1 على خاطر كاين ناس ياسر بداو يكتبوا على الشيء اللي صرى في وسطنا. 2 كيما وصلوه الناس اللي كانوا من لول شهود و خدامين للكلمة, 3 و انا ثاني, بعدما تبعت كل شيء من المصدر تاعو بالتدقيق, قلت باللي نكتب لك, يا مولى العزة تاوفيلس, 4 باه تعرف باللي الكلام اللي وصلك صحيح. بشارة ميلاد يوحنا المعمدان 5 في ايامات هيرودس اللي كان سلطان على بلاد اليهودية كان واحد الكاهن اسمو زكريا من فرقة ابيا, و مرتو من سلالة هارون و اسمها اليصابات. 6 و كانوا في زوز يخافوا الله, ويتبعوا الشيء اللي وصى بيه كامل في الشريعة بلا ما يقصرو في حتى حاجة. 7 و كانوا ما يجيبوش لولاد, على خاطر اليصابات كانت عاقر. وكانوا في زوز شيّاب كبار في العمر. 8 و كي كان يخدم في الله في الدالة تاع الفرقة تاعو, 9 على حساب العادة تاع الخدمة, طاحت عليه القرعة باه يدخل للهيكل و يبخّر. 10 و كان الشعب يصلي لبرى وقت البخور. 11 شوية ظهر لو ملاك الرب واقف على يمين المذبح تاع لبخور. 12 و كي شافو زكريا دخل في بعضاه و خاف. 13 قال لو الملاك: "ما تخافش يا زكريا, على خاطر ربي سمع دعوتك, و مرتك اليصابات راح تجيبلك طفل و تسميه يوحنا. 14 و راح تسعد و تفرح بيه, و ناس ياسر راح يفرحوا معاك بالزيادة تاعو, 15 على خاطر راح يكون عظيم الشان عند الله, لا يشرب لا خمر و لا اي حاجة تسكر, و يتملى بالروح القدس و هو في مازال في كرش امو. 16 و راح يهدي ناس ياسر من بني اسرائيل لطريق الرب الههم. 17 و يسير قدامو بالروح و القوة تاع ايليا, و يصلح بين الاباء و اولادهم, و يهدي الاشرار لحكمة لبرار, و يكوَّن للرب شعب واجد و مستعد". 18 قال زكريا للملاك: "كيفاه راح يصرى هاذا الشيء كامل, و انا شايب كبير و مرتي عزوزة و كبيرة في لعمر؟". 19 رد عليه الملاك و قال: "انا جبريل الواقف ديما في حضرة الله, و بعثني باه نهدر معاك و نبشرك بهاذي البشارة. 20 بالصح انت راح تبكش و ما تقدرش تهدر حتى ن يجي النهار اللي يتحقق فيه هاذا الامر, على خاطر ما حبيتش تقبل كلامي اللي راح يصرى في الوقت تاعو بالضبط.". 21 و كان الشعب يستنى في زكريا باه يخرج لهم و همّا حايرين علاه بطى الداخل في الهيكل. 22 و كي خرج ما قدرش يهدر معاهم, و فهموا باللي تكَشّف على حاجة في وسط الهيكل. و كان برك يحرك في راسو و يشير لهم و قعد ساكت بكَشْ. 23 و كي كملت ايامات الخدمة تاعو رجع لدارو. 24 و من بعدها بايامات هزت اليصابات مرتو بالكرش, و خبات روحا خمسة شهر و هي تقول: 25 "هاذا من فضل ربي نهار اللي شافلي باه نحي عليا عاري من بين الناس". بشارة الزيادة بيسوع 26 و كي عادت في شهرها السادس بعث الله الملاك جبريل لواحد لمدينة في الجليل اسمها الناصرة, 27 عند واحد الصبية مخطوبة لراجل من سلالة داود اسمو يوسف, و اسم الصبية مريم. 28 دخل لها الملاك و قال لها: "السلام عليك يا اللي نعم عليها الله! ربي معاك. مبروكة انت من بين النساء". 29 و كي شافاتو خافت و حارت في كلامو, و قالت بينها بين روحها: "واش تكون زعمة هاذي التحية!" 30 قال لها الملاك: "ما تخافيش يا مريم, راكي نلتي نعمة من عند الله. 31 انت راح تحملي و تولدي طفل و تسميه يسوع. 32 و راح يكون عظيم الشان, و يسمّى ولد ربي العالي, و يعطيه الاله ربي كرسي داود جدو, 33 و يملك على بيت يعقوب على الدوام, و ما تكونش اخرة للملك تاعو". 34 قالت مريم للملاك: "كيفاه يصرى هاذا الشيء و انا ما عنديش راجل؟". 35 رد عليها الملاك و قال: "الروح القدس يحل عليك, و قوة العالي تظلل عليك, على هاذيك ثاني حتى اللي يولد منك يسمى ابن الله. 36 و هاي حتى اليصابات قريبتك في كرشها طفل ثاني و هي كبيرة في لعمر, و داخلة في شهرها السادس هاذيك اللي قالوا عليها عاقرة, 37 على خاطر ما كانش حاجة ما يقدرش يديرها الله". 38 قالت مريم: "انا لخديمة تاع الله. اللي تقول عليه يصرى". و راح الملاك من عندها. مريم العذراء تزور اليصابات 39 و في هاذيك ليام وقفت مريم و حكمت الطريق في ساع للجبال لمدينة يهوذا, 40 و دخلت لبيت زكريا و سلمت على اليصابات. 41 و كي سمعت اليصابات التسلام تاع مريم تحرك الصغير في كرشها, و تملات اليصابات بالروح القدس, 42 و عيطت على طول صوتها و قالت: "متباركة انت في وسط النساء و متباركة ثمرة رحامك! 43 واش من قدر عندي حتى تجي ام ربي عندي؟ 44 انا كي سمعت صوت سلامك في وذني تحرك الصغير في رحامي. 45 من الفرحة. يا سعد اللي امنت باللي الشيء اللي قال عليه ربي كامل راح يصرى". تسبيحة مريم 46 قالت مريم: "نفسي تعظم ربي, 47 و تفرح روحي بالله مخلصي, 48 على خاطر شاف لتواضع خديمتو.من اليوم و جاي لجيال الكل تباركني, 49 على خاطر القدير دارلي حوايج عظيمة, و اسمو قدوس, 50 و رحمته من جيل لجيل للناس اللي يخافوه. 51 بذراعو صنع قوة. و المتكبرين فناهم على نية قلوبهم. 52 نزَل صحاب العز من لمقامات العالية و طلّع المتواضعين. 53 الجيّاع شبعهم بالخيرات و رجع لمرفهين فارغين. 54 وقف مع عبدو اسرائيل و تفكر رحمتو ليه, 55 كيما كلم جدودنا. ابراهيم و ذريتو على دوام الدهر". 56 و قعدت مريم عند اليصابات قريب ثلاثة شهر, و من بعد رجعت لدارها. ميلاد يوحنا المعمدان 57 اما اليصابات وصلت ساعتها باه تولد, و ولدت جابت طفل. 58 و سمعوا جيرانها و اماليها باللي ربي عظّم رحمتو من جيهتها, و فرحوا معاها. 59 و كي جاو باه يطهروا الطفل في الثامن, سموه زكريا على اسم باباه. 60 بالصح امو قالت: "لا! يسّمى يوحنا". 61 قالوا لها: "ما كان حتى واحد في العرش تاعك تسمى بهاذا الاسم". 62 و كي خزروا لباباه و سقسوه واش يحب يسميه. 63 طلب يجيبولو لوحة و كتب عليها: "اسمو يوحنا". كلهم تعجبوا من هاذا الشيء. 64 و في هاذيك الساعة تطلق لسانو و هدر و بارك الله. 65 و الجيران الكل طاح عليهم الخوف, و الناس الكل ولات تهدر على هاذي الامور اللي صرات في جبال اليهودية, 66 و خباوها في قلوبهم و قالوا: "زعمى واش راح يولي هاذا الطفل؟". و كانت يد الله معاه. تسبيحة زكريا 67 و تملى زكريا باباه بالروح القدس, و تنبأ و قال: 68 " تبارك الله اله اسرائيل على خاطر تفقد شعبو و دار له فداء, 69 و جعل لنا مخلص قدير في بيت العبد تاعو داود. 70 كيما وعد من قديم الزمان على لسان الانبياء القديسين, 71 باه يسلكنا من عدياننا و من يد جميع اللي يبغضونا. 72 و رحمة منو لجدودنا باه يتمم معاهم العاهد المقدس, 73 اللي حلف بيه لبابانا ابراهيم: 74 باه يمنعننا من عدياننا, باه نعبدوه بلا خوف 75 و بقداسة و تقوى كل ايام حياتنا. 76 و انت يا وليدي راح تكون نبي الله العالي, تسير قدام وجه الرب باه توجدلو الطريق. 77 و تعلم الشعب تاعو باللي السلاك ينالوه من غفران ذنوبهم, 78 على خاطر الهنا اله رحيم و رؤوف بالرحمة تاعوتفقدنا و نوّر علينا من لعلالي, 79 باه يضوي بنورو على اللي قاعدين في الظلمة و ظل الموت, باه يهدي خطواتنا لطريق السلام". 80 اما الطفل يوحنا كان يكبر و يتقوى بالروح, و كان عايش في الصحراء حتى للنهار اللي ظهر فيه لبني اسرائيل.