^{1 2 3} 1. Эрэк  амардалан Иисус  нян-да  Мэнҥилтэкий  ичулрин  Тивериадгида  нам  анчиндулан. Ичулринкы  эчин. 2. Симон  Петр, Фома  Гиркэч  гэрбуттитэн, Нафанаил   Галилеягда  Канадук, Зеведей  хурэлни  нян  дьөр-дэ  хөнтэл  Ноҥан  хупкуттиҥэлдукун  өмэтчэду  өмэндулэ  биддитэн. 3. Симон  Петр  ноҥартакитан  гөнин: “Хөрдэку, олрав  бэйчидэй”. Ноҥантакин  гөнитэн: “Бу-дэ  хин-нюн  хөрдиру”. Ноҥартан  тарамалдут  момилавур  иритэн, тарма  тарав  долбану  яв-да  эчил хэпкэн. ^{4 5 6} 4. Бадикар  одакан, Иисус  нам  хөлилэн  илаттин, тарма  хупкуттиҥэлни  Ноҥман  эчил  тамкар. 5. Иисус  ноҥартакитан  гөнин: “Куҥала! Хундулэ  якул  урэчин  дебэн  бисни-дэ?”. Ноҥантакин  барагритан: “Ачча”. 6. Ноҥан  таралтаки  гөнин: “Адалу  момидукур  ангидатки  усиҥдэлилрэ  хэпкэндис-тэ”. Ноҥартан  адалу  усиҥдэритэн  нян  асукут  туркуритэн  адалу  нуҥа  олра  тачикан  хоядукун. ^{7 8 9} 7. Тарич, хупкуттиҥэн, Иисус  аяврин Петртэки  гөнин: “Эрэк  Хунҥи!”. Симон  Петр  долдариди  эрэк  Хунҥи  бисивэн, оилди  калбалариди - ноҥанкы  дюлаккан  бисин - нян  намна  мэлуҥчирин. 8. Хан-нян  хупкучиҥэлни  момиду  улиритан,- мэгдиндук  далила  бими, дьөр-нямакли  даран  горан  биннэч - олралкам  адалу  таҥчиникар. 9. Тадук  төртэки  төтэсми  ноҥартан  тог  гулуман  иттитэн, тала-нян  олра  килебнюн  дэсчирилбэ. ^{10 11} 10. Иисус  ноҥартакитан  гөнин: “Олрав  эмулилрэ  тектэкэн ху  хэпкэнчэвур”. 11. Симон  Петр  гэлнэрин, төртэки  дөгуррин  адалу  эгдерди  олралди  милтэрэв. Олра  таҥунни  няма  тунҥан-мяр  илан  бисин, тарбач  адал  тардин  хоя  олрадук  эчтэ  набдарра. ^{12 13 14} 12. Иисус  ноҥартакитан  гөнин: “Дагамнилра  эвэски,  деблилрэ”. Ҥи-дэ  хупкуттиҥэлдукун  эчил  хэҥэтэвчир  улгэмдэвур Ноҥман: “Хи  Ҥи  бисэнри?”, ноҥартан  хами  эрэк  Хунҥи  бисивэн. 13. Иисус  дагамрин, килебу  гадин, ноҥардутан  бөрин-дэ. Тачин-да  олрав-да  бөрин. 14. Эрэк  иливрин  Мэн  хупкуттиҥэлтэкий  Иисус  ичулрин,  Мэн  көкэчэдукий  арчадукий. ^{15 16} 15. Инэҥэрудникэн  Иисус  Симон  Петртэки  улгэмрин: “Симон, Иоанна  хутэн! Хи  Мину  аяванри-да  ноҥардукутан  эгдэдмэрэч?”  Петр  Ноҥантакин  барагрин: “Иҥэ, Хунҥи! Хи  ханри  би  Хину  аявриву”. Иисус  ноҥантакин  гөнин: “Көсчили  Мин  энкэҥэлбу”. 16. Иисус  гяврин  ноҥантакин  улгэмрин: “Симон  Иоанн  хутэн! Хи  Мину  аяванри-да?”. Петр  Ноҥантакин  барагрин: “Иҥэ, Хунҥи! Хи  ханри  би  Хину  аявриву”. Иисус  ноҥантакин  гөнин: “Көсчили  Мин  овцаҥалбу.” ^{17 18} 17. Иливрин  Иисус  ноҥантакин  улгэмрин: “Симон,  Иоанн  хутэн! Хи  Мину  аяванри-да?”. Петр  набучилрин  иливракан  ноҥман  улгэмрэкэн: “Хи  Мину  аяванри-да?”, Ноҥантакин  гөнин-дэ: “Хунҥи! Хи  эйдувэн  ханри. Хи  ханри  би  Хину  аявриву”. Иисус  ноҥантакин  гөнин: “Көсчили  Мин  овцаҥалбу. 18. Тэдекич  тэдю  гөнэм  хинтэки: хи  нөсэгчэн  биҥсий,  мэнкэн  мэни  калбалаградинри, хөллөччинри-дэ  аваски  хөллөчимситкий,  хагданиди-нян, мэн  ҥали  гиригрэдинри,  хөнтэ  хину  калбалавкандин,  элгэсэндин  хин  этискис  хөрэмсэ”. ¹⁹ .19. Эрэв-кэ  гөнин,  унувкатми, иррөччин  исмерэч  Хэвкив  эскэвэнь  көкэннэвэн. Эчин  төрэриди, Иисус  тартаки  гөнин: “Бодли  Минду” ^{20 21} 20. Петр  эсэми  иттин,  амардадун  ҥэнрив, Иисус  аявриван  хупкуттиҥмэн, хисэрудеклэ, Ноҥан  тиҥэнтэкин  нинэниди  улгэмичэв: “Хунҥи! Ҥи  Хину  бөдин?” 21. Петр  тарав  иттиди  Иисустук  улгэмрин: “Хунҥи! Ноҥан-нян  ян?” ^{22 23} 22. Иисус  ноҥантакин  баргурин: “Ядинаси  тарбач,  Би  эмриклэву  ноҥман  эмэбукэмсэку,  якаси  хинду  бидин  таракла?  Хи  Минду  бодли”. 23. Эрэк  төрэчэн  аканур  долитан  дэмҥэч  игэлбэрин,  тарак  хупкучиҥэн  эннэдин  көкэр. Тарбач  Иисус  эч  гөн  эннэдин  көкэр, тарма  гөнин “Ядинаси  тарбач  Би  эмэбукэмсэку  Мин  эмриклэву,  якаси  хинду  бидин  таракла?” ^{24 25} 24. Эрэк-тэ  хупкучиҥэн  эрэк  дюгулин  тэлэҥэддэн,  дукрин-да  эрэк  дюгулин,  мут-тэ  харап, ноҥан  тэлэҥэн  эливун  тэдекич  айдиттон. 25. Хөнтэв-дэ  хояв  Иисус  некрин,  тарма  эйду  тарал  дюгулитэн  дукадивми,  тарич  мэргэттэку, кубэччи  төр  тигэлдин, туркудин  ивкэҥэ  эйдувэн  дукапчав  книгалба. Тачин  бидин.