1 قال كبير الكهنة : " صار الامور هي هكذا ؟ ." 2 قال استيفانوس " يا رجال يا الخاوا يا الاباء اسمعوا ! ظهر اله المجد لبابانا ابراهيم و هو بين الويدان قبل ما يحط في حاران 3 و قالو : اخرج من ارضك و من عرشك و ارواح للرض اللي نوريلك. 4 وقتها خرج من ارض الكلدانيين وسكن في حاران. و من لثم هزوا بعد ما توفى باباه ، لهذي لرض اللي راكم ساكنين فيها ضرك . 5 و مامدلوفيها لا ورثة ولا حتى عفسة رجل . بالصح وعد باه يمدها لو ملك ليه ولذريتو من بعدو و هومازال حتى ما ضناش. 6 وهكذا تكلم الله: ذريته تتغرب في ارض غريبة يستعبدوهم ويذلوهم على مدة اربعميات سنة ، 7 والامة التي تستعبدهم انا الي نحاسبها يقول الله ومن بعد هذا يجيو يعبدوني في هذا لمكان . 8 ومد لو عاهد الطهارة ، و هكا ولد اسحاق و طهروا في ثامن يوم . و اسحاق جاب يعقوب و يعقوب جاب اولادو الثناش الي هما اباءنا لولين. 9 و الاباء لولين حسدوا يوسف وباعوه لمصر وكان الله معاه ، 10 و منعو من كل ضيقاتو ، و مدلو نعمة وحكمة في عيين فرعون سلطان مصر ، حتى ولاه على مصر وعلى كل بيتو. 11 و بعدها صرات مجاعة كبيرة على بلاد مصر و كل بلاد كنعان و قساو جدودنا من ضيقة كبيرة و ما لقاو واش ياكلوا ، 12 و كي سمع يعقوب بلي كاين قمح في مصر، بعث جدودنا المرة لولى. 13 و في المرة الثانية استعرف يوسف لخاوتوا و ظهر اصل يوسف لفرعون . 14 بعث يوسف و عرض باباه يعقوب وكل عايلته ، وكانوا خمسة وسبعين نفس . 15 وهبط يعقوب لمصر و توفى هو و جدودنا لثم . 16 و من بعد هزوهم لشكيم وحطوهم في القبراللي شراه براهيم و خلصو بالفضة من عند بني حمور والد شكيم . 17 وعلى قد ما كان يقرب وقت تحقيق العاهد اللي حلف عليه الله لابراهيم ، كان الشعب يزيد و يكثر في مصر. 18 حتى جاء سلطان واحد اخر يحكم على مصرما يعرفش يوسف . 19 تمنكر في شعبنا و ذل جدودنا حتى جعل صغاره منبوذين باه ما يعيشوش . 20 "و في هاذاك الوقت تولد موسى وكان مليح ياسر، و تربى في بيت باباه ثلاثة شهر . 21 و كي تخلاو عليه اداتو بنت فرعون ورباتوعندها وداراتو ولدها . 22 و تربى موسى على كل الحكمة تاع المصريين ، و كان متمكن في الاقوال و الافعال . 23 وفي كمالة الاربعين سنة جاء في بالو يروح يتفقد خاوتو بني سرائيل . 24 وكي شاف واحد مظلوم حامى عليه ودافع على المغلوب ، وقتل المصري . 25 و كان حاسب بلي خاوتو راح يفهموا بلي الله راح يسلكهم على يدو، بالصح هما ما فهموش . 26 و في اليوم اللي من وراه خرج عليهم و هما يتعاركوا , صالح بيناتهم و قال لهم : يا ناس انتم راكم خاوة علاش تظلموا في بعضاكم؟ 27 هاذاك اللي كان يظلم في صاحبو دز موسى و قالو : شكون حطك زعيم و قاضي علينا ؟ 28 ولا حبيت تقتلني كيما قتلت المصري البارح ؟ 29 و على جال هذي الكلمة هرب موسى ، وتغرب في بلاد مديان ، ولثم جاب زوز اولاد . 30 " و كي فاتت عليه اربعين سنة. ظهر لو ملاك الرب في الصحراء تاع جبل سيناء في لهيب نار في عليقة شاعلة . 31 و كي شاف موسى هذا الشيء تعجب من المنظر. و كي قرب باه يشوف واش كاين ، اذا بيه يسمع صوت الرب يناديه : 32 انا اله جدودك ، انا اله براهيم و اله اسحاق و اله يعقوب . تهز موسى و تنفض وما عادش قادر يخزر. 33 قالو الرب : نحي نعالتك من رجليك ، على خاطر لمكان الي راك واقف فيه راه ارض مقدسة . 34 راني شفت لمشقة اللي يعاني منها شعبي في مصر، و سمعت تكنديرهم و راني نزلت باه نمنعهم ، و ضرك ارواح نبعثك لمصر . 35 هذا موسى اللي نكروه و قالولو : شكون حطك علينا زعيم و قاضي ؟ هذا اللي رسلواالله رايس و فادي بالمعينة تاع الملاك اللي ضهرلو في العليقة . 36 و خرجهم بواش دار من عجايب و غرايب في ارض مصر, و في البحر الاحمر, و في الصحراء مدة اربعين سنة 37 "هذا موسى بفسه اللي قال لبني اسرائيل راح يقيم لكم الرب الهكم نبي من بين خاوتكم . ليه تسمعوا. 38 هذا هو اللي كان وسط جماعة بني اسرائيل في الصحراء يتوسط بين جدودنا و الملاك اللي كان يكلمو في جبل سيناء . اللي قبل اقوال حية باه يمد هالنا . 39 اللي رفضوا جدودنا باه يطيعوه . بالصح بعدوه و رجعوا بقلوبهم لارض مصر 40 و قالوا لهارون : اصنع لينا الهة تمشي قدامنا , على خاطر هاذاك موسى اللي خرجنا من ديار مصر ما نعرفوا واش صرالو! 41 و صنعوا في هاذاك الوقت صنم على صورةعجل و ذبحولو ذبيحة ، وفرحوا بالشيء اللي داروه بيديهم . 42 ورجع الله و سلمهم لهواهم باه يعبدوا النجوم في السماء . كيما راه مكتوب في كتاب الانبياء : يا بني اسرائيل علاه ليا انا اللي ذبحتوا الذبايح و القرابين في هاذي الاربعين سنة في الصحراء ؟ 43 بالصح راكم هزيتو الخيمة تاع مولوك ونجمة الهكم رمفان ، الصنوما اللي صنعتوهم باه تسجدوا لهم انا رايح ننفيكم ل ابعد من بابل . 44 بالصح خيمة الشهادة كانت مع جدودنا في الصحراء ، هاذيك اللي عملها موسى كيما وصاه الله على حساب المثال الي نعتلو ، 45 و الي دخلوها جدودنا اللي تخلفوا عليها مع يشوع في ملك الشعوب اللي طردهم الله من قدام جدودنا ، و بقات لثم حتى ليامات داوود . 46 اللي لقى نعمة في عينين ربي , و طلب باه يبني سكنى لاله يعقوب . 47 بالصح سليمان هو اللي بنالو بيت . 48 لكن الله العالي ما يسكنش في بيوت صنعتها اليدين , كيما يقول النبي : 49 السماء العرش تاعي , و لارض الوطى تحت رجليا , واش من دار تبنولي ؟ يقول الرب , وواش من مكان لراحتي ؟ 50 علاه ماشي انا اللي صنعت هاذي الحوايج كاملة ب يديا ؟ 51 " يا اللي روسكم خشان , و قلوبكم و وذنيكم غير طاهرة ! انتم دايما تقاوموا الروح القدس . كيما كانوا جدودكم هكذاك انتم ثاني . 52 كاش ما كاين نبي ما اظطهدوهش جدودكم ؟ و قتلوا اللي سبق و خبروهم بقدوم الباري . اللي انتوما بعتوه وقتلتوه . 53 انتوما يا اللي ديتو شرع الله مرتب من عند الملايكات و بالصح ما عملتوش بيه" . رجم استيفانوس استشهادو 54 و كي سمعوا اعضاء المجلس كلام استيفانوس تعبات قلوبهم بالحقد و حكوا عليه سنانهم . 55 اما هو خزر في السماء و هو مليان ب الروح القدس ، و شاف المجد تاع الله وشاف يسوع واقف على يمين الله . 56 و قال : " راني نشوف في السماوات مفتوحة وبن الانسان قايم على يمين الله " . 57 صاحوا كلهم بأعلى صواتهم و قفلوا وذنيهم , و هجموا عليه كلهم مع بعضاهم , 58 و خرجوه برى لمدينة و رجموه . و الشهود الي كانوا لثم نحاو قشهم و حطوه عند رجلين واحد الشاب يقولولو شاول . 59 و كانوا يرجموا في استيفانوس و هو يدعي ويقول : " يا ربي يسوع اقبل روحي " . 60 و سجد على ركايبوا و عيط بأعلى صوته : " يا ربي ما تحاسبهمش على هاذي الغلطة " . و كي قال هذا استشهد .