¹ Kobhora bhenyu abhene momanyire -igha ubhushi bhweto kobhenyu tubhwere bhosa he. ² Mwamanyire ntwa tesirwe kale hayo na ntwakoreywe amaghogho Filipi, bhora momanyire ntware nobhokare ku-Waryobha koghamba amandeko gha-Waryobha kunyanko insharu. ³ Kobhora amang'ana gheta teghakurwera kobhoghogho he. nnakubhunyakuhe, nnakobhoghoghohe. ⁴ Kobhora twikereyi eng'ana, nu kwikereribhwa na Waryoba nigho tokoghamba totokoghamba kushomerya abhantohe toraghamba kushomerya Waryobha newe umwene a kusyomeerya senkoro syeito. ⁵ Kyabhora momanyire enkagha yonse tutakore amang'ana kwikitangaterya he, gwiki tutwakore amang'ana he. Kukuitamerya oronamba, kuriyo Waryobha nkutwimererare. ⁶ Naghwiki tutwatunire obhong'ore kobhenyu nnakobhandehe, ntokatore kosabha tohanwe kyabhatomwa bha Kiristo. ⁷ Kubhuyo ntware abhahamu kyabhono mayo akokora abhana bhaye umwene. ⁸ Konshera- iyo ntware nobhoghonshe kobhenyu nnantwikereyi kobhahana eng'ana ya Waryobha nobhohoru bhweto, kobhono mobhaye abhaghonshe bheito. ⁹ Kobhono bhahiri morahita emeremo nna-inyanko yeto, ubhutiko nomobhaso ntwakoranga emeremo, kubhuyo totahasha kuribherekera omonto wowonse he, hano torebhana eng'ana ya Waryobha. ¹⁰ Bhenyu nabhairerereri, na Waryobha, nkobhorabhu bhwiyake, nnakobhohene, nnamaikereryo kyabhono twishire kobhorronge bhwenyu bhano mukuikerya. ¹¹ Kela omwe wenyu ntwabhakang'asereyi kyabhono tata alenge kobhana bhaye natokabhaho. ¹² Nkutunwa more moghende bhora mwabherekerwa kuwa Waryobha ono yabhabherekeye kobhokama nobhong'ore bhaye. ¹³ Kubhuyo torakumya Waryobha enkagha yonse kuigho mwagheghire eng'ana ya Waryobha nnamokaighitegheera timwagheghire keng'ana ya abhantohe kuigho mwagheghire kobhora yare eng'ana ya Waryobha. Neng'ana eno ekokora emeremo kobhara bhakwikerya. ¹⁴ Bhahiri kubhuyo mobhe abhanto bhukwegha amasengero gha Waryobha ghano gharenge Uyahudi, ku Kiristo Yeesu. Kobhono bhenyu bhonse mwanyankire koman'gana ghara gha kukurwa kobhanto. ¹⁵ Abhayahudi mbhobhaitire omonene Yeesu hamwe nabharaghori, abhayahudi mbhobhatokenyeri tulishoke kebhara, tebhkushomera Waryobha he nambashisa kobhanto bhonse. ¹⁶ Mbatokaneri totaakaghamba nabha kyaro bhatakatooribwa. Kubhuyo mbaghendereyi nibhibhisa bhyabho. Kuigho obhoghogho bhwabha kyoora ¹⁷ Bheto abhahiri ntwahokaini hakigho emebhere, kokonkoro ntware hamwe ntwakore kusinguru syeto koronamba rokomaha ubhusyo bhenyu. ¹⁸ Kobhora ntwatunire kusha kobhenyu oni Paulo, kurusiko rwakamwe noronde, lisambwa ndyakaneri. ¹⁹ Ukwikerya kweto nkentoke konkagha yende? nyore umushengo, nyore engata yukuihemera kobhoronge bhwa omonene weto Yeesu enkagha yukusha kwaye? Kuhuyo tebhenyu morenge bhokong'u ya abhande? ²⁰ Kobhora bhenyu morenge abhang'ore nnumushengo gweto.