¹ و ف اول نهار من الاسبوع جات مريم المجدلية الصباح بكري للقبر, و الدنيا مازالت ظلمة. و شافت الحجرة منحية على باب لقبر. ² راحت تجري عند سمعان بطرس و للتلميذ لاخر اللي كان يسوع يحبو, و قالت لهم: "داو الرب من لقبر, و ما نعرفوش وين حطوه!". ³ خرج بطرس و التلميذ لاخر و راحو للقبر. ⁴ و كانوا ف زوز يجريو مع بعضاهم. و سبق التلميذ لاخر بطرس و وصل هو لول للقبر, ⁵ و طل و شاف لكفن محطوط بالصح ما دخلش. ⁶ و من بعد وصل سمعان بطرس وراه, و دخل للقبر و شاف لكفن محطوط. ⁷ و لقماش اللي يغطيو بيه الراس محطوط وحدو بعيد على لكفن, ملموم وحدو على جيهة. ⁸ و زاد دخل التلميذ لاخر اللي كان وصل هو لول للقبر, و شاف و امن, ⁹ على خاطر مازالوا ما فهموش واش جا ف لكتاب باللي لازم يسوع يقوم من بين لموتى. ¹⁰ و من بعد رجعوا هاذوك الزوز تلامذة منين جاو. يسوع يظهر لمريم المجدلية ¹¹ و بقات مريم واقفة قدام لقبر لبرى تبكي. و كي كانت تبكي طلت على لقبر, ¹² شافت زوز ملايكة لابسين قش ابيض قاعدين واحد ف جيهة الراس و لاخر ف جيهة الرجلين, ف لمكان اللي كان فيه الجسد تاع يسوع. ¹³ قالوا لها: "يا مرى, علاش تبكي؟". قالت لهم: "داو سيدي و ما نعرفش وين حطوه!". ¹⁴ و كي كانت تهدر تلفتت وراها, و شافت يسوع واقف, بالصح ما عرفتوش. ¹⁵ قال لها يسوع: "يا مرى, علاش تبكي؟ على شكون تحوسي؟". و حسباتو الفلاح اللي يخدم ف الجنان, قالت لو: "يا سيدي, اذا كان انت هزيتو قل لي وين حطيتو, و انا نروح نديه". ¹⁶ قال لها يسوع: "يا مريم". تلفتت و قالت لو: "ربوني!" اللي معناها: يا معلم. ¹⁷ قال لها يسوع: "ما تمسينيش على خاطر ما زلت ما طلعتش عند بابا. بالصح روحي لخاوتي قوليلهم: اني طالع لبابا و باباكم و الهي و الهكم". ¹⁸ و راحت مريم المجدلية و خبرت التلامذة باللي هي شافت الرب, و باللي هاذا واش قال لها. يسوع يظهر للتلامذة تاعو ¹⁹ و ف هاذاك اليوم ف لعشية, و هو اول يوم من الاسبوع, كانوا التلامذة مجتمعين و كانت البيبان مقفولة على خاطر كانوا خايفين من ليهود, جا يسوع و وقف ف الوسط و قال لهم: "السلام عليكم!". ²⁰ و كي قال هاذا ورالهم يديه و رجليه, و فرحوا التلامذة على خاطر شافوا الرب. ²¹ زاد قال لهم يسوع: "سلام ليكم! كيما بعثني الاب انا ثاني نبعثكم". ²² و كي قال هاذا لكلام نفخ و قال لهم: "اقبلوا الروح القدس. ²³ اللي تغفرولهم ينالوا الغفران, و اللي ما تغفرولهمش ما ينالوش الغفران". ²⁴ اما توما, واحد من بين الثناش, اللي يسميوه التومي, ماكانش معاهم كي ظهر لهم يسوع. ²⁵ و كي قالوا لو التلامذة لخرين: "شفنا الرب!". قال لهم: "لو كان ما نشوفش الجرح تاع لمسامر على يديه, و نحط صبعي في الجرح, و نحط يدي على جنبو, ما نامنش". ²⁶ و من بعد ثمانية ايام كانوا التلامذة قاعدين لداخل و كان معاهم توما, جا يسوع و البيبان مقفولة, و وقف ف الوسط و قال: "السلام عليكم!" ²⁷ و من بعد قال لتوما: "هات صبعك هنا و شوف يدي, و هات يدك و حطها ف جنبي, و ما تكونش مشكاك كون مومن". ²⁸ رد عليه توما و قال: "ربي و الهي!". ²⁹ قالو يسوع: "على خاطر شفتني يا توما امنت! يا سعد اللي امنوا و ما شافونيش". ³⁰ و دار يسوع معجزات اخرى ياسر قدام التلامذة تاعو ما تكتبتش ف هاذا لكتاب. ³¹ و اما هاذي اللي تكتبت هنا غير باه تامنوا باللي يسوع المسيح هو ابن الله, باه تنالوا لحياة اذا امنتوا باسمو.