¹ Watsi kimi, ndvodzana yemuntfu, lolokutfolile, kudle. Dlani lencwadzi legociwe,bese uyokhuluma endlini yaka iZrayela. ² Ngako ngavula umlomo wami, wangifunta leyoncwadzi legociwe. ³ Watsi kimi, '' ndvodzana yemuntfu yondla sisu sakho usigcwalise ngalencwadzi legociwe lengikunike yona!'' ngako ngadla, yayinongotela njenge luju emlonyeni wami. ⁴ Wase utsi kimi, ndvodzana yemuntfu, hamba uye endlini yaka Izrayeli ukhulume emagama ami kubo. ⁵ Ngoba awutfunywa kubantfu belulwimi lolungatiwa noma lulwimi lolulikhuni, kepha endlini yaka iZrayeli ⁶ hhay kubantfu labanengi belulwimi lolungatiwa, noma lulwimi lolulikhuni, labo emagama abo longeke uwacondze. Nginicinisile uma ngingakutfumela kubo, kungafuna bakulalele. ⁷ Kepha indlu yaka iZrayeli ngeke ifune kulalela, ngoba abafuni kungilalela. Ngako yonkhe indlu yaka iZrayeli inengcondvo lecinile kanye nenhlitiyo lelilkhuni. ⁸ Buka! ngente buso bakho bacina ngengebuso babo nemashiya akho acinisa njengalawabo. ⁹ ngente emashiya akho afanana nelidayimane, acina kwengca litje! Ungabesabi noma upheliswe ngubo emandla ngenca yebuso babo,ngoba bayindlu leneludlame. ¹⁰ Watsi kimi, ndvodzana yemuntfu, onkhe lamavi lengawamemetela-wafake enhlitiyweni yakho uweve ngetind,'ebe takho! ¹¹ Bese uya kubatfumbi, kubantfu bakho, ukhulume nabo. Tsani kubo, nakulokushiwo yinkhosi Simakadze; nomangabe batawulalela noma bangeke.'' ¹² Wase umoya ungiphakamisela etulu, ngeva emvakwami umsindvo lomkhulu wekutamatama kwemhlaba: Makubusiswe ludvumo lwasimakadze kulendzawo!'' ¹³ kwakungumsindvo wemaphiko etidalwa letiphilako tisatsintsana, nemsindvo wemasontfo lebekanako, kanye nemsindvo wekutamatama kwemhlaba lokukhulu. ¹⁴ Lomoya wangiphakamisela etulu wangiyisa khashane, ngase ngihamba nebumunyu ekukwateni kwemoya wam, ngoba sandla sa Simakadze sasicindzetela ngemandla tukwami. ¹⁵ Ngako ngaya kubatfumbi eTel Abib lebehlalela ngase Kebar Canal, ngahlala khona emkhambatsini wabo emalanga lasikhombisa, agcwele kumangala. ¹⁶ Kwase kuyenteka emvakwemalanga lasikhombisa kutsi livi la Simakadze lifika kimi . latsi, ¹⁷ ndvodzana yemuntfu, ngikwente gadzi wendlu yaka Izrayeli, ngako lalela livi leliphuma emlonyeni wami, ubanikete umnyalo. ¹⁸ Nangitsi kuletoni, 'ngempela nitakufa' bese awusabmyali noma ukhulume secwayiso kulesoni ngetento takhe letibi kute atowuphile- losoni utawufela tono takhe, ngitawufuna ingati yakhe esandleni sakho. ¹⁹ Kepha uma uyala labonako, angagucuki kulokukhohlakala kwakhe noma etindleleni takhe letikhohlakele, utawubese uyafa afele tono takhe, kepha utawube usindzise imphilo yakho. ²⁰ Uma umuntfu lolungile agucuka kulokulunga kwakhe bese wenta lokungakalungi, bese ngibeka tinhibe embikwakhe, utawukufa. Ngoba awukamecwayisi , utawufela etonweni takhe, ngiyawuse angisayikhumbuli imisebenti yakhe lemihle layentile, kepha ngitawubuta ingati yakhe esandleni sakho. ²¹ kepha nawecwayisa lolungile kutsi ayekele kona kute angasatawukona , ngempela utawuphila ngoba wacwayiswa; futsi uyawube usindzise imphilo yakho.'' ²² Ngako sandla sa Simakadze sasisetukwami lapho, wase utsi kimi, Sukuma! phumela ebaleni, ngitawukhuluma nawe lapha! ²³ ngavuka ngasukuma ngaphumela ebaleni, lapho ludvumo laSimakadze lalihlala khona, njenge ludvumo lengalubona ngaphandle kwase Kebar Canal; ngako ngawa ngebuso. ²⁴ Umoya wafika kimi wangimisa ngetinyawo; wakhuluma kimi, watsi, Hamba utivalele endlini yakho, ²⁵ kwanyalo, ndvodzana yemuntfu, batawubeka tindophu etukwakho bese bakufas ngako ungeke ukhone kuhamba nabo. ²⁶ Ngitawenta lulwimi linamatsele elwangeni lemlomo wakho, ngako ungeke ukwati kukhuluma futsi ungeke ukhone kubayala ngoba bayindlu leneludlame. ²⁷ Kepha nangikhuluma nawe, ngiyawuvula umlomo wakho khona utewutsi kubo, Loku ngulokushiwo yinkhosi Simakadze.' loyo lovako utawuva; loyo longeke alalele ngeke alalele ngoba bayindlu leneludlame!''