¹ Sono saJuda sibhalwe ngelutsi lwensimbi lekhaliphiphile ledayimane. Libhaliwe etincetwini tetinhlitiyo tabo nase tiphondweni teli Alithari. ² Ngisho nebantfwa babo bakhumbula emaAlitahri abo nema poli emaAshera labeseceleni kwetihlahla letinabile nasemadvwaleni laphakeme. ³ Intsaba yami eveni lelivulekile, nemcebo wakho nayoyonkhe ingcebo yakho ngitawunikela ngayo njenge lizibithi, kanye netindzawo takho letiphakeme, ngenca yesono sakho losentile kuyoyonkhe imibuso yakho. ⁴ Utawulahlekelwa lifa lengakunika lona kuwe. Ngitawukwenta sigcila etitseni takho eveni longalati, ngobe ungibangele intfukutselo yemlilo, letawuvutsa kuze kube phakadze.'' ⁵ Simakadze utsi, '' Lowo muntfu lotsemba kulunga kwemvelo ungumsolwa; wenta inyama umcinisi wemandla akhe kodvwa ugucukisa inhlitiyo yakhe kuSimakadze. ⁶ Utawuba njenge lihlatsi lelincane e Araba futsi angeke abone nomangayini lenhle letako. Uyawuhlala endzaweni yematje ehlane, eveni lelingenalutfo lelingenayo imvelo. ⁷ Kodvwa lowo muntfu lowetsemba Simakadze ubusisiwe, ngobe Simakadze usizatfu sesibindzi sakhe. ⁸ Ngobe utawuba njenge sihlahla lesihlanyelwe ngasemantini, timphandze taso titawenabela ngasesiseleni. Angeke sesabe kushisa nakuta, emacembe aso ayohlala aluhlata njalo. Sona asikhatsateki ngemnyaka wesomiso, futsi angeke sime kutsela titselo. ⁹ Inhlitiyo ikhohlakele kunako konkhe. Iyagula; ngubani longayincondza? ¹⁰ Ngingu Simakadze, lophenya ingcondvo, lohlolisisa tinhlitiyo. Nginika umumtfu ngamunye ngamunye ngetindlela takhe, ngendlela yesitselo setento takhe. ¹¹ Sigwaca sifukamela licandza lelingakalitaleli. Lomunye anganjinga ngaphandle kwekulunga, kodvwa nangabe emalanga akhe lajutjiwe aphela, lowomcebo utawumlahla, futsi ekugcineni utawuba silima.'' ¹² Indzawo yendlu yekukhontela yetfu isihlalo lesikhatimulako, kusukela ekucaleni. ¹³ Simakadze ulitsenba laka Israyeli. Bonkhe labalahla wena bayawubekwa ehlazweni; labo kulendzawo labatakujikela batawubhalwa emhlabeni, ngobe batawube balahle Simakadze, umtfombo wemanti laphilako. ¹⁴ Ngiphilise mine, Simakadze, ngitawubese ngiyaphiliswa! Ngisindzise, ngitawubese ngiyasindziswa. Ngoba uyingoma yami yendvumiso. ¹⁵ Buka, batsini kimi, 'Liphi livi laSimakadze? Livumele lite! ¹⁶ Ngesikwami, angikubalekelanga kubangumelusi ngilandzele wena. Angililangatelelanga lilanga lemonakalo. Uyatati tinkhulumo letachamuka etindzebeni tamii. Takhiwa ebukhoneni bakho. ¹⁷ Ungabi ngulotfusako kimi. Ungumkhoseli wami ngelilanga lenhlupheko. ¹⁸ Shangatsi bahluphi bami bangadliwa mahloni, kodvwa ungavumeli mine ngidliwe mahloni. Shangatsi bangaba nekwesaba, kodvwa ungavumeli mine ngibe nekwesaba. Tfumela lilanga lenhlekelele kubo futsi ubabhubhise ngalokuphindzwe kabili kwencenye yembubhiso.'' ¹⁹ Simakadze washo loku kimi:'' Hamba uyoma ngasesangweni lebantfu lapho khona emakhosi aka Juda angena khona futsi laphuma khona, bese kuwo onkhe emasango lamanye ase Jerusalema. ²⁰ Tsani kubo, ' Vanini livi laSimakadze, makhosi aka Juda kanye nabobonkhe bantfu baka Juda, nawowonkhe lohlala eJerusalema lochamuka angene kuwo lamasango. ²¹ Simakadze usho naku: ''Caphelani ngenca yetimphilo tenu futsi ningatfwali lokusindzako ngelilanag leSabatha nikuletse emasangweni ase Jerusalema. ²² Ungaletsi umtfwalo ngaphandle kwendlu yakho ngelilanaga leliSabatha. Ungenti nomangangumuphi umsebenti, kodvwa tehlukaniseleni lilanga leli Sabatha, njengobe ngiyale bokhokhomkhulu kutsi bente njalo.''' ²³ Abalalelanga nobe banakisise, kodvwa bacinisa tintsamo tabo kuze banganongiva mine nobe bamukele kucondziswa. ²⁴ Kutakwenteka loko nangabe ningilalela ngeliciniso-lona ngumyalo waSimakadze-futsi ningaletsi umtfwalo kulamasango elidolobha ngelilanga leliSabatha kodvwa yehlukaniselani lilanga leliSabatha kuSimakadze futsi ningenti namunye umsebenti kulo, ²⁵ bese emakhosi, nemakhosatana, futsi labo labahlala esihlalweni sa Davide batawuta kulamasango alelidolobha ngetinkalishi nema hhashi, bona nebaholi babo, madvodza aka Juda kanye netindlalifa tase Jerusalema, futsi leli lidolobha litawubelwa kuze kube phakadze. ²⁶ Batawukuta besuka emadolobheni aka Juda nalolonkhe laseJerusalema, kusuka eveni la Bhenjamini futsi tindzawo letimphansi, kusuka etintsabeni, kusuka eNegevi, letsani iminikelo leshisiwe futsi nemihlatjelo, iminikelo yenhlavu neminikelo yemphepho, iminikelo yekubonga endlini yaSimakadze. ²⁷ Kodvwa nangabe ningalaleli mine- kuhlukanisela lilanga leliSabatha phindze kutsi ningetfwali imitfwalo lesindzako phindze ningangeni emasangweni ase Jerusalema ngelilanga leliSabatha- ngitawubese ngibasa umlilo kulamasango awo, futsi utawushisa tigodlo tase Jerusalema, futsi ngeke ucishe.''