¹ Ngako livi laSimakadze lefika kimi, litsi, ² ''Ndvodzana yemuntfu, kanjani umvini ubencono kunobe ngusiphi sihlahla lesinemagala lesisemkhatsi wetihlahla ehlatsini? ³ Kuyenteka yini bantfu batsatse lukhuni emvinini bente lutfo? Nome kuyenteka yini bente tintsi tekubekisa ngaso kulengisa lutfo kuso? ⁴ Buka, uma sesijikwe emlilweni siba njenge mafutsa, phindze uma sishiswe ngumlilo imiphetfo yomibili kanye nase mkhatsini, kukhona yini lapho sibamcokwa khona? ⁵ Buka! Ngesikhatsi sesiphelile, kute lebesisengakwenta; impela lapho, uma lomlilo sekavutsile, kepha solo angenti lutfo lolumcokwa. ⁶ Ngako ke iNkhosi Simakadze isho loku: Hhayi njenge tihlahla emahlatsini, nginikete lomvini njengemafutsa emililo; Ngitawukwenta ngendlela lefanako kubahlali base Jerusalema. ⁷ Ngitawufulatselisa buso bami kubo. Noma ngabe baphuma kulomlilo, kodvwa lomlilo utawubashisa; ngako utawukwati kutsi nginguSimakadze, mangifulatselisa buso bami kubo. ⁸ Ngako ke ngiyawukwenta lelive libe tindzala nelive lelingenamsebenti ngoba bente sono- nguloku lokushiwo yiNkhosi Simakadze.''