¹ Emalangeni aJehoiakim, inkhosi Nebuchadnezzar yaseBabylon yahlasela kaJuda; Jehoiakim waba sisebenti sakhe iminyaka lemitsatfu. Wase Jehoiakim uyagucuka uvukela Nebuchadnezzar. ² Simakadze watfumela kuJehoiakim emabutfo ema-Chaldeans, nema-Arameans, nemaMoabites; wawatfumela kutsi abhubhise kaJuda. Loku bekuhambisana nemavi aSimakadze lawakhuluma ngetinceku takhe baprofethi. ³ Kungemlomo kanye waSimakadze kutsi loku kwehlakalela Juda, kutsi asuswe embikwakhe ngenca yetono taManasseh nakokonkhe lakwenta, ⁴ nangenca yengati lengenacala layicitsa, wagcwalisa iJerusalema ngengati lengenacala. Simakadze bekangakatimiseli kukucolela loko. ⁵ Ngetindzaba letimayelana naJehoiakim nakokonkhe lakwenta akukabhalwa yini encwadzini yemilandvo yemakhosi akaJuda? ⁶ Jehoiakim walala phasi nabokhokho bakhe, wase Jehoiachin indvodzana yakhe iba yinkhosi esikhundleni sakhe. ⁷ Inkhosi yaseGibhithe ayichubeka yahlasela ngephandle kwelive layo ngoba inkhosi yaseBabylon yase inqobe onkhe emave labekalawulwa yinkhosi yaseGibhithe, kusuka emfudlaneni waseGibhithe kuya emfuleni i-Euphrates. ⁸ Jehoiachin bekaneminyaka lesphohlongo nakacala umbuso wakhe; wabusa aseJerusalema tinyanga letintsatfu. Libito lenina kwakunguNekushta; bekayindvodzakati ya-Elnathan waseJerusalema. ⁹ Wenta lokwakukubi embikwaSimakadze; wenta konkhe lobekukadze kwentiwe nguyise. ¹⁰ Ngaleso sikhatsi tisebenti taNebuchadnezzar inkhosi yaseBbylon tatihlasele iJerusalema tayivimbetela. ¹¹ Nebuchadnezzar inkhosi yaseBabylon yefika kuelidolobha ngesikhatsi tisebenti takhe tisalivimbetela, ¹² naJehoiachin inkhosi yakaJuda yaphuma yaya enkhosini yaseBabylon, yena, kanye nenina, netisebenti takhe, netinkhosana takhe, kanye netindvuna takhe. Inkhosi yaseBabylon yamubamba emnyakeni wesiphohlongo wekubusa kwaNebuchadnezzar. ¹³ Nebuchadnezzar wakhipha lapho eJerusalema tonkhe tintfo tetimcoka ekhatsi endlini yaSimakadze, kanye nasesigodlweni. Wajuba kwaba tincetu tonkhe tintfo teligolide letingekhatsi ethempelini laSimakadze letatakiwe nguSolomon inkhosi yaka-Israyeli, kwenteka njengoba Simakadze bekatse kutokwenteka. ¹⁴ Wakhipha Jerusamela wonkhe, baholi bonkhe, nemachawe onkhe emabutfo, 10,000 webatfunjwa, nabobonkhe babati nebakhi betinkemba bonkhe. Kute lowasala ngaphandle kwalabo labebahlupheka kakhulu eveni. ¹⁵ Nebuchadnezzar wasula Jehoiachin wamyisa eBabylon, kanye nenina wenkhosi, bafati bakhe, netidvuna takhe, kanye nemadvodza lamcoka eveni. Wabatfumba bonkhe wabasusa eJerusalema wabayisa eBabylon. ¹⁶ Onkhe emadvodza ekulwa langu7,000 ngelinani, nebabati nebagobi bensimbi laba1,000, bonkhe labanemandla labaphilile kahle kutsi bangalwa-inkhosi yaseBabylon yayisa lamadvodza lawa eBabylon. ¹⁷ Inkhosi yaseBabylon yenta Mattaniah umnakaboyise waJehoiachin inkhosi esikhundleni sakhe, wase umshintja libito watsi nguZedekiah ¹⁸ Zedekiah bekaneminyaka lengemashumi lamabili nakunye budzala nakacala kubusa; wabusa iminyaka lelishumi nakunye eJerusalema. Libito lenina kwakunguHamutal; Hamutal ayindvodzakati yaJermiah waseLibnah. Wenta lobekukubi emehlweni aSimakadze; Zedekiah wenta konkhe lokwentiwa nguJehoiachin. ¹⁹ Ngenca yentfukutselo yaSimakadze tonkhe letehlakalo tenteka eJerusalema nakaJuda waze wagcine abasusile ebukhoneni bakhe. ²⁰ Wase Zedekiah uvukela inkhosi yaseBabylon.