¹ N'no wopatjerani wolaleiya ehapari ya Yesu Kiristo, Mwana An'luku. ² Ntoko zilepiyaya npapheloni mwa n'rumeyi Isaiya: Kinanruma nan'hupyaaka variyari winhu, onrwa oreriha ephirwen'nhu. ³ Essoti enkhuwela muthakoni: Nrerihe ephiro Yaapwiya monkolole mapuro okhutupuwa. ⁴ Yohani ahowa arapihaka mothakoni alathulaka orapihiya wotharuwa etanpi. ⁵ Atthu oteene elapo yosodeya naale ojerusalemu yaninwela yena; anaarapiha n'muro wosordani ahimyaka etanpizaya. ⁶ Yohani awara ekattakha yamapururu ankamiya, n'yuununiwawe awara nsako wakattakha ni akhura etsorope ni oravo wantakwani. ⁷ YeNA anihimya, iraka: Ottuliwaka on'niwa nkinako ookivikana miyano, oyo tooweryesha miyano nkinreerela otaphula mikhoyi tsasapato tsawe. ⁸ Miyano kinurapihani nimatsi massi yena onwa wurapihani ni roho yowarya. ⁹ Wamahuku yayo, ahiwa Yesu akumaka onazare wocalileya, ahirapihiya ni Yohani, n'muro Jorani. ¹⁰ Vano Yesu wakumalyawe n'matsini ahona erimu ethukuwaka ni eroho yowarya enkhuruwelaka toko ekhuntta. ¹¹ Ni essoti emotsa yaahiwa wirimu: We omwanaka onuphentexaka onkitsiveliha. ¹² Vano eroho yowarya yahinkuxa enrwaanaka wuthakoni. ¹³ Yena ahikhala wuthakoni npakha mahuku miloko mitjexe attehattehiyaka nixitwani. Yena ari ninama santakwani, ni malaikha yaaninrumeela. ¹⁴ Okathi Yohani otthukeliyaawe, Yesu ahiwa npakha okalileya alaleyaka ehapari ya Nluku. ¹⁵ Iraka: Okathi woophiya, omwene waNluku ori vakhiviru, mwiituthuwe mwaamini ehapri yoorera. ¹⁶ Ettaka n'nifukhe ephareya yocalileya, Yena ahimoona Simoni ni Andren'himaawe Simoni attikhelaka matthavi n'matsini mana yari anamatotha. ¹⁷ Yesu ahiwiirela: Nkawaani va, nkitthare nimiyano kinamukhalihani anamatotha aatthu. ¹⁸ Nananoru yaahihiya matthavi, khuntthara. ¹⁹ Ni Yesu eettaka vakaani arowaka ohoolo ahimona Yakubu mwaana Zepeteyo ni Yohani ale yari nkalawani areerihaka matthavi. ²⁰ Nananoru ahiwaatsima ni ale yahahiya apapawe Zepeteyo nananteko anari nkalawani ni khuntthara. ²¹ Yaahirowa ocafarnau, ni yari esapatu Yesu ahikela npani mwanthukumano ni khupatjera ossomiha. ²² Ayena yaanitikinihiya ni ossomihawawe, mana Yena assomiha ntoko nfalume ni vohikhala ntoko anamalepa. ²³ Ni npani mwen'mwe ahavo nlopwana arina n'nepa wootakhala akhuwela ²⁴ iraka: Nirinani niwe Yesu onazare. Owale onikwanhulatsa. Mi kin'nutsuwela we ontthu orera aNluku! ²⁵ Yesu ahomola n'nepa wootakhala ni kwiira: N'male mwinkhume oyo. ²⁶ Ni n'nepa oyo wootakhala waahin'morihela vathi ni waahikhuma ole, akhuwelaka mwintjeene. ²⁷ Atthu othene yahikhala otikinihiya, ni yahikohana n'motsa ninkhwaawe: Exeni ela. Yossomihiya yanan'nano wefalume. Yena anaruma n'nepa wotakhala nin'yo khiyamwiwelela. ²⁸ Nan'nanoru ehaparyawe yahimwarela n'ttetthe woteene woocalileya. ²⁹ Vowakuveya yahikhuma npani mwanthukumano yahirowa owan'nhawe Simoni ni Andre ni Yakobo ni Yohani. ³⁰ Amathyaawe Simoni yira anarupathaleyanwereiyaettekuxa, ni vowakuveya ayena yahin'himerya Yesu. ³¹ Vano Yena khuwa khwavarela ntata ni khuvenya; ettekuxa khwahiya, ni ayo khupatjera warumeela. ³² Wilalyaya ntsuwa ntsamale ahiwaaneliya aretta ooteene naale yaarina minepa tsotakhala. ³³ Epoma yotene yahithukumana vankhora. ³⁴ Yena ahavoniha aretta antjene ni eretta tsovirikana ni ahomola minepa tsintjeene. Massi khaatthuniha minepan'yo olavula, mana yena anitsuwela. ³⁵ Yena avenya oxaka vahinathi okhucumuwa ahikhum khurowa nipuro nowipitheya ni n'mwe ahilonpa. ³⁶ Simoni nale akina yaninthara. ³⁷ Ayena vanphwanhalyaya yahin'himerya wira atthu oteene yanamutholani. ³⁸ Yena ahiwirela wira: Nirwe nipuro nikina epoma yowattamela wira miyano kalaleye won'wo, yeyo tiwelalyaka va. ³⁹ Yena ahetta ecalileya yotenealaleyaka n'mithukumanoniwaya motene ni omolaka minepa tsotakhala. ⁴⁰ Namakuttula n'motsa ahimwattamela ni khumvekela ankokhorelaka, ni ahimwirela: Nhu mwatthuna nkivonihe. ⁴¹ Ni Yesu amonelaka othunku ahintaphulela ntata ni khunkwanya, amwirelaka: Mi kinpheela okhale saana. ⁴² Nananoru makuttula yahin'hiya ni khukhala saana. ⁴³ Yesu ahimopererya anlipiheraka wira aroweke owani. ⁴⁴ Ohin'himerye ntthu etthwila, massi orowe withonye wamakhulupale ni wavahe etthu enphelaaa ntoko Moisesi tsihimyalyawe, wira okhale oxahiti. ⁴⁵ Massi yena vakhumalyawe ahantsa olattula motene ni ehapari yahimwarela, npakha Yesu vahoneyawe epoma tsotene. Yena ahana akhalaka mapuro ahinkhaliya, massi tsitsan'mo atthu yaniwela mapuro othene.