¹ Metuh iyah, Raja Herodes maincang jarinya. Akan babarapa ungkup am di lai nya. ² Inya mampati Yakobus, manyari Yohanes, honi pisau. ³ Metuh Herodes maila amun pagawinya rami hati urang Yahudi, inya malanjut mula dengan manangkap Petrus. Hal iti tajadi palamat ari pesta roti hinta baragi. ⁴ Salopas manangkap Petrus, Petrus di tama ka lalam Penjara lalu maantat inya ka urang ompat pasukan prajurit akan maawasnya, bamaksud, salopas Paskah, manaingnya kapaharap urang banya. ⁵ maka, Petrus di tangkap ka lalam panjara, tapi banya ungkup am tarus mamita doa mahoni kasarius ati akan Hatala ka Petrus. {Malaikat Hatala malopas Petrus bara panjara} ⁶ Metuh malam ari, katika Herodes hona manaing Petrus kaluar, Petrus masih galing antara rang nua prajurit, am di kobat honi rantai, lalu, kawan panjaga am ka kapaharap masih maila pintu panjara. ⁷ Lalu, maaila, saurang malaikat Hatala am badiri damping Petrus yah am bacahaya manorang ka homan panjara Petrus, salopas iyah malaikat tari manopi rusu Petrus mamisi inya, lalu bapaner,"laca huas!" lalu, rantai-rantai yah jatu talopas bara kadua jarinya. ⁸ lalu, malaikat iyah bapaner dengannya,"Kobat pingang kam lipas yah, honi sanal kam yah." lalu, inya maumanya. Salopas iyah, inya bapaner," honi kan jubah kam yah uma dengan ku!" ⁹ lopas yah, Petrus maluar mauma malaikat yah. Inya hinta tahu apa am tajadi melalu malaikat am nyata, tapi inya mangira amun inya manampai pailanya. ¹⁰ Tapi urang hinta melalu panjaga pertama dengan am kadua, urang sampai ka pintu gerbang bosi am hona ka kota. Pintu gerbang yah tabuka dengan kanirinya akan urang,lalu urang bajalan maluar sampai ka lorong yah, salenga malaikat iyah maningal Petrus. ¹¹ Salopas iyah Petrus sadar apa am tajadi dengannya, inya bapaner,"Metuh ti aku bujur tahu amun Hatala mautus Malaikat-Nya akan jadi panyalamat ku bara jari Herodes am mula uras kaharap gawi urang-urang Yahudi." ¹² Salopas Petrus sadar, inya badari ka dangau Maria, inay Yohanes am di joku Markus, kamanih hansia banya bakumpul barota badoa. ¹³ Metuh Petrus manogar pintu gerbang, saurang pelayan am banama Rode datang hona mambukannya. ¹⁴ Salopas inya tahu amun iyah bungi Petrus, gawi inya rami inya honta mamuka pintu yah, tapi badari ka lalam mamoritahu amun Petrus badiri ka paharap pintu gerbang. ¹⁵ Mula iyah, urang bapaner ka Rode, "Kolai yah gila!" Tapi, Rode tarus mamaner bera iyah, lalu urang nya tatap meh bapaner," Inya yah malaikatnya". ¹⁶ Salopas iyah, Petrus tarus mangatok, pas urang mamuka pintu, lipas maila Petrus, uras urang tagiat. ¹⁷ Metuh Petrus mamori isyarat dengan jarinya uras urang yah benyem, inya mamarah ka urang bera manih Hatala manaing inya kaluar bara panjara. Lalu inya bapaner, "panerkan pesan ti ka Yakobus dengan kawan panyari am saiman. Lipas iyah, inya badari ka human am bukan. ¹⁸ Pas metuh tongah ari, maka timul karusuhan am bakah bara kawan prajurit tentang apa am jari tajadi dengan Petrus. {Pamati Herodes} ¹⁹ Metuh Herodes mangau Petrus lalu inya hinta ulih manapatnya, inya mamariksa kawan panjaga lalu mamori hak nyaman urang mampati nya. Lalu, Herodes turun mula Yudea ka kaisarea lalu tingal ka dikeh. ²⁰ Metuh iyah, Herodes gusar dengan urang-urang ka Tirus dengan Sidon, mula sepakat, urang datang maharap Herodes, salopas iyah inya marayu Blastus. Urang am maurus dangau raja yah, urang mamohon damai akan banua urang baulih pamakan pamuseh mula banua Herodes. ²¹ Mula ari am jari urang pastikan, Herodes mahoni pakaian kerajaan, duru ka tahta pengadilan, lalu inya mamaner pidatonya ka urang banya yah. ²² Sia rayat nya basoru,"iti am bungi Hatala, bukan kalunen!" ²³ Metuh iyah jam, saurang Malaikat Hatala mamukulnya gawi inya honta mamori hormat akan Hatala, lalu inya kana puseh buhung, lipas yah inya mati. ²⁴ Metuh yah, firman Hatala batumuh lalu balipat ganda. ²⁵ Pas, Barnabas dengan Saulus baulang mula Yerusalem lopas urang jari manyalesaikan pelayanan urang, samil manaing Yohanes, am di joku Markus.