¹ على جال هذا انا بولس المتحدث، محبوس المسيح يسوع على خاطركم انتوما الامم, ² اذا كان سمعتوا بدبارة نعمة الله اللي مدها لي على خاطركم. ³ بلي راه عرّفني على السر بالاعلان. كيما كتبت لكم قبل باختصار. ⁴ اللي على حسابو كي تقراوه تقدروا تفهموا علمي بالسر تاع المسيح. ⁵ اللي في اجيال واحد اخرين البشر ما عرفوا عليه حى شيء كيما، توضح ضرك للرسل لمقدسين و لنبياء بالروح و هذا هو السر: ⁶ بلي الامم ولاو شركاء في الورثة و في الجسد و ينالو الوعد تاع الله في المسيح بالانجيل. ⁷ الي وليت انا خدام ليه حساب وهبة نعمة الله اللي تمدت لي حساب واش دارت قوته. ⁸ ليا انا الصغيرفي القديسين مجمولين، تمدت ليا هذه النعمة، باه نبشر بين الامم بجاه المسيح الي ما يتوصفش، ⁹ وننور للكل على واش هي الشركة في السر المخبي من بكري في الله خالق كل شيء بيسوع المسيح. ¹⁰ باه يتعرف ضرك عند الرياس والسلاطين في السماوات، على طريق الكتيسية، بحكمة الله المنوعة، ¹¹ حساب قصد الدهورالكل اللي دارو في المسيح يسوع ربنا. ¹² اللي بيه ولات عندنا شجاعة باه نقدموا لله بايمان و ثقة. ¹³ على هذا نطلب باه ما تتقلقوش عليا في المقاسية الي نعدي فيها على جالكم الي هي لمجدكم انتم. صلاة لناس افسوس ¹⁴ على جال هذا نسجد على ركايبي ل بابا ربنا يسوع المسيح، ¹⁵ الي منو تسمى كل عرش في السماوات وعلى لرض. ¹⁶ باه يمد لكم على حساب جاه المجد تاعو، باه بالقوة الي في الروح تاعو تتقواو انتوما في اعماقكم من الداخل، ¹⁷ باه يسكن المسيح باليمان في قلوبكم ، ¹⁸ و انتوما متاصلين و مبنيين على الساس في المحبة حتى تقدروا تفهموا انتوما و كل القدبسين، واش هو الطول والعمق و لعلو، ¹⁹ و تعرفوا محبة المسيح اللي تفوت العلم، باه تتملاو من كل الملء تاع الله. ²⁰ والي قادر يديرفوق كلشيء، اكثر خلاص من الي نطلبوا و الا نتخيلوا بحساب القدرة الي تخدم فينا، ²¹ ليه المجد في الكنيسية في المسيح يسوع لجميع لجيال و في كل الزمانات. امين.