¹ Lendvodza yase ingiletsa esangweni lelivulekela ngaseMphumalanga. ² Buka! Inkhatimulo yaNkulunkulu yaka-Israyeli yeta ngase Mphumalanga; livi lakhe belifananiswa nemsindvo wemanti lamanengi, lomhlaba wakhanya ngenkhatimulo yakhe ³ Bekumacondzana nekubonakala kwembono lengawubona, macondzana nalombono lengawubona lapho atewukuta kutobhubhisa lelidolobha, lemibona beyifanana nembono lengawubona eKheba Khanali-ngase ngiwa ngebuso. ⁴ Ngako inkhatimulo yaSimakadze yeta endlini ngendlela yelisango lebelivulekele eMphumalanga. ⁵ Wabese umoya uyangiphakamisa phindze wangiletsa ekhatsi esibuyeni lesingekhatsi. Buka! Inkhatimulo yaSimakadze beyigcwalisa lendlu. ⁶ Lendvodza beyime eceleni kwami, ngase ngiva umuntfu lomunye akhuluma nami kulendlu. ⁷ Watsi kimi, ''Ndvodzana yemuntfu, lena yindzawo yami yesihlalo nendzawo yekunabela tinyawo tami, lapho ngitawuphila emkhatsini webantfu baka-Israyeli ngunaphakadze. Lendlu yaka-Israyeli angeke isalihlonipha ligama lami lelingcwele-bona noma emakhosi abo-ngekukholwa kwabo noma ngetidvumbu temakhosi abo etindzaweni tabo letiphakeme. ⁸ Angeke basalihlonipha ligama lami lelingcwele ngekufaka umnyango eceleni kwemnyango wami, kanye netinsika telisango tabo eceleni kwetinsika tami telisango, nome yini kodvwa lubondza emkhatsini wami nabo .Abakalihloniphi ligama lami lelingcwele ngentento tabo letingatsandzeki, ngako ngitawubabhubhisa ngekutfukutsela kwami. ⁹ Nyalo abasuse kungakholwa netidvumbu tabo emakhosini abo phambi kwami, ngitobese ngihlala emkhatsini kwabo phakadze naphakadze ¹⁰ Ndvodzana yemuntfu, wena cobolwakho kumele utjele lendlu yaka-Israyeli mayelana nalendlu khona batewutisola ngetento tabo letimbi. Kumele bacabange ngaloluhlelo. ¹¹ Ngobe nangabe bahlazeka ngako konkhe labakwentile, bese uveta kubo kwakheka kwalendlu, imininingawe yayo, emasangu ekuphuma kuyo, nemasangu ekungena kuyo,nako konkhe kwakheka kwayo, tonkhe tincumo nemitsetfo. Bese ubhala naku phansi phambi kwemehlo abo kuze batawugcina konkhe kwakheka kwayo nayo yonkhe imitsetfo yayo, khona itawuhlonishwa. ¹² Lona ngumtsetfo walendlu: kusukela etulu kwalentsatjana nakulo lonkhe lubondza lwayo, Itawuba ngulengcwele kakhulu. Buka! Lona ngumtsetfo walendlu. ¹³ Loku kuyawuba milinganiso yelilati ngemamitha-lelimitha ngekuba limitha lelingilo kanye nebududla besandla ngebudze. Ngako lomsele emaceleni kwalelilati kutawuba limitha lelijulile, nebubanti bawo butawuba limitha. Lomncele lohamba nemacetselo awo utawuba ngu 0.23 limitha. Loku kutawuba sicalo salelilati. ¹⁴ Kusuka kulomsele ekulinganeni kwemhlaba kuya ngentansi kwekugcina kwelilati kulimitha linye, nemingcengcema yalo ingu0.54 emamitha bududla. Bese kusukela emngcengcemeni lomncane kuya emngcengcemeni lomkhulu welilati, kulinganiswe kumamitha lamabili, nalomngcengcema lomkhulu 0.54 limitha ngebukhulu. ¹⁵ Lendzawo lengetulu kwelilati yekushisa imihlatjelo ilinganiselwa kumamitha lamabili budze, phindze kunetimphondvo letine letibheke etulu kulendzawo lengetulu. ¹⁶ Lendzawo lengetulu ilinganiselswa emamitheni lasitfupha ngebudze phindze ilinganiswe emamitheni lasitfupha ngebukhulu, sikwele. ¹⁷ Lomncele ulinganiswa emamitheni lasikhombisa ngebudze nebududla bawo bulinganiselwa emamitheni lasikhombisa kuto tonkhe tinhlangotsi totine tawo, nalomngcengcema ulinganiswa 0.27 limitha ngebukhulu. Lomsele ungu 0.54 limitha ngebukhulu yonkhe indzawo netitebhisi letibuke emphumalanga ¹⁸ Lokulandzelako watsi kimi, ''Ndvodzana yemuntfu, Inkhosi Simakadze isho naku: Lena ngulemitsetfo yelilati ngalelilanga labalakha ngalo, ngekukhuphulela kushisa imihlatjelo kuyo, nekutsela ingati kuyo. ¹⁹ Utawunika inkundzi lencane kulomhlamnbi njengemhlatjelo losono weba phristi bakaLevithikhali labatitukulwane taZadoki, labo labasondzela dvutane nami kutongikhonta-lesi simemetelo senkhosi Simakadze. ²⁰ Utobese utsatsa incenye yengati yayo uyibeke etimphondvweni lamane alelilati nemahlangotsini lamane emingcengcema yalo nasemsedlaneni lotungetele; utawulihlambulula bese wakha kubuyisana. ²¹ Bese utsatsa lenkundzi yemhlatjelo wesono bese uyishisa endzaweni lekhetsiwe yasethempelini ngephandle kwendzawo lengcwele. ²² Bese ngelilanga lesibili utawunikela imbuti lendvuna lenganasici kuletimbuti njengemnikelo wesono; baPhristi batawuhlambulula lelilati njengoba bayihlanta ngenkundzi. ²³ Nawucedza kuyihlambulula, yetfula inkundzi lenesici kulomhlambi /kanye nemvu lenesici kulomhlambi. ²⁴ Nikela tona phambi kwaSimakadze; baphristi batawujikijela luswayi etikwato bese bayatiphakamisa njengemnikelo loshisiwe kuSimakadze. ²⁵ Kumele ulungise imbuti lendvuna njengemnikelo wesono onkhe malanga emalanga ate abesikhombisa, nebaphristi kumele balungise inkundzi lenesici kulomhlambi nemvu lenesici kulomhlambi. ²⁶ Kumele babuyisane nelilati emalanga lasikhombisa bese bayatihlanta, phindze ngalena ndlela kumele balingwelise. ²⁷ Kumele bagcwalise lamalanga, bese ngelilanga lesiphohlongo naphambili kutawufika ngekutsi baphristi balungise iminikelo leshiswako neminikelo yekuthula elatini, ngitonemumukela-loku simemetelo senkhosi Simakadze.''