¹ Bantfwana, hloniphani batali benu eNkhosini, ngoba loku kulungile. ² ''Hlonipha uyihlo nenyoko'' (lokungumtsetfo wekucala lonesetsembiso), ³ ''khona kutawuba kuhle ngawe futsi utophila kadze emhlabeni.'' ⁴ Bobabe, ningahlokoloti intfukutselo yebantfwana benu. Esikhundleni, bakhuliseni nibacondzise nangemiyalo yeNkhosi. ⁵ Tigcili, laleni emakhosi enu asemhlabeni ngenhlonipho lejulile nangekwesaba, ngekwetsemba kwenhlitiyo yakho. Balaleleni njengoba beningalalela Khristu. ⁶ Lalelani hhayi kuphela uma emakhosi enu anibukile, niwajabuliswa. Esikhundleni, lalelani njengetisebenti taKhristu, labenta intsandvo yaNkulunkulu kusuka etinhlitiyweni tabo. ⁷ Khontani ngetinhlitiyo tenu tonkhe, kube shengatsi nikhonta iNkhosi futsi hhayi bantfu, ⁸ ngoba siyati kutsi nome nguyiphi intfo lenhle umuntfu ngamunye layentako, utawemukela umchele eNkhosini, nome ngabe usigcili nome ukhululekile. ⁹ Makhosi, phatsani tigcili tenu ngalokufanako. Ningatesabisi. Niyati kutsi loyo loyiNkhosi yabo ne yenu usezulwini, futsi kute loncono kuye niyafana. ¹⁰ Kwekugcina, cinani eNkhosini nase mandleni ayo lamakhulu. ¹¹ Gcokani tonkhe tikhali taNkulunkulu, khona nitewukhona kuma nimelane nemasu nemachinga asathane. ¹² Ngoba asilwi nenyama nengati, kepha simelane nebabusi, simelane netikhulu, simelane nemandla ebumnyama lakhona ebumnyameni, simelane nemabutfo abomoya labasetindzaweni letisemkhatsini. ¹³ Ngako ke gcokani sonkhe sembhatfo saNkulunkulu, khona ke utokhona kuma kuletikhatsi leti temimoya, bese emvakwekutsi ucedze konkhe, nime. ¹⁴ Manini nicinile, nelibhande leliciniso liboshwe elukhalweni, nigcokile sivikelo lesikulunga, ¹⁵ tinyawo tenu tigcokiswe kulungela kushumayela livangeli lekuthula. ¹⁶ Kuto tonkhe tingcinamba tsatsa lihawu lekukholwa, ngalo nitawukhona kucisha tonkhe tikhali letivutsako talomubi. ¹⁷ Bese nitsatsa makalabha wensindziso nenkemba yaMoya, lokulivi laNkulunkulu. ¹⁸ Ngako konkhe kukhuleka neticelo, khulekani tonkhe tikhatsi nikuMoya. Kute kube ngunasi sephetfo, lindzani ngekukhutsatela konkhe nisanikela imikhuleko yabo bonkhe bantfu labangcwele baNkulunkulu. ¹⁹ Ngikhulekeleni, kutsi nginikwe umlayeto uma ngivula umlomo wami. Khulekani kutsi ngingenta latiwe ngesibindzi leliciniso lelifihlakele ngelivangeli. ²⁰ Kungenca yelivangeli ngilincusa leligcinwe emaketaneni, khona ke ngingalimemetela ngesibindzi, njengobe kufanele ngikhulume. ²¹ Thikhikhusi, umnaketfu lotsandzekako nesisebenti lesitsembekile eNkhosini, sitawunitjela konkhe, khona nitokwati kutsi ngiphila njani. ²² Ngimtfumele kini ngenca yalenjongo lena, khona nitokwati kutsi sinjani, futsi khona atokhutsata tinhlitiyo tenu. ²³ Kuthula akube kubazalwane, bese lutsandvo nekukholwa lokubuya kuNkulunkulu Babe neNkhosi yetfu Jesu Khristu. ²⁴ Umusa awube kubo bonkhe labatsandza iNkhosi yetfu Jesu Khristu ngelutsandvo lolungabhubhi.