3

¹ Со сяна, тӥ но вынъёс вӧсяське ми понна, Инмарлэн кылыз мед вӧлскоз дунне вылтӥ тиляд музэн, ² мед ми мӧзмытскыны быгатомы кескич но лек адямиослэсь, малы ке шуоно ваньмызлэн осконзы ӧвӧл. ³ Инмар милеместы уз кельты, но утёз уродэзлэсь. ⁴ Тӥ понна милям сюлмаськонмы ӧвӧл, ми оскимы тиледдыс Инмар-Кузёлы, уго тӥ лэсьтиськоды озьы, кызьы ми вераськомы. ⁵ Кузё-Инмар мед нуоз тӥлесьтыд сюлэмъёстэс Инмарлэн яратоназ но Христослэн чиданэз борды.

⁶ Куриськом тӥледэсты, агайъёс, Кузё-Инмар Иисус Христос понна палдурскыны агайъёслэсь, кудъёсыз уло пумит, милям дышетеммылы, ⁷ тӥ ачидэс но тодӥськоды, адӟон кароно милесьтым, уго ми номыр карытэк ӧм пукэ тӥ дорын, ⁸ няньдэс озьгинэ ӧм сие, но ужаллямы ас киосынымы медам секыт луы тӥлед шуыса, ⁹ правомы вал милям, но возьматимы тӥледлы кызь улоно. ¹⁰ Ку ми тӥ дорын вал на, верам тӥледлы : "кин уг ужа, со медам но сиськы"

¹¹ Но кылӥськом, тӥ дорын кудиз- огез возё асьсэсты туж возьыттэм, номыр но уг лэсьто, но пыро кытчы кулэ ӧвӧл. ¹² Таӵеоссэ ми куриськом Иисус Христосэн, нянь басьтыны ас ужаменызы. ¹³ Нош тӥ, агайъёс, куректытэк лэсьтэ ӟеч ужъёс. ¹⁴ Нош кин уз кылзиськы милесьтым веранмес, вералэ марзы соослэн умойтэмез, но эн вераське сыӵе агайъёсын, возьдаськонзы мед потоз. ¹⁵ Тушмон со шуыса эн малпалэ сое, агаез кадь дышетэ.

¹⁶ Инмар -Кузьё тупаса улон ваись, мед сётоз тӥледлы котьку но котькытын тупаса улон. Инмар Кузё мед луоз тиленыд. ¹⁷ Гожтэмелэн пумаз ӟечкылан ас киыным гожти, тазьы вань гожтэтъёсам мон та, Павел, шуыса гожтӥсько: ¹⁸ "благодать Инмар-Кузёлэсь Иисус Христослэсь ваньдылы. Аминь"