¹ نطلب منكم انا المحبوس على جال المسيح: باه يكون السلوك تاعكم على حساب الدعوة اللي دعاكم ليها الله. ² كونوا متواضعين و لطفاء و عندكم صبر باه تستحملوا بعضاكم في لمحبة. ³ و اجتهدوا باه تحافظوا على الوحدة تاع الروح برباط السلام. ⁴ جسد واحد, و روح واحدو كيما كانت ثاني عندكم دعوة برجاء واحد. ⁵ رب واحد, و ايمان واحد, و معمودية واحدة. ⁶ اله واب واحد للكل, اللي هو فوقهم الكل و يعمل بيهم الكل و في وسطكم الكل. ⁷ بالصح لكل واحد منا قسمة من النعمة على قد ما وهب لو المسيح. ⁸ على هاذيك يقول في لكتاب: "كي طلع للعلالي اسرى و مسبيين سباهم وكل الناس الهدايا اعطاهم". ⁹ و ما يكون "طلع". غير على خاطرو هبط في لول للاعماق التحتانية تاع لرض. ¹⁰ و هاذا اللي هبط هو في ذاتو اللي طلع ثاني فوق كل السماوات , باه يملى كل شيء. ¹¹ و هو اللي مد لوحايد باه يكونوا رسل, و وحايد اخرين باه يكونوا انبياء, و وحايد اخرين باه يكونوا مبشرين, و وحايد اخرين رعاة و معلمين, ¹² باه يكوْنوا القديسين اللي يعملوا الخدمة, و هكذا يتبنى الجسد تاع المسيح, باه نوصلوا احنا كلنا لوحدانية الايمان و المعرفة تاع ابن الله. ¹³ باه نوصلوا كلنا للانسان الكامل اللي قياس قامتو على قد ملء المسيح. ¹⁴ باه ما نكونوش كيما لولاد الصغار خايفين و اي ريح تاع تعليم اللي يجي يدينا, بالحيلة و المكر تاع الناس حتى يوصلوهم للضلال, ¹⁵ بالصح نكونوا صادقين في لمحبة, حتى نكبروا في كل شيء في المسيح اللي هو الراس, ¹⁶ اللي بيه الجسم كامل مركب مع بعضاه لاصق بكل مفصل, باه يقدر يخدم, كي كل عضو يخدم الخدمة تاعو, هكذا يكبر الجسم يكمل البنيان تاعو بالمحبة. السلوك تاع اولاد النور ¹⁷ هاذا واش نقول لكم و نشهد في الرب: من ضرك ماتزيدوش تمشيو في السيرة تاع الامم بتفكيرهم الباطل, ¹⁸ اللي البصيرة تاعهم ظلمة, اللي على جال جهلهم و قساوة قلوبهم راهم غرباء على حياة ترضي الله. ¹⁹ اللي ما بقاش عنهم حتى احساس سلموا ارواحهم للفجور باه يعملوا كل نجاسة بلا ما يشبعوا. ²⁰ بالصح انتوما مش كيما هكذا اللي تعلمتوا المسيح, و ²¹ على خاطراذا كان سمعتوا بيه و تعلمتوا التعليم اللي مطابق للحق اللي في يسوع, ²² نحيو عليكم السيرة لولى تاع الانسان لقديم اللي فسداتو الشهوات الخداعة, ²³ اتجددوا بالروح في افكاركم, ²⁴ و البسوا الانسان الجديد المخلوق على صورة الله في البر و القداسة و الحق. ²⁵ و ارميو عليكم لكذب, و كل واحد يكلم قريبو بالصدق, على خاطر احنا كلنا لعضاء تاع بعضانا. ²⁶ اغضبوا بالصح ما تغلطوش. ما تخليوش الشمس تغرب عليكم وانتم في غيظكم, ²⁷ و ما تخليوَش ابليس يدخل بيناتكم. ²⁸ الي كان يسرق يبطل السرقة من هنا وجاي , يتعب و يخدم و خيربعرق جبينو, باه يقدر هو ثاني يعاون المحتاجين. ²⁹ ما تخرجش كلمة العيب من فوامكم, بالصح كي تهدروا, اهدروا غير بالكلام الصالح اللي يفيد السامعين و يبنيهم. ³⁰ وما تحزنوش روح الله القدوس اللي بيه تختمتوا حتى يجي نهار الفداء. ³¹ بعدوا عليكم كل مرارة و نقمة و غضب و صياح و سبان و كل خبث. ³² و كونوا حَّنان مع بعضاكم, رحماء, متسامحين كيما سامحكم الله ثاني في المسيح.