¹ "Yehlani nenyuka etitaladini tase Jerusalema, calatani ndzawo tonkhe nicabange kahle, phenyisisani tonkhe tinkhundla tayo. Naningakhandza nome munye nje umuntfu lowenta tintfo ngekwetsembeka, afune liciniso, ngitalitsetselela lelidolobha. ² Nome bakhuluma bati: 'Ngifunga kuphila kwa Simakadze, noko basafunga emanga." ³ Awu Simakadze, emehlo akho akafuni lona yini liciniso? Wobashaya, kodvwa abazange babuve buhlungu, wabapitjita, kodvwa bakwala kucondziswa. Benta buso babo baba lukhuni kunelitje, bala kuphendvuka. ⁴ Ngacabanga ngatsi: "Laba ngulabamphofu bodvwa, batilima, ngobe abayati indlela yaSimakadze, imiyalo lefunwa nguNkulunkulu wabo, kubo. ⁵ Ngako ngiyakuya kubaholi, ngikhulume kubo, ngempela, bayayati indlela yaSimakadze, imiyalo lefunwa ngu Nkulunkulu wabo, kubo." Kodvwa nabo futsi nganhlitiyonye balephula lijoko, bati dzabula netibopho. ⁶ Ngako-ke bata wuhlaselwa libhubesi leliphuma ehlatsini, bata wuphangwa yimphisi lephuma ehlane, ingwe ngeArabah itawubalalela endleleni edvutane nemadolobha abo; itemdzabudzabula abe ticucu nome ngubani lotsi uyaphuma, ngobe kuhlubuka kwabo kukhulu. Nekweduka kwabo kunyenti. ⁷ Kufanele ngani kutsi nginitsetselele? Bantfwabenu bangishiyile mine, bafunga ngemabito abonkulunkulu labangesibo bonkulunkulu. Ngabanika konkhe lababekweswele, noko bachubeka nekuphinga, babutsana etindlini tetingwadla. ⁸ Bondleke kahle, batinkunzi temahhashi lanenkhanuko, nguleyo ikhalela umfati walenye indvodza. ⁹ Akukafaneli yini kutsi ngibajezise ngaloko?" kusho Simakadze. "Akukafaneli yini ngitenanele mine kulesive lesifanana nalesi? ¹⁰ "Dzabula tivini taso utone, kodvwa ungatibhubhisi tiphele titsi nya. Waphundle emagala ato, ngobe labantfu abasibo baSimakadze. ¹¹ Indlu yaka-Israyeli nendlu yakaJuda betingaketsembeki nakancane nje kimi," kusho Simakadze. ¹² Bacale emanga ngaSimakadze batsi: "Kute latakwenta! Kute lokubi lokutasehlela, singeke siyibone inkemba nome indlala. ¹³ Baphrofethi bangumoya nje, kute nelivi kubo, ngako akwenteke kubo loko labakushoko." ¹⁴ Ngako naku lokushiwo nguSimakadze Nkulunkulu longu Somandla, utsi, "Njengobe bantfu bakhulume lamavi, emavi ami ngitawenta abe ngumlilo emlonyeni wakho, labantfu babe tinkhuni letitawudliwa ngiwo. ¹⁵ Yebo, wenandlu yaka-Israyeli," kusho Simakadze, "ngitawuletsa sive lesikhashane sitekulwa nani, sive sasendvulo lesicinile, sive lesikhuluma lulwimi leningalwati, yebo, lesikhuluma lulwimi leningaluva. ¹⁶ Imigodla yaso injengelithuna lelivulekile, bonkhe bangemachawe lanemandla. ¹⁷ Bayawushwabudzela sivuno senu nekudla kwenu, bashwabudzele emadvodzana nemadvodzakati enu, bashwabudzele imihlambi yenu yetimvu neyetinkhomo, bashwabudzele emavini enu nemikhiwa yenu. Lamadolobha enu labiyelwe lenetsembele kuwo batawabhubhisa ngenkemba." ¹⁸ Kodvwa ngisho nangalawo malanga—nasi simemetelo saSimakadze—ngingakahlosi kunibhubhisa niphele nya. ¹⁹ Nanibuta, nine baka-Israyeli nebakaJuda, nitsi: ‘Simakadze Nkulunkulu wetfu ukwentelani tonkhe letintfo kitsi? wena Jeremiya, utawubese utsi kubo: ‘Njengobe namshiya Simakadze wakhonta bonkulunkulu betive eveni lenu, kanjalo-ke nabo nitawukhonta betive eveni lelingasilo lenu.’ ²⁰ Bikela indlu yaJakobe loku, kuvakale kaJuda. Utsi. ²¹ 'Lalelani loku, nine sive lesingenangcondvo; ninemehlo kodvwa aniboni, futsi ninetindlebe kodvwa aniva. ²² Awungesabi yini – ngulesimemetelo saSimakadze – nome-ke uyatfutfumela yini ebusweni bami? Ngibeke umncele wesihlabathi eceleni kwelwandle umtsetfo lochubekako longawuphuli—noma lwandle lukhuphuka futsi luwe, solo aluwuphuli. Nome emagagasi alo abhodla, kodvwa awaweli. ²³ Kodvwa labantfu banenkhani netinhlitiyo letihlubukako, bakhweshele eceleni bahamba. ²⁴ Abatekhuti bona batsi: 'Asesabe Simakadze Nkulunkulu wetfu, lowehlisa timvula tasekwindla netasentfwasahlobo, ngesikhatsi lesifanele; losinika siciniseko ngekutsi sikhatsi sekuvuna sitawufika.' ²⁵ Konkhe loku kuvinjwe kona kwenu, tono tenu tinemuke lokuhle. ²⁶ Ngobe bantfu lababi batfolakala emkhatsini webantfu bami. Babukela njengobe umuntfu aguca kute abambe tinyoni; babeka lugibe futsi babambe bantfu. ²⁷ Njengelihhoko leligcwele tinyoni, tindlu tabo tigcwele inkhohliso. Ngako bakhula baba bakhulu futsi banjinga. ²⁸ Sebakhuluphele; bacwebetela ngekuphila kahle. Bawela yonkhe imincele yebubi. Abayimeleli licala lebantfu, nobe licala lentsandzane. Bayachuma ngisho nobe bangazange banikete bulungiswa kulabo labeswele. ²⁹ Akukafaneli yini kutsi ngibajezise ngaletintfo— lesi simemetelo saSimakadze— futsi ngingeke yini ngitiphindziselelele esiveni lesinjengalesi? ³⁰ Kwenteke intfo leyetfusako naleyetfusako kulelive. ³¹ Baphrofethi baphrofetha ngekukhohlisa, nebaphristi babusa ngemandla abo. Bantfu bami bayakutsandza ngalendlela, kepha kutawentekani ekugcineni?'"