¹ Vano vahokolyalyawe okafarnau, anavirale mahuku vakhani, wahiwaneya wira yena ori owani. ² Vano atthu antjene yathukumanale won'wo, ni khanaphwanhaneya nipuro hata vankhorani, niYesu anahimerya molumo. ³ Akinaku yahiwa wa Yesu an'wanelaka nlopwana n'motsa ossupiya, atthu atjexe yantexale. ⁴ Ayenatse khayawerya ophiya waryawe mwaha wotsaliya. Vano yanpwanhula nankattha wa nipuro naryawe Yesu, ni vano yahipanka nipuro yahikuruxela ekhitttantta yamwatalelalyaya namassupiya ole. ⁵ Vonalyawe waminiwaya, Yesu ahimwirela namassupiya: Mwanaka, etanpitsinhu tsoleveleliya. ⁶ Ni yahavo vavale anamalepa akina yokomale yupuwelaka wanrimani waya. ⁷ Vankhala tsayi nlopwana alavulaka tsitsan'mo. Yena oniveha! Tipani orina owerya olevelela etanpi vohikhala N'luku pahi. ⁸ Nananoru Yesu, atsuwelaka nrohonimwaya etthu yupuwelaya yayoru, Yena ahakoha wira: N'nupuwelatsani tsitso nrohoniwinhu. ⁹ Yokhweya omwirela namassupiya: Tsoleveleliya etanpitsa wala wira: N'venhe, nkuxe ekhittantten'nhu mwetteke. ¹⁰ Massi ntsuweleke wira mwana antthu ohana vathiva owerya wolevelela etanpi. Ahimwirela namassupiya: ¹¹ Mi kinuhimerya: Ovenheokuxe ekhittanttawo oroweke owani. ¹² Nananoru yena ahivenha khwemela khukuxa ekhittanttawe khukhuma atthu otene amonaka, otene yahitikinihiya khwiyanttapela N'luku yiraka: Khininatthi wona etthu tsitsava. ¹³ Yesu ahikhuma khurowa opharya, vano atthu intjene yaninwela Yena khunassomiha. ¹⁴ Aviraka ahimona Levi, mwana Alufeu ononkomale nipuro naliviya nposito, ni khumwirela: Nkitthare ni yena ahivenha ni ahintthara. ¹⁵ Okathi yoyo, Yesu onari vametsa owan'nhawe Levi, anamaliviha nposito ni anatanpi yanilya ni Yesu naarumeyawe, mana yahavo intjene yanttara. ¹⁶ Vano anamalepa amafaritsi vamonalyaya Yesu alyaka nanatanpi ni nanamaliviha nposito, yahahimerya arumeyawe: Yena onlya tsayi nanamaliviha nposito ni anatanpi. ¹⁷ Vano Yesu wiwalyawe eyo, ahiwirela: Atthu akumi khanpheleliya akulukhana, massi aretta tanpheleliya. Mi nkawale wapheela akumi, massi anatanpi. ¹⁸ Arumeyawe Yohani ni amafaritsi yanatthuka; yahiwa akina khumwirela: Exeni arumeyi a Yohani ni amafaritsi otthukaka massi awinhu khantthuka. ¹⁹ Yesu ahiwirela: Anaalattuliya onthelaniya anatthuka ntheli onari nayena. Ntheli onari nayena ayo khantthuka. ²⁰ Massi anaphiya mahuku anrwaawe okuxiya ni, ayo mahukwayo ayena anarwa otthuka. ²¹ Khavo n'hela epattiya ekumi vakuwoni yowuntta, yakhala tsan'mo, epattiya yeyo enamwanhula ekuwo ekumi enamwanhuwa mwintjene. ²² Khavo ntthu n'hela evinhu nkarafani yakhalayi, oyo ira tsan'mo, evinhu ekumi enapwexa ekarafa yakhalayi, okhuma evinhu eyo npakha ekarafeyo enamwareya. Ohiya vo, en'heliya evinhu ekumi nkarafani ekumi. ²³ Ni yahikhumelela wira, nihuku nasabado, Yesu aviraka n'mattani, arumeyawe yahipatjera otthukula ephiro amuntakatsaka nakhuwo. ²⁴ Ni mafaritsi yanimwirela: Mone, exeni ayenatse ovaraka enkhottihiya sabado. ²⁵ Yena ahiwakhula: Khan'natthi ossoma David yiralyawe onavoliye ni etala, naatthu yarinawe. ²⁶ N'toko yena ahikela n'pani mwa N'luku Abiadar onari nkhulupale anakhotto ni khukhuura ephaau yavelelihiye ni N'luku yahatthunihiya okhura ntthu tintthu, ohikhala nankuttho, ni khwaavaha yarinawe. ²⁷ Yesu ahira: Esabado yapankeliye ntthu, kahi ntthu apankeliye sabado. ²⁸ Tivo mwana antthu timwanene esabado.