¹ و كي فضت الفوضى, عيط بولس للتلامذة و بقَّاهم على خير, و خرج في طريق مكدونية. ² وعدى على الخاوة اللي في طريقو و شجعهم ياسر, حتى ن وصل ل هلاَّس, ³ و قعد فيها ثلاثة اشهر. و كي كان معول يطلع لسوريا, تفاهموا عليه ليهود باه يقتلوه, ولى رجع على الطريق تاع مكدونية. ⁴ و راح معاه ل اسيا سوباترس اللي من بيرية, و راحوا معاه من تسالونيكي: ارسترخس و سكوندس و غايوس اللي من دربة و تيموتاوس. و من اسيا راحوا معاه: تيخيكس و تروفيمس. ⁵ اللي سبقونا لترواس و بقاو يستناو فينا لثمة. ⁶ واحنا كي فاتوا ايامات لفطير ركبنا في البابور من فيليبي و لحقنا عليهم ل ترواس بعد خمسة ايام, و قعدنا لثمة سبعة ايام. اقامة افتيخوس من الموت في ترواس ⁷ و نهار الاحد كي كانوا التلامذة مجتمعين باه يكسروا الخبز مع بعضاهم, و وقف بولس يوعظ فيهم على خاطر كان ناوي يسافر اليوم وغدوة, و طوَّل في كلامو حتى نص الليل. ⁸ و كانوا قاعدين في الغرفة اللي في السطح و مكثرين من الضوء. ⁹ و كان واحد الشاب اسمو افخيتوس قاعد بحذى الطاقة طاح عليه النعاس. و كي بقى بولس يهدريهدر غلبو النوم و طاح من الطاقة من الطابق الثالث حتى للرض, و هزوه ميت. ¹⁰ هود بولس يجري ورمي روحو عليه و عنْقو و قال لهم: "ما تخافوش! او مازال فيه النفس!". ¹¹ و من بعد طلع و كسر الخبز وكلى و زاد بقى يشجع فيهم حتى للفجر. بعدها خرج. ¹² و هما جابوا الشاب حي, وفرحوا فرحة كبيرة خلاص. من ترواس ل ميليتس ¹³ و اما احنا سبقنا للبابور و قلعنا رحنا ل اسوس, باه نديو بولس من لثمة و على خاطر هو حاب يسافر في البر. ¹⁴ و كي عرَّضنالو ل اسوس اديناه معانا في البابور و رحنا ل ميتيليني. ¹⁵ قعدنا نهار لثمة و اليوم وغدوة زدنا عدينا على خيوس. و بعدها بنهار وصلنا ل ساموس, و قعدنا في تروجيليون, و نهار من بعد رحنا ل ميليتس, ¹⁶ على خاطر بولس حب يفوت على افسس في لبحر باه ما يبطاش في اسيا, وكان حاب يزرب باه يقدر يكون في اورشليم يوم الخمسين. بولس يودع لكنيسية في افسس ¹⁷ و كي كنا في ميليتس بعث و عيط على القسوس تاع لكنيسية في افسس. ¹⁸ و كي جاو قال لهم: "راكم عارفين كيفاه من اول يوم دخلت فيه ل اسيا, ¹⁹ كيفاه كنت في هاذيك المدة كاملة اللي عقبتها معاكم. نخدم في ربي بتواضع كبير و دموع ما تفضش, و قاسيت لمحاين الكل من عند ليهود. ²⁰ و كيفاه ما قصرت معاكم في حتى حاجة تفيدكم بالعكس كنت نقول لكم و نعلم فيكم جهار لبرى و في الديَّار, ²¹ نناشد في ليهود و في اليونانيين باه يتوبوا لله و يامنوا بربنا يسوع المسيح. ²² و ضرك انا راه يدفع فيا الروح القدس باه نروح لاورشليم, و ما علاباليش واش يسنى فيَّا لثمة. ²³ بالصح الروح القدس راه خبرني بلي في كل مدينة كاين السلاسل و لمحاين تستنى فيا. ²⁴ بالصح ما نعمل حساب حتى لشيء, و حياتي ما عندها حتى قيمة, حتى نتمم المهمة و الخدمة اللي تحطت امانة في رقبتي من عند الرب يسوع المسيح, و هي باه ننادي ببشارة النعمة تاع الله. ²⁵ و راني علابالي بلي ما تزيدوش تشوفوني, انتوما الكل اللي مشيت في وسطكم نبشر فيكم بالملكوت تاع الله. ²⁶ على هاذيك نشهد اليوم قدامكم بلي راني بريء من دمكم الكل, ²⁷ على خاطر ما قصرتش معاكم باه نخبركم بالمشورة تاع الله. ²⁸ استحفظوا مالا على ارواحكم و على الرعية اللي حطكم الروح القدس اساقفة عليها, باه ترعاو لكنيسية تاع الله اللي شراها بالدم تاعو. ²⁹ على خاطر علابالي باللي بعد ما نروح انا عليكم يدخلوا بيناتكم الذيابة الخطافين ما يرفقوش بالرعية. ³⁰ و حتى من بينكم انتوما يخرجوا ناس يتكلموا بالكذوبات باه يجبدوا التلامذة وراهم. ³¹ على هاذيك مالا اتولهوا, و اتفكروا بلي وانا بيناتكم ثلاثة سنين ليل و نهار, نبكي بالدموع و انا ننصح في كل واحد منكم. ³² و ضرك يا خاوتي نستودعكم لله و لكلمة نعمتو, القادرة باه تبنيكم و تعطيكم ميراث بين كل القديسين. ³³ عمري ما طمعت في ذهب و لا في فضة و لا في حوايج تاع اي واحد. ³⁴ و راكم علابالكم باللي كنت نخدم بيديا هاذو و بعرق جبيني باه نوفي حاجتي وحاجة اللي يخدموا معايا. ³⁵ وريت لكم في كل شيء كيفاه لازم نتعبوا و نعاونوا الضعفاء, و اتفكروا ديما كلام الرب يسوع كي قال: اللي يمد يتبارك اكثر من اللي يدي". ³⁶ و كي كمل كلامو ركع على ركايبو قدامهم الكل و صلى. ³⁷ وكانوا كلهم يبكيو, و يعنقوا فيه و يسلموا عليه ³⁸ و اكثر حاجة وجعتهم, كي قال لهم:ما عدتوش تشوفوا وجهي مرة اخرى. و راحوا معاه شيعوه حتى للبابور.