¹ Inkhosi Simakadze isho loku: Lisango lelibala lelingekhatsi, lelibuke emphumalanga,litawuvalwa emalanga lasitfupha emsebenti, kepha ngelisabatha litawube livuliwe, futsi ngelilanga lenyeti lensha litawube livuliwe. ² Inkhosana itawungena ebaleni lelingaphandle ngalendlela yeligede kanye nendzawo yangaphandle, phindze utawukuma ngaphambi kwemnyango weligede lelingekhatsi ngesikhatsi umfundisi enta lomnikelo wakhe loshisiwe kanye nemnikelo wekuthula. Utobese ukhonta emnyango weligede lelingekhatsi bese uyaphuma, kodvwa leligede angeke livalwe kute kube kusihlwa. ³ Labantfu balendzawo batawuphindze bakhonte ngaphambi kwaSimakadze ngasekungeneni kwaleligede ngeliSabatha lenyeti lensha. ⁴ Lomnikelo wekushiswa lona inkhosana leyinikelako kuSimakadze ngeliSabatha atawuba sitfupha emazinyane etimvu letingenabala futsi netindvu letindvuna letingenabala. ⁵ Lomnikelo lotinhlavu naletimvu letindvuna utawuba ngulokungange malitha langemashumi lamabili nakubili, kanye nemnikelo lotinhlavu lonetimvu letindvuna kutawuba nguloku lafisa kukunika,phindze nemafutsa lacishe abe ngange malitha lamane kanye nemalitha langemashumi lamabili nakubili emnikelo. ⁶ Ngalelilanga lenyeti lensha anikele ngenkhomo lendvuna lesuka emhlambini, ematfole lasitfupha, kanye nemvu lengenambala. ⁷ Kumele ente umnikelo lotinhlavu wemalitha langemashumu lamabili nakubili wenkunzi kanye nemalitha langemashumi lamabili nakubili emvu lendvuna, naloku lafisa kukunikela kwalamatfole, nemafutsa lacishe abe ngange malitha lamane kwawo onkhe emalitha langemashumi lamabili nakubili. ⁸ Nase inkhosana ingena ngalendlela yaleligede kanye nemhubhe walo, kumele ihambe ngalendlela leyo futsi. ⁹ Kodvwa nase labantfu balendzawo beta embikwa Simakadze ngesikhatsi lesibekiwe semkhosi, nome ngubani longena ngeligede lenyakatfo kutokhonta kumele ahambe ngeligede leningizimu. kute lotawubuyela emuva ngeligede langene ngalo,ngobe kumele aphume acondze embili. ¹⁰ Lenkhosana kumele ibe semkhatsini; ngesikhatsi bangena, kumele ingene, phindze nase bahamba, kumele ihambe. ¹¹ Kulomkhosi, lomnikelo lotinhlavu kumele abe malitha langemashumi lamabili nakubili etinhlavu talenkunzi kanye nemashumi lamabili nakubili emvu lemvuna, kanye nemafutsa lacishe abe ngangemalitha lamane awo onkhe emalitha langemashumi lamabili nakubili. ¹² Nase inkhosana inika umnikelo lovumako, kungaba ngumnikelo loshisiwe nobe umnikelo wekuthula kuSimakadze, leligede lelibuke imphumalanga litawuvulelwa yena. Uto nikela umnikelo wakhe loshisiwe nobe umnikelo wekuthula njengobe akwenta ngelilanga leSabatha. Kutawubese kumele kutsi aphume, bese nasekaphumile ngaphandle kwaleligede utawuvalelwa. ¹³ Ekwengeteni, utawunika imvu lendvuna lengenamabala lemyaka munye itelwe njengemnikelo loshisiwe kuSimakadze tinsuku tonkhe; utawukwenta loku njalo njalo ekuseni. ¹⁴ Utawunika umnikelo lotinhlavu nayo njalonjalo ekuseni, lasitfupha emalitha emashumi lamabili nakubili bese nalamatsatfu emafutsa lacishe abe ngange malitha lamane latotsambisa flaha wemnikelo lotinhlavu waSimakadze, mayelana nemtsetfo lobhaliwe longashintji. ¹⁵ Batawulungisa lemvu, lomnikelo lotinhlavu, kanye nalamafutsa njalo njalo ekuseni, umtsetfo wemnikelo loshisiwe longashintji. ¹⁶ Inkhosi Simakadze isho loku: nangabe inkhosana inika sipho kumunye wemadvodzana ayo, kulifa layo. Litawuphindze linikwe titukulwane takhe. kuyintfo yabo ngekwelifa. ¹⁷ Kodvwa nangabe anika sipho elifeni lakhe kumunye wetisebenti takhe, kutawubese kuba ngulesisebenti kuze kube ngumnyaka wenkhululeko, bese litawubuyela enkhosaneni. Lifa lakhe litawuba lemadvodzana akhe. ¹⁸ Inkhosana angeke itsatse lifa kubanikati bayo; kumele anakekele emadvodzana akhe ngalokuchamuka kuye khona bantfu bami bangatokusakaka, ngamunye umuntfu etintfweni takhe.'' ¹⁹ Lokulandzelako lomuntfu wangiletsela ngemnyango egedeni emakamelweni langcwele emfundisi, lebuke enyakatfo phindze buka! Bekunendzawo lebe ingase ningizimu. ²⁰ Watsi kimi, '' lena indzawo lapho umfundisi kumele abilise nembeza wakhe ekunikeleni nalesono sekunikela nalapho kumele babhake lomnikelo lotinhlavu. Akufuneki baletse leminikelo ngaphandle kwelibala, ngako labantfu batonikelwa.'' ²¹ Wabese wangiletsela ebaleni lelingaphandle wangiyisa kwengca emakoneni lamane alelibala, futsi ngabona kutsi kuwo onkhe lamakona alelibala bekunalenye inkantolo. ²² Kulamakona lamane alelibala lelingaphandle, bekune nemabala lamane lamancane, emamitha langemashumi lamane ngebubanti kanye nemashumi lamatsatfu ngebukhulu. Lapha leti letifanako tigamu tawo onkhe lamabala lamane. ²³ Lapha bekunemlayini leyakhiwe ngematje kugegeletela onkhe lamabala labane, kanye nesiyilo sekuphekela besingephansi kwalomlayini wematje. ²⁴ Lomuntfu watsi kimi, ''Leti nguletindzawo lapho tisebenti telithempeli titobilisa iminikelo yebantfu.''