¹ Kemet Kue Ba'en Kristus De Bue dalem Kristus tenecok le bangen, pesalou ngen lesau, fetelu Roh, ngen pengelesau, ngen un belen pengelesau, ² ozen keti hemet cie' ngen co le hemet, ngen un pengelesau de' eve', na'a e co le dalem roh,ngen co le ha'dep. ³ Enteng ne ozen je' bang te fengobe' le tengen le ngen empou hemet de' ta'un tefu'un; ngen kele'be hemet, baliu le homo e du felavo perlue' ta ilu. ⁴ Enteng ne bang na'et jeto fengobe' kam tengen le, jo eno le fehemet te fengobe' du de' co. ⁵ Baliu e hemet ji nyelaven un le taeng eham, kue ba'en hemet de' un ta Yesus Kristus, ⁶ azofe kue ba'en Allah re, ta'uene homo e peheve' ngen Allah ze co je' len le ilu mafo. ⁷ Teleso e, ezo ozen udiep e ta'un co inu-inu ngen tei udiep e seleket co hole' heve' ngen helonen. ⁸ Dalem me seleket helonen, zo ngelebe' hemet e mo'o udiep e ngen matei tusun kazu salib. ⁹ Ngen pengohen ji ne, Allah ngempou ngen ngempoang maha ezo nga'den je' tusun je' muong-muong ¹⁰ afane dalem nga'den Yesus, sengket ilu tei nyehelep -- azofe de' ke langit, ngen de' tusun tane' ji, mi'i te de' denta tane' -- ¹¹ ngen sengket jela de' ngakue' bue Kristus Yesus je' Tuhan, maha hempezue Allah sang Amai! Allah Peza'gen Dalem Ilu ¹² Cenganak-cenganak kie' de' kie' lesau, nihi suie' te ze fe kie' ta'un ngen eham -- baze' ne hatok ngen un belen penahut. ¹³ Jo Allah ze le je' peza'gen dalem eham, azofe fengobe' ngen ja'gen de' te penyaie' e. ¹⁴ Peza'gen ne mueng e ngen ta'un ngoeng ngen sefati ¹⁵ bi'i ta'un je' mano ngen je' sale', jo le seleket anak-anak Allah de' ta'un sale' taeng je' le fetok e te je' keleng ngen lingu zi, po tei un jeto sentade kam taeng e'o ngen nyentema tusun tane' ji. ¹⁶ Men moet le te firman je' mu'dip je' afane Kristus te, un te ohen cie' nenganie' ngen ta'un cie' ngasa te je' fevareng ngen ja'gen de' fevareng. ¹⁷ Azofe kie' ngempoang kue ba'em saven encei tusun kurban ngen ja'gen iman cue', kie' bangen ngen saie' ngen cam muong. ¹⁸ Mi'i te kam un ohen de' eve' le bangen ngen saie' femuong ngen ahie'. Paulus Mengutus Timotius ngen Epafroditus ¹⁹ Dalem Tuhan Yesus, kie' nempelum tei Timotius maha eham bi'i salou te kie' ngene'en dengo kam. ²⁰ Jo ta'un cie' un du de' sengbese kue ba'en ezo re, ngen len le nyemate' pene'a meham. ²¹ Jo, un de' sengbese bang pehemet ngetuok e'o le do, ta'un pehemet saha Kristus Yesus. ²² Kue ba'en cam ngetesen, Timotius ba'da udiep e len le, ja'gen ne len ngen cie' mecok ja'gen Injil kue ba'en co anak ngen to'o do re. ²⁴ Kie' nempelum senteng cuok zo nyangkit lepek kie' ngetesen inu de' ke nozen te ahie', ²³ ngen kie' ngelen fala Tuhan bo ahie' co nyangkit nei fala eham. ²⁵ Ngane mehe, heme cie' perlue' cuok Epafroditus nai fala eham. Un ne zo zi cenganak kie', tozang dalem ja'gen cie', ngen co le aset ja'gen ngen cie', ngen kelonen de' engkin katok meham ngen feto'bo je' kie' omen ngen je' kie' hanen. ²⁶ Jo, zo de' menue' ali le ta eham muong ngen tosa ali le hemet te ho'en cam ngene'en dengo e sahit. ²⁷ Je atek len e, behe'ei re zo sahit po e avi matei, jo Allah ba'da jeto pengelesau e maha ezo -- ngen ento un maha ezo le, mi'i le ta ahie' -- afane mo'o tavai kie' ta'un tei fahantemuong. ²⁸ Ngen e mhi, ahie' tei hobe' zo nai felevet fala eham afane cam un hempangen bue kie' jeto zo le'a, ngen horang tene jorang tavai kie'. ²⁹ Ala ne Epafroditus dalem Tuhan ngen sangen penyaie' ngen tunok ne ta kelonen-kelonen kue ba'e zo re ³⁰ jo zo avi le tei matei dalem ja'gen e maha Kristus; zo mencei berevo e seleket saliu je' ta'un leve kam nai maha ahie'.