¹ Sota ari Petrus rang nua Yohanes ingkas manguang ka Rangau Hatalla katika jam doa,jam sembilan. ² Lopas iyah tege siku kalaki am lumpuh mula lalam kanung inainya diincang.Saban ari inya di gora kaparap Pintu Rangau Hatalla am namanya Pintu Gerbang Indah baharap asi mula hansia banya am tama ka Rangau Hatalla. ³ Kametuh inya ma ila Petrus kan Yohanes hona tama ka Rangau Hatalla inya maminta asi. ⁴ Lopas yah Petrus barota kan Yohanes ma ilanya samil bapaner,"Ila kami ti". ⁵ Urang am lumpuh yah manampai Petrus rang nua Yohanes baharap asi mula rang nua. ⁶ Tapi,Petrus bapaner,"aku ti mayan ara mangora perak atau bulau, Tapi am hompuku diboriku akan kolai lalam nama Kristus Yesus urang Nazaret yah,huas bajalan ja!" ⁷ Lopas yah,Petrus marigap jari kanan urang iyah marompuhnya badiri.Sota iyah jam,kaki tuutnya jadi kuat. ⁸ Nangkeru,inya huas nampara bajalan.Inya tama ka lalam Rangau Hatalla barota Petrus kan Yohanes,bajalan kecu keru ,mamuji Hatalla. ⁹ Hansia banya ma ilanya bajalan mamuji Hatalla, ¹⁰ kasene rang inya yah am duru ka Gerbang Indah Dangau Tuhan maminta asi.Hansia banya heran mailanya. Petrus Bapaner ka Hansia Banya ¹¹ Kametuh urang yah barigap kan Petrus rang nua Yohanes,hansia banya badari manguang urang nua yah ka pariwau am di joku pariwau Salomo,heran ma ilanya. ¹² Lopas yah,katika Petrus ma ilanya,inya bapaner akan urang banya yah''Uii urang israelngapa kam maila kami ti samah bera kami ti tege kuasa katahu kami mangaruh urang ti tahu bajalan? ¹³ Hatalla Abraham,Ishak,Yakub Hatalla hiyang diri jadi maincang anak-Nya Yesus,jadi di sorahmu paharap pilatus am jadi hona malopas Inya. ¹⁴ Tapi kolai mamuang am Barasih,kolai minta siku urang pala'i, ¹⁵ Kolai jadi mampati am pamori kosah,am jadi di huas mula am mati, lai iti kami ti saksinya. ¹⁶ La'i badasar Agama lalam nama-Nya,iyah am Yesus,am jadi mamori kagancang akan kalaki am di ila di kasenemu ti.Agama am datang mula Inya jadi mamori karigas kan kalaki iti paharap kam ti urasnya. ¹⁷ Keken iti,kawan Manyariku,ingat ku kam ti ngaruh gawi hantu'a nya meh samah bera am jadi di gawi la'i kawan pemimpin kam. ¹⁸ Tapi,am jadi di parah la'i Hatalla saholunya yah malalu nyawa kawan nabi yah am Kristus am mansai kasusah,jadi di putusnya. b ¹⁹ La'i iyah batubat ja nyaman dusa-dusamu di buang, ²⁰ nyaman katika am ba'i datang mula Tuhan,bori-Nya Kristus am jadi diputus kan kolai,yah am Yesus, ²¹ am patut tama ka sorga kametuhnya nona am bai apa mun tege jadi diparah la'i Hatalla malalu kawan nabi-Nya am barasih mula ariah. ²² Musa bapaner,'Hatalla mu hona mahuas akan kolai siku nabi bera aku ti mula kawan manyarimu kaniri.Kolai honanya manongar apa jua uras panernya kan kolai. ²³ lopas iyah,am jari,satiap kalunen,am honta manongar nabi iyah di buang mula kawan hansia. ²⁴ Nona,uras kawan nabi am basa bapaner,nampara mula samuel bera iyah am duri mangesah ari iti jam. ²⁵ Kolai ti katurunan mula kawan nabi mula janyi Hatalla am di karuh kan hiya umuhmu,samil bapaner ka Abraham,'malalu kolai,uras katurunanmu,am ka dunia ti di bori kuasa.' ²⁶ Hatalla,salopas inya mahuas anak-Nya,maantat-Nya ka kolai holu mamori kuasa akan kolai mangaruh urang badari mula am jahat.