¹ Nyalo lalela lakushoko Simakadze, ''Vuka futsi usho licala lakho phambi kwetintsaba; emagcuma akeve livi lakho. ² Lalela umyalo waSimakadze, nine tintsaba, futsi nawe nesisekelo semhlaba. Ngobe Simakadze unemyalo nebantfu bakhe, futsi utawulwa enkantolo acudzelane na Israyeli. '' ³ Bantfu bami, ngenteni kuwe? Nginihlukubete ngani? Fakaza lokumelane nami! ⁴ Ngobe ngakukhulisa ngaphandle kwelive lase Gibhithe futsi ngakusindzisa ngaphandle kwendlu yesigcila. Ngatfumela Mose, Aroni, futsi na Miriyami kuwe. ⁵ Bantfu bami, khumbulani emacebo Bhalakhi Inkhosi ya Mowabi, futsi ngendlela Bhalami indvodzana ya Bheyo lamphendvula ngayo basahamba kusuka eShithimi kuya Giligali, kuze nati kulunga kwetento taSimakadze.'' ⁶ Kumele ngiletse ini kuSimakadze, ngengobe ngiguca kuNkulunkulu lophakeme? Kumele ngite kuye neminikelo leshisiwe yini, nematfole lanemyaka munye budzala? ⁷ Ingabe Simakadze utawutfokota yini netinkhulungwane temazinyane, nobe tinkhulungwane letilishumi temifula wa oyili? Kumele yini nginikele ngelitubulo lami kwephula umtsetfo, sitselo semtimba wesono sami? ⁸ Ukutjelile, ndvodza, lokukahle, futsi nalakudzinga kuwe Simakadze: Yenta kahle,tsandza kulunga, futsi uhambe ngekutitfoba na Nkulunkulu wakho. ⁹ Livi laSimakadze liyamemetela kulelidolobha-nanyalo inhlakanipho ibabata libito lakho: ''Nakisisa sitsa, nakulosibeke endzaweni yaso. ¹⁰ Kunengcebo endlini yalabakhohlakele loko kungetsembakali, futsi nemanga lacatsanisako lalihlazo. ¹¹ Kumele ngitsatse umuntfu anganacala nangabe asebentisa sikali semanga, nesikhwama sesi sindvo sekukhohlisa? ¹² Emadvodza lacebile agcwelwe ludlame, bahlali bakhulume emanga, futsi lulwimi labo emlonyeni wabo luyakhohlisa. ¹³ Ngako ngitakushaya ngesijeziso lesibi, futsi ngitakwenta wehluke wena ngenca yetono takho. ¹⁴ Utawudla kepha angeke wenele; kuhophota kuyosala ngekhatsi kuwe. Utawugcina lokukahle khashane kepha angeke kugcineke, futsi lokugcin ako ngitawunika kulenkemba. Utawuhlanyela kepha angeke uvune; ¹⁵ Utawuhlanyela ema olivi kepha angeke utigcobe ngemafutsa; utawuputjuta emagelibisi kepha unganatsi liwayini. ¹⁶ Lemilandzela leyentiwa ngu Omri igciniwe, futsi natotonkhe tento tendlu ya Ahabi. Uhamba ngemiyalo yabo. Ngako ngitakwenta wena, lidolobha, umholi, futsi nebahlali nentfo yekukhonona, futsi utawutala bantfu bami. ''