¹ Yase indvodza ingibuyisela emuva ekungeneni ethempelini, futsi lapho bekunemanti laphumako ngaphansi kwemnyango ageleta abheke ngasemphumalanga- futsi lamanti abegeleta ehla ehlela ngaseningizimu welithempeli, ngesekudla selilathi. ² Yase ke ingikhiphela phandle ngelisango lasenyakatfo futsi yangihola yangisa esangweni lelibuke emphumalanga, futsi bekunemanti laphumako kulelisango ngaseningizimu. ³ Yatsi lendvodza isahamba ishona emphumalanga, bekunelilayini lekukala esandleni sayo; ⁴ yakala emakhulu lasihlanu nemashumi lamane emamitha yangifaka emantini lashona efike edvolweni; futsi waphindze wakala lamanye emakhulu lasihlanu nemashumi lamane emamitha futsi wangifaka emantini lashona kakhulu. ⁵ Waphindze wakala lamanye emakhulu lasihlanu nemashumi lamane emamitha, kodvwa loko bekungumufula lebengingeke ngikhone kuwewela ngoba emanti abesenyukile futsi ashona kakhulu kutsibewungabhukusha kuwo- bekungumfula longeke uwewele. ⁶ Yase lendvodza itsi kimi, ''ndvodzana yemuntfu, uyakubona loku?'' futsi wangikhokhela ngaphandle futsi wangenta ngahamba ngabuyela emuva ngaselusentseni lwemfula. ⁷ Nangisabuyela emuva, lapho elusentseni umfula bewunetihlahla letinyenti ngala nangala. ⁸ Lendvodza yatsi kimi, ''Lamanti ayaphuma aya emnceleni longasemphumalanga futsi ehlele e Arabha; lamanti ageletela eLwandle lweluswayi futsi atawulwenta lubemnandzi. ⁹ Kuywuba kutsi tonkhe tidalwa letiphilako tiyawuphila lapho emanti ashona khona.kutawuba netinhlanti letinyenti, ngoba lamanti ageletela lapho. Kutawukwenta emanti laneluswayi abe mnandzi. Konkhe kuyawuphila lapho umfula ugeletela khona. ¹⁰ Kuyobese kuyenteka kutsi badwebi baka En Ghedi bayokuma ngasemantini, futsi kuyawuba nendzawo yekomisa emanethi ekudweba ngu En Gleyimi. Kuyawuba netinhlobonhlobo tetinhlanti eLwandle lolunaswayi, njengetinhlanti eLwandle lolukhulu ngebunyenti bato. ¹¹ Kepha emachaphoti nematete aloLwandle lolunaswayi ayosala anaswayi; ayawube akhicita luswayi. ¹² Ngaphandle kwalomfula lapho elusentseni lwawo, tinhlangotsi totimbili, tonkhe tinhlobo tetihlahla tiyawukhula leto letitsela kudla. Emacembe ato angeke ahhohloke netitselo tato tingeke tehluleke kukhula. Tihlahla tiyawutsela titselo ngato tonkhe tinyanga, ngoba emanti lasuka ethempelini ageletela kuto. Titselo tato tiyawukuba tekudla, futsi emacembe ato ayawuba ekwelapha. ¹³ Inkhosi Simakdze isho loku: Lena kuyawukuba yindlela yekwehlukanisa lelive ulehlukanisele tive letilishumi nakubili taka Israyeli: Josefa utawuba netincenye letimbili. ¹⁴ Uyawukwehlukanisa ngalokulinganako loko lengiphakamisele etulu sandla sami futsi ngafunga kutsi ngiyawukunika kuboyihlo bakho. Lelive liyawukuta kuwe njengelifa. ¹⁵ Lona kuyawuba ngumncele welive ngase nyakatfo kusuka ngase Lwandle lolukhulu endleleni yase Hethiloni, bese kuya eZedadi. ¹⁶ Bese ke umncele utokuya eBherotha, uye e Sibrayimi, losemkhatsini we Damaseru ne Hammathi, futsi bese uya e Hazeri Hattikoni, lokungephandle kwemncele wase Hurani. ¹⁷ Ngako ke umncele uyawuhamba usuke elwandle uye eHazari Enani emnceleni we Damaseru neHamathi ngase ningizimu, Lena kuyawuba seluhlangotsini lweningizimu. ¹⁸ Ngasemphumalanga umncele utawuhamba emkhatsini weHawurani ne Damaseru, ngasemufuleni iGileyadi kanye ne live laka Israyel. Utawukala kusukela ebhoda uye e mphumalanga yelwandle. Loku ke kuyoba ngumncele wangasemphumalanga. ¹⁹ Bese ngase ningizimu umncele utawuhamba usuke eThamari kute kuyofika emantini ase Meribha Khadeshi., itawuchubekela ngaseGibhithe iye elwandle lolukhulu. Loku kutawuba ngumncele wangaseningizimu. ²⁰ Bese umncele wangasenshonalanga utawuba Lwandle lolukhulu kuye endzaweni ngase LeboHamathi. loku kuyawuba ngumncele wangasenshonalanga. ²¹ Ngalendlela nitawukwehlukanisa lendzawo nitahlukanisele nine, kube kwetive taka Israyeli. ²² Ngako niyawukwehlukanisa lamafa nitahlukanisele nine kanye nebachamuki labakhona lapho kanye nani, labo labatale bantfwana lapho kini futsi laba, kanye nani, njengebantfu baka Israyeli labatalelwa ka Israyeli. Niyawushaya inkhatfo yemafa kubetive taka Israyeli. ²³ Kuyawukwenteka kutsi lomchamuki abesemkhatsini wesive lahlala naso. Uyawumunika naye lifa lakakhe- Lona ngumlayeto waSimakadze.