¹ قال يسوع هاذا لكلام و خرج هو والتلامذة و عداو للجيهة لخرى لواد قدرون, و كان ثمة واحد الجنان دخل ليه هو والتلامذة. ² و كان يهوذا اللي راح يخونو يعرف هاذاك المضرب على خاطر يسوع كان دايما يقعد فيه هو والتلامذة. ³ و جاب يهوذا العسكر و رجال من عند رياس الكهنة و العلماء تاع الشريعة, و راحوا لهاذاك الجنان و هما هازين مصابيح و مشاعل و سلاح. ⁴ و خرج يسوع و هو عالم بكل واش راح يصرى لو. و قال لهم: "على شكون تحوسوا؟". ⁵ قالوا: "يسوع الناصري". قال لهم يسوع: "انا هو". و كان يهوذا اللي راح يخونو هو ثاني واقف معاهم. ⁶ و كي قال لهم: "اني انا هو", ساخروا لورى و طاحوا على لرض. ⁷ و زاد سقساهم: "على شكون تحوسوا؟". قالوا: "يسوع الناصري". ⁸ رد عليهم يسوع و قال: "قلت لكم اني انا هو. كي عدتوا تحوسوا عليّا انا خلِيو هاذوا يروحوا". ⁹ باه يتم لكلام اللي مكتوب: "اللي وهبتهم لي ما خسرت منهم حتى واحد". ¹⁰ و سمعان بطرس كان عندو سيف, جبدو وضرب بيه لخديم تاع رايس الكهنة, و نحالو وذنو ليمنى. و كان اسم الراجل ملخس. ¹¹ قال يسوع لبطرس: "رجع السيف تاعك وين كان! كيفاه ما نشربش كاس لعذاب اللي جعلهالي الاب؟". قدام حنّان ¹² و العسكر و القايد و الخدّام تاع ليهود حكموا يسوع و كتفوه, ¹³ و اداوه لحنّان هو لول, على خاطر كان نسيب قيافا اللي كان رايس للكهنة ف هاذاك العام. ¹⁴ و قيافا هو اللي دبّر على ليهود باللي خير لهم يموت راجل واحد يفدي الشعب. بطرس ينكر يسوع ¹⁵ و كان سمعان بطرس هو و التلميذ لاخر يتبعوا ف يسوع, و كان هاذاك التلميذ معروف عند رايس الكهنة, و دخل مع يسوع لدار رايس الكهنة. ¹⁶ اما بطرس كان واقف لبرى قدام الباب. و خرج التلميذ لاخر اللي كان معروف عند رايس الكهنة, و هدر مع البواب باه يدخل بطرس. ¹⁷ و قالت لخديمة اللي ف لباب لبطرس: "انت ثاني واحد من التلامذة تاع هاذا الراجل؟" و هو قال: "لا مانيش انا!" ¹⁸ و كانوا العبيد و الخدّام واقفين, يتدفاو على خاطر كان الحال بارد شعلوا النار, و كان بطرس واقف يتدفى معاهم. قدام رايس الكهنة ¹⁹ سقسى رايس الكهنة يسوع على التلامذة تاعو و على التعليم تاعو. ²⁰ رد عليه يسوع وقال: "انا كنت نهدر مع الناس الكل جهار. انا كنت نعلم دايما ف المجمع و ف الهيكل اللي يتلموا فيه ليهود. و ما هدرت حتى شيء بالدرقة. ²¹ علاه تسقسي فيّا انا؟ سقسي الناس اللي سمعوا واش قلت. راهم يعرفوا واش قلت لهم". ²² و كي قال يسوع كيما هكا واحد من الخدّام اللي كانوا واقفين ضرب يسوع على وجهو, و قالو: "كيما هكا نردوا على رايس الكهنة؟". ²³ جاوبو يسوع و قال: "اذا كان غلطت ف كلامي قلي اك غالط, بالصح انا ما غلطش علاه مالا تضرب فيّا؟". ²⁴ و زاد بعثو حنّان و هو مكتف عند قيافا رايس الكهنة. بطرس يزيد ينكر زوز مرات اخرين ²⁵ و كان سمعان بطرس واقف يتدفى. زادوا قالوا لو: "مش انت ثاني واحد من التلامذة تاعو؟". نكر و قال: "لا خاطي انا!". ²⁶ و قال واحد من العبيد تاع رايس الكهنة, و هو نسيب الراجل اللي قصلو بطرس وذنو: "علاه ما شفتكش انا كي كنت معاه ف الجنان؟". ²⁷ زاد نكر بطرس مرة اخرى. و ف هاذاك الوقت بالذات عوعش السردوك. قدام بيلاطس ²⁸ و من بعد جابو يسوع من عند قيافا و اداوه لدار الولاية, و قتها كان الصبح. و ما دخلوش همّا لدار الولاية باه ما يتنجسوش, و يقدروا ياكلوا الفصح. ²⁹ خرج لهم بيلاطس و قال لهم: "وش التهمة اللي تتهموا بيها هاذا الراجل؟". ³⁰ ردوا عليه و قالوا: "لو كان ماجاش عامل الشر ما كنّاش نجيبوه عندك!". ³¹ قال لهم بيلاطس: "ادوه انتومّا و احكموا عليه حساب واش تقول الشريعة تاعكم". ردوا عليه ليهود و قالوا: "احنا ما نقتلوا حتى واحد هاذا الشيء محرم علينا". ³² هاذا الكل باه يتم لكلام اللي قال عليه يسوع يشر للميتة اللي راح يموتها. ³³ و من بعد دخل بيلاطس لدار الولابة و عيط على يسوع, و قال لو: "انت هو الملك تاع ليهود؟". ³⁴ رد عليه يسوع و قال: "لكلام هاذا تقول فيه من عندك, و الا ناس اخرين قالوا لك عليّا؟". ³⁵ جاوبو بيلاطس: "علاه انا من ليهود؟ امتك و ريّاس الكهنة همّا اللي جابوك ليّا. واش درت؟". ³⁶ رد عليه يسوع وقال: "المملكة تاعي ماهيش من هاذا العالم, لو كان جات المملكة تاعي من هاذا العالم, راهم الخدام تاعي يحاربوا باه ما نطيحش ف يد ليهود. بالصح اليوم المملكة تاعي ماهيش من هنا". ³⁷ قالو بيلاطس: "مالا انت ملك؟". رد عليه يسوع و قال: "انت تقول: باللي انا ملك. انا ولدت, و جيت للعالم باه نشهد للحق. و كل من كان من اولاد الحق هاذاك يسمع صوتي". ³⁸ قالو بيلاطس: "وش هو الحق؟". و كي قال هاذا لكلام زاد خرج لليهود و قال لهم: "انا ما لقيت حتى ذنب ف هاذا الراجل. ³⁹ من عادتكم نسيب لكم ف كل فصح واحد. تحبوا نسيب لكم الملك تاع ليهود؟". ⁴⁰ بداو الكل يصيحوا بصوت واحد و يقولوا: "لا ما تسيبش هاذا سيّّب لنا باراباس!" و كان باراباس سرّاق.