¹ Nine bantfu bakaBhenjamini, tfolani kuphepha ngekutsi niphume eJerusalema. Shayani luphondvo lwemvu eThekhowa. Phakamiselani luphawu etikwaBhethi Hakeremu, ngobe bubi buvela enyakatfo; kuchoboselwa lokukhulu kuyeta. ² Indvodzakati yaseSiyoni, umfati lomuhle nalobutsakatsaka, iyawubhujiswa. ³ Belusi kanye nemihlambi yabo bayawuya kubo; bayawumisela emathende yonkhe indzawo; ngulowo nalowo uyakwelusa ngesandla sakhe. ⁴ Tinikeleni kubonkulunkulu emphini. Vukani, asihlasele emini. Maye kitsi! Ngobe kukhanya kwemini kuyaphela, netitfunti tasebusuku tiyaphela. ⁵ Kodvwa asihlasele ebusuku, sibhubhise tinqaba tayo." ⁶ Ngobe Simakadze longuSomandla utsi: “Gawulani tihlahla tayo, nivimbetele iJerusalema. Leli lidolobha lelifanele kulihlasela, ngobe ligcwele kucindzetelwa. ⁷ Njengemtfombo lotfululela emanti lamnandzi, kanjalo nalelidolobha lichubeka likhicita bubi. Kuvakala budlova nekubhujiswa ngekhatsi kwakhe; kugula netilondza tihlala tisembikwebuso bami. ⁸ Yemukela siyalo, Jerusalema, ngaphandle kwaloko ngitawufulatsela, ngikwente ube yindzawo lebhubhile, live lelingenamuntfu.’” ⁹ Simakadze longuSomandla utsi: “Bayawubutsa insali yaka-Israyeli njengesivini. Phindza welulele sandla sakho kute ucoshe emagilebisi emavinini. ¹⁰ Ngubani lokufanele ngimemetele kuye futsi ngimecwayise kuze alalele? Buka! Tindlebe tabo atikasoki; abakhoni kunaka! Buka! Livi laSimakadze lifikile kubo kutsi libayale, kodvwa abalifuni." ¹¹ Kodvwa mine ngigcwele intfukutselo yaSimakadze. Sengikhatsele kuyibamba. Watsi kimi: "Litfululele etikwebantfwana labasetitaladini nasemacenjini emajaha. Ngobe yonkhe indvodza iyawutsatfwa kanye nemfati wayo; nawo wonkhe umuntfu lomdzala losindza ngeminyaka. ¹² Tindlu tabo titawuniketwa labanye bantfu, kokubili emasimi abo kanye nebafati babo. Ngobe bantfu labahlala kulelive ngitabahlasela ngesandla sami—ngulesimemetelo saSimakadze. ¹³ Simakadze umemetela kutsi kusukela kulomncane kuya kulomkhulu, bonkhe banebugovu bekuzuza ngekungetsembeki. Kusukela kumphrofethi kuze kube ngumphristi, bonkhe benta bucili. ¹⁴ Baphilise kwephuka kwebantfu bami kalula, batsi: ‘Kuthula, Kuthula,’ kantsi kute kuthula. ¹⁵ Bebanemahloni yini ngesikhatsi benta tintfo letinengekako? Bebangabi nemahloni; bebangati kutsi bangablush njani! Ngako batawuwa emkhatsini walabawile; bayawehliswa ngesikhatsi bajeziswa, kusho Simakadze. ^{18 19 16} Simakadze utsi: "Mani lapho kwewela khona umgwaco, nibuke, nibute tindlela tasendvulo. 'Iphi lendlela lenhle?' Ngemuva kwaloko nihambe nitifunele indzawo yekuphumula Kodvwa bantfu batsi: ‘Ngeke sihambe.’ ¹⁷ Nganibekela bolindzi kutsi balalele luphondvo lwemvu, kodvwa bona batsi: ‘Asifuni kulalela.’ 18Ngako-ke, nine tive, lalelani, nine bofakazi, kutsi kutakwentekani kubo, 1 Awu, mhlaba, lalelani, ngitakwehlisela inhlekelele, lokusitselo semicabango yabo, ngobe abazange balinake livi lami, futsi balilahlile umtsetfo wami. ²⁰ Nginandzabani mine nemphepho yaseSheba, nome-ke nemakha ekhalamusi lanongotelako laphuma eveni lelikhashane? Iminikelo yenu yekushiswa ayikemukeleki kimi, nemihlatjelo yenu ayingijabulisi." ²¹ Ngako-ke naku lokushiwo nguSimakadze, utsi, 'Ngiyawubeka emavimbandlela embikwalesive. Boyise kanye nemadvodzana bayawukhutjwa kuwo, bomakhelwane kanye nebangani bayawubhubha." ²² Naku lokushiwo nguSimakadze, utsi: "Buka, kuta imphi, lechamuka eveni langasenyakatfo, sive lesikhulu sichukulutiwe, sisukela emikhawulweni yemhlaba. ²³ Bahlome ngebutjoki nangesikhali; banelulaka, abanamusa. Bevakala njengelwandle loludvumako, nabagijima ngemahhashi abo; beta njengebantfu labavivele imphi, batewuhlasela wena, awu, Ndvodzakati yaseSiyoni." ²⁴ Siyivile imibiko ngabo, saphela emandla, imikhono yetfu iyalenga nje kitsi, sibanjwe kudzabuka nekwesaba lokukhulu, tinhlungu letifanana netemfati lobelekako. ²⁵ Ningaphumeli emasimini, nome-ke nihambe emigwacweni, ngobe sitsa siphetse inkemba, kuyesabeka yonkhe indzawo. ²⁶ Awu, sive sami, yembatsani emasaka, nitiphucaphuce emlotseni; lilani ngekudzabuka lokukhulu, kube shangatsi kwendvodzana lekukuphela kwayo, ngobe umbhubhisi uyakusitselekela ngekushesha lokukhulu. ²⁷ "Ngikwente waba ngumhloli wetinsimbi, nebantfu bami bayinsimbi, khona utewucaphela utivivinye tindlela tabo. ²⁸ Bonkhe babonhloko ayivutfwa, nebahlubuki, bahambe bahlambalata. Balukhuni balitfusi nensimbi, bonakele bonkhe ngetento tabo letimbi. ²⁹ Umfutfo uyafutseka kuyesabisa, kutsi utewushisa umtfofu ngemlilo, kodvwa kucengisiselwa lite nje, ngobe laba lababi abakhishwa. ³⁰ Babitwa ngekutsi bayisiliva lelahlwako, ngobe mine Simakadze ngibalahlile."