¹ Kwatsi ngemnyaka wemfica wembuso wenkhosi Zedekiah, enyangeni lelishumi elangeni lelishumi, Nebuchadnezzar inkhosi yaseBbylon yeta nemphi yayo yonkhe ihlomele iJerusalema. Nebuchadnezzar wemisa inkambu yakhe mabukana neJerusalema, bakha libondza lelitungeletela iJerusalema. ² Ngakoke lelidolobha lalivimbetelekile kwate kwaba ngumnyaka welishumi nakunye wembuso waZedekiah. ³ Ngelilanga lemfica enyangeni yesine yalowo mnyaka indlala yayimatima kakhulu edolobheni kangangekutsi kwakute kudla kwabantfu bendzawo. ⁴ Lase lidolobha liyangenelwa, ase onkhe emadvodza ekulwa ayabaleka ebusuku ngelisango belisemkhatsini waletibondza letimbili ngasengadzeni yenkhosi, babaleka noko emaChaldeans bekatungeletele lidolobha lonkhe. Inkhosi Zedekiah yabaleka yabuka e-Arabah. ⁵ Kodvwa imphi yemaChaldeans yayilandzela inkhosi Zedekiah yayikhandza ematsafeni emfula iJodani esigodzini lesidvutane neJericho. Imphi yakhe yonkhe yayisakateke yasuka kuye. ⁶ Bayibamba inkhosi bayimikisa etulu enkhosini yaseBabylon eRiblah lapho khona bakhipha tijubo kuye. ⁷ Mayelana nemadvodzana aZedekiah, bawabulala emehlweni akhe. Base bamukhipha emehlo, bamubopha ngetinketane telitfusi bamuyisa eBbylon. ⁸ Enyangeni yesihlanu, elangeni lesikhombisa, lobekungumnyaka welishumi nemfica wekubusa kwaNebuchadnezzar inkhosi yasBbaylon,, Nebuzaradan lobekasisebenti senkhosi yaseBabylon ayindvuna yabogadzi benkhosi yefika eJerusalema. ⁹ Washisa lithempeli laSimakadze, nesigodlo senkhosi, kanye nato tonkhe tindlu taseJerusalema; kanye nasosonkhe sakhiwo lesimcokwa kulelidolobha wasishisa. ¹⁰ Tonkhe tibondza lelatitungeletele iJerusalema tabhidliwa ngemaChaldeans onkhe labekangephasi kwalendvuna yalabogadzi. ¹¹ Maleyana nalabantfu labasala kulelidolobha labebabalekele enkhosi yaseBabylon, tinsali letinani lesive sonkhe-Nebuzaradan indvuna yabogadzi wabatfumba. ¹² Kodvwa lendvuna yabogadzi yabashiya labo bebahlupheke kakhulu kutsi basale basebenta etingadzeni temagilebisi kanye nasemasimini. ¹³ Mayelana netinsika telitfusi betisendlini yaSimakadze, kanye tematafula emasondvo nemibhavu lelitfusi lebesisendlini yaSimakadze, emaChaldeans atigamula kwabatincetu ase atfwala litfusi abuyela nalo eBabylon. ¹⁴ Emabhodo, nemafosholo, netijubatintsambo, netikhezo, kanye nato tonkhe titja telitfusi labetisentjetiswa bapristi ethempelini- emaChaldeans atitsatsa tonkhe. ¹⁵ Kwekushisela imphepho kanye netitja letatakhiwe ngeligolide naleto telisiliva- nato indvuna yabogadzi yatitsatsa. ¹⁶ Letinsika letimbili, nelibhavu kanye nematafula emasondvo lokwakhiwa nguSolomon akhela indlu yaSimakadze tatinelitfusi lelinyenti lelingakaleki. ¹⁷ Budze bensika yekucala bekungemamitha lamane, nengcongwane yelitfusi etukwalo. Lengcongwane yayilimitha nencenye kuya etulu, nemhlobiso netitselo tsite letitungeletele lengcongwane, konkhe kwakwakhiwe ngelitfusi. Lelenye insika nekuhlotjiswa kwayo bekufana naleyekucala. ¹⁸ Lendvuna yabogadzi yatsatsa Seraiah umprofethikazi, kanye naZephaniah umpristi wesibili esikhundleni, kanye nalabatsatfu bagcini masango. ¹⁹ Edolobheni watfumba umphatsi wemabutfo, kanye nemadvodza lasihlanu labeluleka inkhosi labebasolo bakhona edolobheni. Watfuma nendvuna yemphi yenkhosi lebekungiyo lekhetsa emadvodza laya emphini, kanye nemashumi lasitfupha emadvodza lamcokwa akulendzawo labekasedolobheni. ²⁰ Wase Nebuzaradan indvuna yabogadzi iyabatsatsa ibayisa enkhosini yaseBabylon eRiblah. ²¹ Inkhosi yeseBabylon yababulala eRiblah endzawni yaseHamath. Ngaleyo ndlelA, Juda waphuma endzaweni yakhe waba sekucoshweni. ²² Mayelana nalabo bantfu labasala eveni lakaJuda, labo bebakadze bashiywe yinkhosi Nebuchadnezzar yaseBabylon, inkhosi yabeka Gedaliah indvodzana ya-Ahikam, kanye nendvodzana yaShaphan kutsi ibaphatse. ²³ Ngesikhatsi tonkhe tindvuna temabutfo kanye nemabutfo ato tiva kutsi inkhosi yaseBabylon seyente Gedaliah kutsi abe ngumbusi, taya kuGedeliah eMizpah. Lamadvodza bekungu-Ishmael indvodzana yaNethaniah, nsJohanan indvodzana yaKareah, naSeraiah indvodzana yaTanhumeth umNetophathite, kanye naJaazaniah indvodzana yem-Maakathite- bona nemabutfo abo. ²⁴ Gedeliah wenta sifungo kubo nakulamabutfu labawaholako, watsi kubo, ''Ningatesabi tikhulu temaChaldean. Philani kulendzawo nisebentele inkhosi yaseBabylon, kutonihambela kahle.'' ²⁵ Kodvwa kwenteka kutsi enyangeni yesikhombisa Ishmael indvodzana yaNethaniah indvodzana ya-Elishama wasebukhosini, weta nemadvodza lalishumi bahlasela Gidaliah. Gedaliah wafa kanye nemaJuda nemaChaldeans labebakadze banaGedaliah eMizpah. ²⁶ Base bonkhe bantfu kulabo labancane kuya kulabakhulu, netindvuna temabutfo, bavuka baya eGibhithe ngoba bebasaba emaChaldeans. ²⁷ Kwenteka emvakwesikhashana emnyakeni wemashumi lamatsatfu nesikhombisa wekutfunjwa kwaJehoiachin inkhosi yakaJuda, enyangeni yelishumi nakubili ngelilanga lemashumi lamabili nesikhombisa Awel-Marduk inkhosi yaseBabylon yakhulula Jehoiachin inkhosi yakaJuda ejele. Loku kwenteka ngemnyaka Awel-Marduk acala kubusa. ²⁸ Wakhuluma naye kahle ngekutitfoba, wamunika sihlalo sihlalo lesihloniphekile kunaleto talamanye emakhosi bekakadze anaye eBabylon. ²⁹ Awel-Marduk wasusa tembatfo tasejele kuJehoiachin, adla njalo nje etafuleni lenkhosi imphilo yakhe yonkhe. ³⁰ Wanikwa imbasha yekudla yinkhosi onkhe malanga imphilo yakhe yonkhe.