¹ Ngako livi laSimakadze lafika kimi, litsi, ² ''Ndvodzana yemuntfu, yatisa iJerusalem mayelana nekunyanyeka kwakhe, ³ yasho, 'INkhosi Simakadze isho loku eJerusalema; Sicalo sakho kanye nekutalwa kwakho kwenteka eveni lase Khana ; Babewakho beka liAmori, futsi make wakho abengu Hithithe. ⁴ Ngeli langa lekutalwa kwakho, unyoko akajubanga inongwa yakho, noma akuhlambulule emantini noma akushikishe phasi ngeluswayi, noma agocote imphahla kuwe . ⁵ Kute liso lelaba nesihawu nawe kute likwentele noma ngabe ngukuphi kwaletintfo, kute abe nesihawu ngawe. Ngalelilanga lowatalwa ngalo, kute bekajabula ngemphilo yakho, wajikijelwa ngephandle kulensimu levulekile. ⁶ Kepha ngendlula ngakuwe , futsi ngakubona ulele kabuhlungu engati yakho; ngako ngatsi kuwe engatini yakho, ''Phila!'' ngatsi kuwe engatini yakho , ''Phila!'' ⁷ Ngakwenta wakhula njenge sihlahla ensimini. Wandza wase ubamkhulu, futsi waba bucwebe bebucwebe. Emabele akho akhula, futsi netinywele takho tondza , kepha bewusolo ungcunu ungakagcoki. ⁸ Ngendlula ngakuwe phindze, futsi ngakubona. Buka! sikhatsi selutsandvo safikela wena , ngako ngandzisa tembatfo tami kuwe ngase ngimbonya bungcunu bakho. Ngako ngafunga kuwe ngase ngikuletsa esivumelwaneni- loku ngulokwashiwo ngu Nkulunkulu Simakadze- wabese ubawami. ⁹ Ngako ngakuwasha ngemanti phindze ngayakata ingati yakho kuwe, ngase ngikugcoba ngemafutsa. ¹⁰ Ngakugcokisa timphahla letihlotjisiwe ngase ngibeka tincabule tesikhumba etinyaweni takho. Ngakugoca ngelineni lelihle ngase ngikumbonya ngetembatfo letishelelako. ¹¹ Lokulandzelako ngakuhlobisa ngebucwebe, phindze ngakufaka kwekugaba etandleni takho, kanye neluketane entsanyeni yakho. ¹² Ngafaka indandatho yelikhaleni emakhaleni akho kanye nemacici etindlebeni takho , nemchele lomuhle enhloko yakho. ¹³ Ngako wahlotjiswa ngeligolide kanye nesiliva, futsi wawembatsiswe ngelineni lelihle, lelishelelako, kanye netimphahla letihlotjisiwe; wadla flaha locolisakele, luju, nemafutsa, utsi bowumuhle kakhulu, wase uba yiNkhosikati. ¹⁴ Kudvuma kwakho kwahamba ngephandle emkhatsini wetive ngenca yebuhle bakho ngoba bekukahle, ngako ke bekukuhle emakhosini lenganiniketa wona- loku ngulokwashiwo ngu Simakadze Nkulunkulu. ¹⁵ Kepha watsembela ebuhleni bakho, wentisa wentisa njenge kwengwadla ngenca yeludvumo lwakho; wacitsela tento takho kwebugwadla kuwo wonkhe lowendlulako, kute buhle bakho bube bakhe. ¹⁶ Wase utsatsa timphahla takho wase ngato utakhela tindzawo letiphakeme letihlotjiswe ngemibala leyehlukene,wase lapho ke wentisa kwengwadla. Loku bekungakafaneli kwenteke. Noma kufanele kutsi intfo lenjalo ibekhona. ¹⁷ Watsatsa bucwebe lobukahle begolide ne siliva lengakunika wona, wase utentela tithico letindvuna, wabese wenta nato njengoba ingwadla beyingenta. ¹⁸ Watsatsa timphahla takho letihlotjisiwe watimbonya, phindze wabeka emafutsa ami kanye nemakha phambi kwabo. ¹⁹ Sinkhwa sami ngakunika-lesentiwe nga flaha locolisakele, emafutsa, neluju-wahlala phambi kwabo nemakha lanuka kamnandzi, ngoba loku ngulokwenteka-loku lokwashiwo ngu Yinkhosi Simakadze. ²⁰ Wase utsatsa emadvodzana ne nemadvodzakati akho labo lowangitalela bona, wase ubanikela kuletitfombe kutsi badliwe njenge kudla. Ngabe letento takho tebugwadla tiyintfo lencane yini? ²¹ Wahlaba bantfwa bami kuletithico phindze wase ubenta bendlula kulomlilo. ²² Kuko kokhe lokulichilo kanye netento takho tebugwadla awukacabangi ngemalanga ebusha bakho, ngesikhatsi ungcunu njengoba wawushayiwe engatini yakho. ²³ Nalo lulaka kuwe!- loku ngulokushiwo nguSimakadze Nkulunkulu- ngako ke, kungeta kukokonkhe lokukhohlakala kwakho, ²⁴ watakhela sithico sakho phindze watente inzawo lapho utokwenta khona lokukhohlakala kwakho. ²⁵ Wakha indzawo yakho lephakeme enhloko yawowonkhe umgwaco phindze wase wenta buhle bakho babaluhlazo, phindze wavula imilente yakho kuwowonkhe lowengcako , wase wandzisa letento takho tebugwadla. ²⁶ Wenta njenge ngwadla nemaGibhithe,bomakhelwane bakho labanetinkhanuko, wase wenta letinyenti tento tebugwadla , wangichukulutela ekukwateni. ²⁷ Buka! ngitokuhlasela ngesandla sami bese ngijuba kudla kwakho. Ngitonikela imphilo yakho etitseni takho, Endvodzakati ema Filisti, lalebeka nemahloni ngenca yekwenta kwakho lokubi. ²⁸ WentisE kwengwadla kanye nema Asiriya ngoba bewunge neliseki.Wentise njenge ngwadla futsi solo wangenetiseki. ²⁹ Wente letinengi tento eibugwadla eveni lebatsengisi base Chaldea, naloku futsi akukakwe netisi.. ³⁰ Igula kanganani inhlitiyo yakho- loku ngulokushiwo yiNkhosi Simakadze wakho- kutsi utokwenta tonkhe letintfo, tento teluhlazo tebugwadla? ³¹ Wakhe tindlu takho enhloko yasosonkhe sitaladi wase wakha ligumbi lakho netindumba kuyoyonkhe indzawo yekuhlangana. Nobe bewungafanani nengwadla ngoba wala kutsatsa imbadalo. ³² Ninetiphingi tebafati, namukela bantfu leningabati eskhundleni semadvodza enu. ³³ Bantfu bayabhadala kuyoyonkhe ingwadla, kepha uniketa umholo wakho kuto tonkhe tingani takho phinde wabafumbatsisa bona kutsi bete kuwe ngenca yesento sakho sekuphinga. ³⁴ Ngako ke kunemuhluko emkhatsinikwakho nalabanye bafati. Kute lonikela ngembadalo ngenca yesento sakho sebugwadla. Wena uhlukile . Wena uyabhadala futsi kute wena lowaniketwa kona. ^{35 36 37} Ngakoke, wena ngwadla, lalela livi laSimakadze. Inkhosi simakadze isho loku; ngoba ucitse tinkhanuko takho futsi wangambonyi bungcunu bakho ngemisebenti yakho yekugwadla kanye netingani takho phindze nato tonkhe tithico takho letinga tsandzeki, ngekutsi watiniketa ingati yebantfwa bakho, ngakoke bheka, ngitohlanganisa tonkhe tinga takho loke wahlangana nato , bonkhe labo lobotsandzako nabo bonkhe lowaba tondza, phindze ngitobahlanganisa bamelane nawe ngakulo lonkhe lunhlangotsi. Ngitokukhumula bungcunu bakho kubo kute babone bonkhe bungcunu bakho. ³⁸ Ngako ngitokujezisa ngekuphinga nalokucitsa ingati, phindze ngitoletsa lokucitseka kwengati yekutfukutselo kwami kanye nesikhwele sami. ³⁹ Ngitokunikela etandleni tabo kute bakujikijele phansi bese babhidlita tindzawo takho letiphakeme batobese bakukhumula timphahla takho bese batsatse bonkhe bucwebe bakho. Batokushiye ungcunu ungakagcoki. ⁴⁰ Ngako batoletsa sicuku sitomelana nawe bese sikujikijele ngematje, batokujuba emkhatsini ngetinkemba tabo. ⁴¹ Batoshisa tindlu takho bese benta letinyenti tento tekujezisa kuwe embikwe bafati labanengi, ngako ngitomisa nebugwadla bakho, phindze ngeke usabhadala tingani takho. ⁴² Ngako ngitobuyisa phansi lulaka lami kuwe; intfukutselo yami itokuyekela wena, ngoba ngitobe senginetisekile , futsi angeke ngisatfukutsela. ⁴³ Ngoba awuzange ungikhumbule ngemalanga akho ebusha phindze wangenta ngachucha ngetfukutselo ngenca yatotonkhe letintfo, ngako ke, bheka! Mine lucobo lwami ngitoletsa phansi enhloko yakho sijeziso saloku lokwentile-loku ngulokushiwo yiNkhosi Simakadze. Awuzange ungete yini bugwadla kukokonkhe kwenta kwakho lokuphambene? ⁴⁴ Bheka! wonkhe lokhulma taga mayelana nawe utotsi, ''njengoba make anjena , nendvodzakati injalo.'' ⁴⁵ Uyindvodzakati yenina wakho, leyanyanya indvodza yayo kanye nebantfwabayo, phindze ungudzadze wabo dzadzewenu labanyanya emadvodza abo kanye nebantfwa babo. Unyoko bekangu Hittite, phindze uyihlo bekayi Amorite. ⁴⁶ Dzadzewenu lomdzala bekangu mSamariya futsi emandvodzakati akhe bekungiwo lahlala enyakatfo, abe dzadzewenu lomncane bekunguye lohlala eningizimu yakho, lebeku yi, Sodoma kanye nemadvodzakati akhe. ⁴⁷ Awuzange uhamba kuphela etindleleni tabo futsi ukope kutiphatsa kwabo kanye nekwenta, kepha tonkhe tindlela takho bonato betingetulu kunakucala. ⁴⁸ Njengoba ngiphila- loku ngulokwashiwo yiNkhosi Simakadze-dzadzewenu Sodom kanye nemadvodzakati akhe, abakenti bubi njengoba wena wentile nemadvodza kati akho. ⁴⁹ Bheka! lesibekusono sadzadzewunu Sodom kutsi beka tigcabha ekuphumuleni kwakhe, anganaki phindze angangenelani nalutfo. Akazange elula sandla sakhe kulabo labahluphekile kanye nalabeswele. ⁵⁰ Bekatigcabha phindze atinikele ekwenteni tento letinyanyisako embikwami, ngako ngibatsetse ngabasusa njengoba ubonile. ⁵¹ Noma ngabe iSamariya yente hhafu wetono takho; phindze, wente tintfo letinyenti letinyanyisako kunaleto labatentile, esikhundleni sowente tintfo letinyenti leticansulako kunalabatentile futsi ukhombisile bodzadzewenu bebancono kunawe ngenca yatotonkhe letintfo letinyanyisako lotetentako! ⁵² Ikakhulu wena,veta lihlazo lakho; ngalendlela ukhombisile kutsi bodzadzewenu bebancono kunawe, ngenca yetono lowatenta ngato tonkhe letindlela letinyanyisako. Bodzadzewenu nyalo babukeka bancono kunawe. Ikakhulu wena, veta lihlazo lakho, ngako ngalenandlela ukhombisile kutsi bodzadzewunu bebancono kunawe. ⁵³ Ngako ngitobuyisa tinhlanhla- leti nhlanhla tase Sodom kanye nemadvodzakati phindze netinhlanhla tase Samariya kanye nemadvodzakati akhe; kepha tinhlanhla takho titoba kubo. ⁵⁴ Ekwenteni letintfo utobese uveta lihlazo lakho; utohlazeka ngenca yakokonkhe lokwentile, futsi ngaleyo ndlela uyoba yindvudvuti kubo. ⁵⁵ Ngako dzadzewenu Sodom kanye nemadvodzakati akhe batobuyiselwa esimo sabo sakucala, bese Samariya nemadvodzakati batobuyiselwa esimo sabo sakucala. Bese nawe kanye nemadvodzakati akho nitobuyiselwa ngesimo senu sakucala. ⁵⁶ Sodom dzadzewenu akazange ashiwo ngisho ngemlomo wakho ngalamalanga khatsi wena utigcabha, ⁵⁷ ngaphambi kwekutsi kukhohlakala kwakho kwembulwe. Kepha nyalo wena soyintfolembi emadvodzakatini aEdom phindze nakuwo onkhe emadvodzakati emaFilisti lakugegeletele. Bonkhe bantfu sebayakuzonda. ⁵⁸ Utoveta lihlazo lakho kanye nentento takho letinyanyisako!-lokukushiwo ngu Simakadze! ⁵⁹ INkhosi Simakadze itsi: Ngitokujezisa njengoba ufanelwe , wena lowanyanya sifungo sakho ngekwuphula lesivumelwane. ⁶⁰ Kepha mine lucobo ngitobita kukhumbula sivumelwano sami nawe lesentiwa emalanga ebusha bakho, phindze ngitosungula sitsembiso sangunaphakadze nawe. ⁶¹ Ngako utobita kukhumbula tindlela takhe bese ubanemahloni nawumukela bodzadzewenu labadzala nabo nabodzadzewenu labancane. Ngitobanikela kuwe njenge madvodzakati, kepha hhayi ngesivumelwane sakho. ⁶² Kepha mine lucobo ngitobeka sivumelwane sami nawe , ngako utokwati kutsi ngingu Simakadze. ⁶³ Ngenca yale tintfo, utobita wonkhe anake phindze abenemahloni, ngako ke ngeke usauvule umlomo wakho kukhuluma ngenca yeluhlazo lakho, uma sengikucolele ngako konkhe lokwentile-loku ngulokwushiwo ngu Simakadze