¹ بولس الرسول تاع يسوع المسيح حساب الامر تاع الله اللي خلصنا, و ربنا يسوع المسيح, الرجاء تاعنا. ² ل تيموتاوس ولدي تاع الصح في الايمان: نعمة و رحمة و سلام من عند الله بابانا و المسيح يسوع ربنا. بولس يحذر من المعلمين لمزيفين ³ كيما قلت لك تقعد في افسس, على خاطر انا كنت رايح لمكدونية, نوصي واحد الناس باه ما يعلموش تعليم واحد اخر, ⁴ و باه ما يسمعوا لحتى خرافات و انساب ما تفضش, اللي تسبب غير المجادلات و ما تخدمش تدبير الله المبني على الايمان. ⁵ واش تكون الفايدة من لوصية غير لمحبة من قلب طاهر, و ضمير صالح, و ايمان بلا نفاق. ⁶ هاذي الامور اللي كاين ناس بعدوا عليها, و مالوا لكلام باطل. ⁷ و يحبوا يولِيوْ معلمين تاع شرع, و همّا ما يفهموش واش قاعدين يقولوا, و لا واش قاعدين يقرروا. ⁸ بالصح على بالنا باللي الشرع صالح, اذا كان الواحد يستخدموعلى اساس انه شرع. ⁹ على خاطر علابالنا باللي الشرع ما تحطش للناس الابرار, بالصح تحط للناس العاصيين و المتمردين, الفاجرين و المذنبين للناس الناجسين و المستبيحين, للقتالين بيّانهم و امّاتهم, و اللي يقتلوا ف الناس, ¹⁰ للزانيين, و للناس اللي يحبوا الشذوذ, اللّي يخطفوا الناس و يبيعوهم, للكذابين, للّي يحلفوا بالباطل و لكل واحد يخالف التعليم الصحيح, ¹¹ اللي على حساب انجيل مجد الله المبارك اللي تحط امانة بين يديا, بولس يشكر الله على النعمة تاعو ¹² انا نحمد ربنا يسوع المسيح اللي قواني, و اعتبرني مولى امانة, كي جعلني خادم ليه, ¹³ و انا اللي كنت من قبل نكذب عليه و نضطهد و نسب فيه. بالصح ترْحَمت, على خاطر ما كنتش مؤمن و كنت نتصرف بجهل. ¹⁴ و فاضت عليّا النعمة تاع ربنا و ما فيها من ايمان و محبة في المسيح يسوع. ¹⁵ الكلمة صادقة و تستاهل لقبول كامل: باللي المسيح جا للدنيا باه يسلك المذنبين اللي انا اول واحد فيهم. ¹⁶ بالصح على جال هاذا الشيء نلت الرحمة: باه يبين يسوع المسيح فيّا انا لول الصبر تاعوو يجعلني مثال للناس اللي يأمنوا بيه باه ينالوا لحياة الدايمة. ¹⁷ و ملك الدهور اللي لا يفنى و لا يتشاف, الاله الحكيم وحدو, ليه الكرامة و المجد على طول الدهور. امين ¹⁸ يا ولدي تيموتاوس نحط هاذي لوصية امانة بين يديك على حساب النبوءات اللي تقالت عليك من قبل, باه تجاهد فيها الجهاد الطيب, ¹⁹ بالايمان و الضمير الصالح, اللي كاين ناس ياسر رفضوه, و زاد تكسر بيهم مركب الايمان, ²⁰ اللي من بينهم هيمينايس و الاسكندر, اللي سلمتهم للشيطان باه يترباو و ما عادوش يكذبوا.