¹ Hano twaroshe thethokoghomeriya he, ntwategheye igha mbuya thothame athene iyo betho abhene. ² Ntwathomire Timotheo mrikyetho omoghambi wa Waryobha ko masomo gha Kiristo kobhaghambera, kobhyahobya komaikereranio ghenyu. ³ Ntwakore igho kamaka abhantho bhobhonswe bhankobha kughira amanyankyo ghayo ⁴ Kubhuyo tware hamwe na bhenyu, Twatangatire kobhathebhya ntware hang'i tunyore inyanko naghayo ngabhaye bhono mwaghamanyire. ⁵ Koghayo hano nakerwe koghomerya wiki ntomaini amag'hana nyore obhoghambi bhwenyu kora emeremo ghyatho ghethahetha bhosa. ⁶ Kobhora Timotheo yaishire weitho kurura wenyu hatha akathorenthera amag'hana amaiya kobhohene no obhuhanshani bhwenyu. Athobori igha mona ehethoko inshiya kobhetho. igha mona amaigha gho kothomaha bhono nabhetho tona amaigha gha okobhamaha. ⁷ Kobhono tona obhomwe ntwashomeywe bhokong'u nabhenyu kobhora morenge kobhohene, hatha kothabhu ninyanko. ⁸ Kobhono ntomanyire bhohene nashinguru komothongi. ⁹ Bhono mbuyoke tokahana Waryobha mbele yetho kubhuya bonswe bhono tonabho hare Waryobha kobetho. ¹⁰ Thorasasama ubhuthiko no mobhaso kamaka thomahe ubhusio bwenyu hatha ukwengheria keno kikusuha. ¹¹ Waryobha weitho na tata umwene na mokama weitho Yeesu athothanghathe enshera yeitho tuhike wenyu. ¹² No mothangathi athokore tukine ko bhohanshani, kobhomwe no kahansha abhande bhonswi kiyabhono thokora abhande. ¹³ Nookere igho kokongirya emiyo ghiya. Mothakabha shenseg'eng'a mbere ya ubhuya bya Waryobha weito tata weitho kubhushi bwa omokama weito Yeesu naabhahene bhaye bhonswi.