¹ Metuh Petrus rang nua Yohanes bapaner akan insia banya datang uras imam, kapala panjaga Dangau Hatalla, urang Saduki, ² banya am gusar lai inya malajar hansia banya mamaner ka lalam Yesus tege mahuas inya mula urang mati. ³ Lipas iyah hansia banya manangkap Petrus rang nua Yohanes lalu langsung manama ka lalam panjara sampai ari pagi lai ari jadi malam. ⁴ Lai, banya urang am manongar paner para rasul langsung parcaya, lai jumlah kalaki antara urang kira-kira tege lima ribu kalunen. ⁵ Metuh ari iyah, pamimpi -pamimpin, tuha-tuha, ahli Taurat uras bakumpul ka Yarusalem, ⁶ barota Imam Bakah Hanas, Kayafas, Yohanes, Aleksander, uras urang banya mula manyari Imam Bakah. ⁷ Kametuh urang mangora Petrus Rang nua Yohanes katongah-tongah, urang batanya, ''Honi kuasa sapa kolay mangaruh hal iti?" ⁸ Metuh, Petrus, diponuhi lai kuasa am Barasih, bapaner akan banya urang,"Para Pamimpin am tuha-tuha, ⁹ amun diri diperiksa ari iti lai perbuatan bai jadi dikaruh urang am lomah tie, honi apa urang itie jadi manyangka? ¹⁰ Nauh nya am hal iti diingat lai ikam uras nya urang Israel lai nama Kristus Yesus, urang Nazaret, am kolay salibkan, am Hatalla huaskan antara urang mati, urang iti badiri kapaharap lalam kaadaan barigas. ¹¹ Yesus itie:'Batu am ditolak lai kolay, tukang-tukang bangunan, am jadi Batu Panjuru.' Maz 118:22 ¹² Mayan ara, kasalamatan kalalam urang bukan lai mayan nama ka loba langit am dibori antara kalunen iyah diri tahu diselamatkan." ¹³ Metuh urang manampai karani Petrus rang nua Yohanes am paham urang yah mayan ara sakulah, urang jadi heran mula mangasene urang nua yah jadi basa uma Yesus. ¹⁴ Metuh manampai urang am jadi disangka iyah jadi badiri damping Petrus rang nua Yohanes, urang hinta tahu manangkar. ¹⁵ Tapi, metuh urang manyuruh Petrus rang nua Yohanes badari mula Sanhedrin urang bapakat, ¹⁶ samil bapaner, "Apa am harus di karuh akan urang nua tie? Lai, tana ajaib am luar biasa jadi malalu urang yah am nampa akan urang tingal ka Yarusalem, diri hinta tahu manangkarnya. ¹⁷ Maka mula iyah, nyaman kesah itie honta takesah koyah koti ka hansia banya, ayo diri maancam urang yah nyaman honta bakesah mula akan sapa jua ma honi nama iyah." ¹⁸ Limah iyah, hansia banya manimai Petrus rang nua Yohanes, limah iyah manyuruh urang nua honta mula bapaner atau malajar apa jua honi nama Yesus. ¹⁹ Tapi, Petrus rang nua Yohanes manimat paner akan hansia banya, "Pilih ja, manih am bai lalam panampai Hatalla, nyaman mahoning bungi mu yah am lobih mula Hatalla? ²⁰ Lai iyah, kami hinta tahu kacuali mamarah apa jua am jadi diila atau dihoning." ²¹ Metuh iyah, urang tarus maancam Petrus rang nua Yohanes, urang maubah rasul-rasul iyah badari, limah iyah hinta manapat carae honi mahukum urang nua lai hansia am mamuji Hatalla lai inya maila tana am tege. ²² Sabab, urang am dibori tana kabai iyah jadi dinyatakan, umurnya lobih ompat puluh tahun. ²³ Metuh jadi kona lopas, Petrus rang nua Yohanes ingkas nguang kakawalan nya kaniri lalu mangesah am dipaner lai imam kapala am tuha ka urang bukan. ²⁴ Metuh, kawal nya manongar urang maincang bungi paner urang akan Hatalla, bumi, laut, barota sagala isinya, ²⁵ am bapaner malalu Roh Barasih, malalu paner Panginjil, Daud, hia umuh diri:'Ngapa bangsa-bangsa bukan nyarung nyangkep, urang-urang maila am siha-siha? ²⁶ Raja-raja dunia basiap-siap, uras panguasa bakumpul barota, malawan Hatalla raja panyalamat-Nya. ' Mzm. 2:1-2 ²⁷ Lai, sabujurnya kakota itie uras bakumpul malawan Hatalla, Panginjil mu am Barasih, Raja panyalamat, bai Herodes rang nua Pontius Pilatus, barota urang banya ka Israel, ²⁸ honi mangaruh sagala macam lai jari-Mu, rancana-Mu jari ditotapkan sahompam tajadi. ²⁹ Wayah itie, Hatalla, ila ancaman-ancaman urang bori karunia kan Hamba-hamba mu am mamaner bungi Hatalla honi sagala karani, ³⁰ sahompan kolay manajur jari-Mu honi manyangka tege tana-tana kaajaiban lai lalam Hamba am puna barasih Yesus." ³¹ Metuh, urang badoa ,baguncang bagulah homan urang bakumpul barami urang uras diponuhi Roh Barasih, am barani mangesah bungi Hatalla honi karani. Pahirup Urang Am Yakin ³² Kumpulan urang am percaya, basatu hati lalam jiwa. Mayan ara urang bapaner barang iyah hompu henya kaniri, tapi uras hal iyah hompu barami. ³³ Lipas iyah, kawan rasul mangesah kasaksian urang akan pahirup Tuhan Yesus am ponuh lai anugerah am bakah katingi urang banya. ³⁴ Mayan ara siku urang am kakurangan mula urang bukan am tege bagora tanah arai, manaing hasil am dijual, ³⁵ lalu iyah urang mangora kakaki rasul, langsung mamagi kamasing-masing urang am sasuai kabutuhannya. ³⁶ Bira iyah jam Yusuf, urang Lewi, Katurunan Siprus, am ditimai jam lai kawan rasul, Barnabas, am bamakna ' ana am bai', ³⁷ am manyual tanah arai manaing duit uangnya, mangoranya kakaki para rasul.