¹ Lase liyafika livi laSimakadze kimi, latsi, ² "'Ungamtsatsi umfati wakho,futsi ungabi nemadvodzana nome emadvodzakati akho kuledzawo. ³ Ngoba Simakadze usho loko kumadvodzana nemadvodzakati latalelwe kulendzawo, kubonina lababatele, futsi nakuboyise lababange kutsi baleftwe kulomhlaba, ⁴ 'Batobulawa sifo lesingalapheki. Ngeke bazilelwe nome bagcwatjwe. Batawufana nebulongo kulomhlaba. batawubulawa inkemba nendlala, phindze tidvumbu tabo titawuba kudla kwetinyoni tasemoyeni netilwane tasendle'. ⁵ Livi laSimakadze leta kimi, latsi, 'Ungangeni endlini lakuzilelwe khona. Ungayi kuyozila nome ukhombe luvelo kubo, ngoba sengikutsetse kuthula kulabaftu-lona ngumbiko waSimakadze-lutsanvo nesihawu. ⁶ Labakhulu nalabancane batawukufa kulomhlaba. Angeke bagcwatjwe, futsi kute lotobazilela nome batijube nome bahhule tinhloko ngenca yabo. ⁷ Kute lofanele anetise nomangukuphi kudla kulabatilile kubadvudvuta ngekufelwa kwabo, futsi kute lokufanele anike inkomishi yekudvudvuta uyise nome unina ngekubadvudvuta. ⁸ Akukameli uye endlini yesidlo lesikhulu uyohlala nabo kute udle nome unatse. ⁹ 'Ngoba Simakadze wemabandla, Nkulunkulu wema israyeli, usho naku, 'Buka, phambi kwemehlo akho, etinsukwini takho kanye nakulendzawo, sengitawuvala lomsidvo wekujabula kanye nemsindvo wenftokoto, umsindvo wemkhwenyane kanye nemsindvo wamakoti.' ¹⁰ Kuyawenteka ubike onkhe lamagama kulabanftu, futsi batsi kuwe, 'Kungani Nkulunkulu amemetele lenhlekelele lenkhulu kitsi? Yini licala nesono seftu phambi Simakadze Nkulunkulu wetfu? ¹¹ 'Ubosho naku kubo, 'Kungenca yemadloti enu langilahlile-loku kushiwo nguSimakadze-futsi balandzela lalabanye boNkulunkulu phindze babakhonta futsi bakhotsamela bona. Bangilahlile phindze bangayilandzeli imitsefto yami. ¹² Kepha nine ngekwenu nitiletsele kukhohlakala lokukhulu kunemadloti enu, bonani, ngamunye umunftu uhamba ngebulima nangehlitiyo letingcolile; sekute nalongilalelako. ¹³ Ngako ke ngitonilahlela eveni leningalati, nine nemadloti akini,futhi nitawukhonta labanye boNkulunkulu imini nebusuku, ngoba ngingeke ninike umusa.' ¹⁴ Ngako ke, bambelela, bambelela tinsuku tiyeta-loku kushiwo nguSimakadze-lapho kungeke kuphindze kushiwo, 'njengobe Simakadze aphila, lokunguyena akhipha emaIsrayeli eveni lemaGibhithe. ¹⁵ Kepha, 'Njengoba Simakadze aphila, lokunguyena akhipha emaIsrayeli enyakafto nakulelive lakabasakata khona. 'Ngako ngitobabuyisela emuva eveni lengalineka boyisemkhulu. ¹⁶ Bambelela! ngitawuftumela badwebi labanengi-loku kushiwo ngiSimakadze-ngako batawudweba banftu. Emvakwaloku ngitawutfumela batingeli batewubatingela kuto tonkhe tintsaba nemagcuma, kanye nasemadvwaleni. ¹⁷ Ngoba emehlo ami akuti tonkhe tindlela tabo; angeke babhace phambi kwami. Emacala angeke ashabalale phambi kwemehlo ami. ¹⁸ Ngitawucala ngekubhadala ngalokuphindzeke kabili emacala netono ngenca yekungcolisa umhlaba ngetithico letinyanyisako, phindze bagcwalisa lifa lami ngetithico letinyanyekako.'' ¹⁹ Simakadze, uyincaba nesiphephelo sami, uyindzawo yekuphephela ngemalanga ekukhatsateka. Emave atokuya kuwe kusuka ekugcinene kwemhlaba atsi, '''Ngempela bokhokho mkhulu babelwa inkhohlakalo. Bayagobhota abana mbuyiselo kibo. ²⁰ Banftu bangamakha Nkulunkulu ngekwabo? Kepha bamgasibo boNkhulunkulwana. ²¹ ''Ngako ke buka! ngitawubangela kutsi bati ngalesikhatsi, ngitawubabangela kutsi bati sandla sami kanye nemandla ami. Ngako batakwati kutsi libito lami nginguSimakadze.