¹ Lawa ngemavi a Jeremiya indvodzana ya Hilkiah, munye weba pristi base Anathoth endzaweni ya Benjaminin. ² Livi la Simakadze lefika kuye ngemalanga aJosiah indvodzana ya Amoni, inkhosi yema Juda, emunyakeni welishumi nakutsatfu wekubusa kwakhe. ³ Kwaphindze kwafika futsi ngemalanga a Jehoiakim indvodzana ya Josiah, inkhosi yema Juda, kwate kwaba yinyanga yesitfupha yemunyaka welishumi nakunye ya Zedekiah indvodzana ya Josiah, inkhosi yama Juda, ngesikhatsi bantfu baka Israyeli babatsatsa babenta tiboshwa. ⁴ Livi la Simakadze lifikile kimi, litsi, ⁵ ''Ngaphambi kwekutsi ngikhwakhe esibeletfweni, ngakukhetsa; ngaphambi kwekutsi uphume esibeletfwei ngaku hlukanisa; ngakwenta umuprofethi wetive.'' ⁶ '' Ah, Nkhosi Simakadze! Ngatsi, '' Angikwati kukhuluma, ngoba ngisese muncane.'' ⁷ Kepha Simakadze utsite kimi, ''Ungatsi ngimuncane.' Kufanele ute yonkhe ndzawo lengikutfuma kuyo, futsi kufanele usho konke lengiku yalelako! ⁸ Ungabesabi bona, ngoba nginawe kuteku sindzisa-lona ngumubiko wa Simakadze.'' ⁹ Laphoke Simakadze welula sandla sakhe, watsintsa umulomo wami, wabese utsi kimi, ''Nyalo ngibeke livi lami emulonyeni wakho. ¹⁰ Ngiyakubeka namuhla etukwe tive kanye nase tukwe mibuso, kutsatsa knye nekuphula, kubhubhisa kanye nekususa, kwakha nekuhlanyela.'' ¹¹ Livi la Simakadze leta kimi, litsi, '' Ubona ini, Jeremiya?'' Ngatsi, '' Ngibona ligala le Alimondi. ¹² Simakadze watsi kimi, ''Ubone kahle, ngoba ngigadze ligama lami kutsi liliphatse.'' ¹³ Livi l Simakadze leta kimi kwesibili, litsi, ''Ubona ini?'' Ngatsi, ''Ngibona libhodo lelishisako, lapho libekwe khona liyacegetela libheke ngakimi.'' ¹⁴ Simakadze watsi kimi, ''Inhlekelele itawuvulwa ivulelwe labahlala enkhangala kwalena ndzawo. ¹⁵ Ngoba ngibita tive temibuso lengenhla, kulayela Simakadze. Batawufika, futsi wonkhe muntfu utawubeka umubuso wakhe ngase kungeneni kwema sango ase Jerusalema, lapho kunemabondza lavikele i Jerusalema khona, kanye nawo onkhe emadolobha a Juda. ¹⁶ Ngitawukhipha sijubo kubo bonkhe ngemisebenti yabo lekhohlakele ngekungishiya mine, ngekushisela labanye bonkulunkulu imphempho, futsi neku khonta labatakhele ngetandla tabo. ¹⁷ Tilungiseleni! Sukumani bese nisho konkhe lengi kuyalelako kuwe. Ningahliphiki embikwabo, noma ngitonohliphita embikwabo! ¹⁸ Bukani! Namuhla nginente lidolobha lelivikelekile, insika yensimbi, kanye nema bondza elutfusi kuwo wonkhe umuhlaba-nicutselana nemakhosi aka Juda, baphatsi , baphristi kanye nebantfu bendzawo. ¹⁹ Batanilwisa,kepha angeke banincobe-lona ngumubiko wa Simakadze.''