¹ و اذا كان حييتوا مع المسيح مالا اطلبوا الامور اللي لفوق, وين المسيح قاعد على يمين الله. ² اهتموا بالامور اللي في السماء مش بالامور تاع لرض, ³ على خاطر انتوما متّوا و حياتكم مستورة في الله مع المسيح. ⁴ و النهار اللي يظهر فيه المسيح و هو حياتنا و قتها تظهروا انتم ثاني معاه في الجاه تاعو. ⁵ مالا اقتلوا لحوايج الارضية اللي فيكم كيما: الزنا, النجاسة, الميولات, و الشهوة الفاسدة, الطمع, ـاللي هو عبادة اصنام ـ ⁶ الامور اللي على جالها يحل الغضب تاع الله على اولاد المعصية, ⁷ كيما كان حالكم انتم من قبل كي كنتوا عايشين فيها. ⁸ اما اليوم اطرحوا عليكم هاذي الامور الكل: الغش, الانتقام, الخبث, الشتم, ما تخرجوش لكلام لقبيح من فوامكم. ⁹ ما تكذبوش على بعضاكم, على خاطر نحيتوا عليكم الانسان لقديم بكل افعالو, ¹⁰ و لبستوا الانسان الجديد اللي يتجدد في المعرفة على المثال تاع الخالق تاعو, ¹¹ و ما يبقاش هاذا يهودي و هاذا يوناني, هاذا مختن و هاذا ما هوش مختن, هاذا اعجمي و هاذا بربري, هاذا عبد و هاذا حر, بالصح يولي المسيح هو الكل في الكل. ¹² انتوما اللي اختاركم الله و قدسكم و حبكم, البسوا مشاعر لحنانة, و اللطف, و التواضع, و الوداعة, و الصبر, ¹³ مستحملين بعضاكم, و متسامحين بيناتكم, اذا كان واحد منكم عندو شكاية على واحد اخر, اغفروا لبعضاكم كيما غفر لكم المسيح ثاني. ¹⁴ و فوق هاذي الكل البسوا لمحبة اللي هي الرابطة تاع الكمال. ¹⁵ و السلام تاع الله يملك على قلوبكم اللي نداكم ليه باه تولِيو جسد واحد, كونوا شاكرين. ¹⁶ و خلِيو كلمة المسيح تسكن فيكم بكل الغنى تاعها, باه تعَلموا و تولهوا بعضاكم بكل رزانة, بمزامير و تسابيح و ترنيمات روحية, بالنعمة, رافعين الشكر لله من كل قلوبكم. ¹⁷ و اي شيء تعملوه بالاقوال و الا بالافعال اعملوا الكل باسم الرب يسوع, حامدين بيه الله الاب. توصيات للعايلة المسيحية ¹⁸ يا نساء اخضعوا لرجالكم كيما يليق بالحياة اللي تعيشوها للرب. ¹⁹ يا رجال حبوا نساكم, و ما تكونوش قاسيين عليهم. ²⁰ يا اولاد طيعوا والديكم في كل شيءعلى خاطر فيها رضاية الرب. ²¹ يا والدين, ما تغضبوش اولادكم باه ما يفشلوش. ²² يا عبيد طيعوا سيادكم في هاذي الدنيا في كل شيء, مش على عينين الناس برك, بالصح بالقلب الصافي و مخافة ربي. ²³ و كل شيء مهما تعملوه اعملوه من القلب كي شغل لربي مش للناس, ²⁴ و كونوا عارفين باللي الرب هو اللي راح يجازيكم بالورث, على خاطر انتم تخدموا في الرب المسيح. ²⁵ اما الظالم راح ينال الجزاء تاعو, بلا محايلة.