¹ Ngako lendvodza yangibuyisa emuva endzaweni lengcwele esangweni lelibuke empumalanga; lalivalisisiwe. ² Simakadze watsi kimi, ''Lelisanga lelivaliwe; angeke livulwe. Kute umuntfu loyongena ngalo, ngobe Simakadze, Nkulunkulu wema Israyeli, ungene ngalo, ngako livalisisiwe. ³ Umbusi waka Israyeli uyohlala kulo adle kudla phambi kwa Simakadze. Utawungena ngendlela lengumhume welisango aphindze aphume ngawo.'' ⁴ Lendvodza yangibuyisa ngendlela yelisango lasenyakatfo ngaphambi kwelithempeli, ngase ngibuka' inkatimulo yaSimakadze yagcwalisa indlu yaSimakadze, ngase ngiyawa ngebuso. ⁵ Ngako Simakadze watsi kimi, ''Ndvodzana yemuntfu, lungisa inhlitiyo yakho, buka ngemehlo akho bese uyalalela ngetindlebe takho konkhe loku lengikumemetela kuwe, kuyo yonkhe imiyalo yendlu yaSimakadze nayo yonkhe imitsetfo. Cabanga ngemasango alendlu ekungena nekuphuma. ⁶ Ubokusho kanje kubo labahlubukako, indlu ya Israyeli, 'Inkhosi Simakadze usho loku; akutsi tonkhe tento tenu tebubi nitiyekele, yindlu yaka Israyeli- ⁷ ngalokutsi nivumele betive labangakasoki etinhlitiyweni nase nyameni kutsi babe sendzaweni yami lengcwele, bangcolise indlu yami, ngesikhatsi benta iminikelo yekudla, nemanoni nengati- nephule tivumelwane ngato tonkhe tento tenu tekungalaleli. ⁸ Anikawenti umsebenti wenu macondzana netindlela tami tebungcwele, kodwa nikhetselabanye kutsi bente umsebenti wenu, nabayala kutsi banakekele indzawo yami lengcwele. ⁹ Inkhosi Simakadze usho loku; kute wetive, longakasoki enhlitiyweni nasenyameni, kunoma ngabe ngubani labahlala phakatsi kwebantfu baka Israyeli, bangangena endzaweni lengcwele. ¹⁰ Noma emaLevi abalekile kimi-angifulatsela mine, baya eti thicweni tabo-kodvwa batobhadalela sono sabo. ¹¹ Batisebenti endzaweni yami lengcwele, bagadza emasango endlu baphindze bakhonte endlini baphindze bahlabe iminikelo yekushishwa kanye neminikelo yebantfu batawuphindze beme phambi kwebantfu babakhonte, ¹² Kodvwa ngobe bente imihlatjelo phambi kwetitico tabo, babese baba sibonelo sesono sendlu yaka Israyeli. Ngako ke ngitophakamisa sandla sami kufunga sifungo kumelana nabo- loku kumemetela kweNkhosi Simandze- batosetfwala sijeziso sabo. ¹³ Angeke basondzela dvute nami njenge bapristi bami noma bente noma yini lengcwele yami, kunaloku, batokwetfwala lihlazo labo nekutisola kwetente tabo letimbi labatentile. ¹⁴ Kodvwa ngitobabeka njengebagcini bemsebenti wendlu, Nayo yonkhe imisebenti nako konkhe lokwenteka khona. ¹⁵ Ngako bapristi bema Levi kanye nentalelwane ya Zadok labenta umsebenti wendzawo yami lengcwele ngesikhatsi bantfu baka Israyeli bangihlubukile mine, batawusondzela dvute nami kutokhonta mine; batokuma phambi kwami kunikela kimi emanoni kanye nengati- loku kumemetela kweNkhosi Simakadze. ¹⁶ Batokuta endzaweni yami lengcwele; batokuta etafuleni lami batokhonta mine bagcwalise imisebenti yabo kimi. ¹⁷ Ngako ke kutoba kanjalo uma beta esangweni lelingekhatsi kwesibuya, kufanele bagcoke timphahla telinani, kufanele bangeti bagcoke litentiwe ngensontfo ngekhatsi emasangweni e sibuya kanye nendlu. ¹⁸ Kufanele kube nelineni letigcoko etinhloko ne lineni ngaphansi kwetiphahla ematsangeni abo. Kufanele bangagcoki timphahla letitobenta bajuluke. ¹⁹ Uma baphuma esibuyeni lesingaphandle, baya esibuyeni lesingaphandle ukuze baye kubantfu, kufanele batikhumule letimphahla lebebatigcokile nabakhonta; kufanele batikhumule batibeke phansi endlini lengcwele, ukuze bangeti labanye bantfu babe ngcwele ngekubatsintsa ngetimphanhla telikhetselo. ²⁰ Lokunye kufanele bangahhuli tinwele noma bayekele tinwele tabo tibe tindze kodvwa kufanele batiphungule tinwele tenhloko. ²¹ Kute umpristi longanatsa liwayini naketa esibuyeni lesingekhatsi, noma atsatse umfelokati ²² nome umfati lowehlukene nendvodza njengemfati wakhe, kodvwa tintfombi kuphela lababendlu yaka Israyeli nome umfelokati lobekatsetfwe ngumpristi. ²³ Batofundzisa bantfu bami umehluko emkhatsini walokungcwele nalokunengekile; batobenta bati lokungcolile nalokuhlantekile. ²⁴ Emibangweni batokuma njengebehluleli baphetse imitsetfo yami . kufanele babe ngulabalungile. Batogcina imitsetfo yami netimiso tami kuyo yonkhe imikhosi, baphindze batogubha emasabatha ami langcwele. ²⁵ Kufanele bangatingcolisi ngekusondzela esidvunjini; uma loyo muntfu lofile bekunguyise nome unina noma indvodzana nome indvodzakati nome intfombi lengakendzi, ngaloko bangatingcolisa. ²⁶ Emvakwekube umpristi sangcolile, bayawu mbalela sikhatsi lengaba ngemalanga lasikhombisa. ²⁷ Ngalelo langa uyongena ngalo endzawenl lengcwele esibuyeni lesingikhatsi kukhonta endzaweni lengcwele, kumele atiphatsele umnikelo wesono-loku kumemetela kwaSimakadze. ²⁸ Loku kutoba lifa labo: Ngilifa labo, kufanele ningabaniki umhlaba ka Israyeli; ngitoba lifa labo! ²⁹ Batokudla umnikelo wekudla, umnikelo wesono, umnikelo wekutisola, nako konkhe lokunikelwe ku Simakadze ka Israyeli, kutoba kwabo. ³⁰ Netitselo telukhetselo tekucala tako konkhe nayo yonkhe iminikelo, nanoma ngabe yini lenikelwe kutoba kweba pristi, nitophindze niletse inhlama yekucala kubapristi ukuze sibusiso sitoba etikwendlu yenu. ³¹ Bapristi angeke badle noma ngusiphi silwane lesitifele noma lesibulewe silwane sesiganga, yinyoni noma silwane.