب يحبوا يقتلوه, ⁴⁸ بالصح ما قدروا يديروا والو, على خاطر الناس الكل كانوا متعلقين بيه و يحبوا يسمعوه.