Ari betegak (perhentian) te desiap ke Allah ¹ Nyak nyuruh, baik kita waspada, isak nang bisik urang dentara kitak te dang'ap tedudi, sekalikpun jan'yi bakal tamak k'alam petegak (perhentian) Ya agik belaku. ² Empadai ngau kita deberik ugak kabar gaga (kesukaan) sama upa angau sidak, tapi firman pemadah yak ndai beguna bagi sidak, empadai ndai tum'uh bereta ulih iman ngau sidakaa te ninga e. ³ Empadai kita te beriman, bakal tamak ke tempat betegak (perhentian) upa te depadah Ya: "Nyak nyuruh Aku besumpah alam peluat (murka)-Ku: Sidak ndai bakal tamak ke tempat perhentianKu," sekalikpun kerja sidak dah temuk mulai re denia depulah. ⁴ Empadai tentang ari ke tujuh suah depadah alam sutik nas: "Ngau Allah betegak pada ari ketujuh ari semua pekerjaan-Ya." ⁵ Ngau alam nas yak kita baca: "Sidak ndai bakal tamak k'alam perhentianKu." ⁶ Jadi udah jelas, bisik urang tamak ke tempat betegak (perhentian) yak, sedang ke sidak te depadah dulau berita yak ndai tamak, empadai sidak ndai taat. ⁷ Nyak nyuruh Ya netap ke ugak ari, "ari tuk", rama Ya dah lamak befirman ngau perentara Daud upa depadah datau: "Pada ari tuk, antik kitak ninga ingan Ya, nang ngeras ke ati kitak!" ⁸ Empadai, sekira Yosua dah ngemaik sidak tamak ke tempat perhentian, pesti Allah ndai bakal banai udek tentang ari bukai. ⁹ Jadi agik bisik desiap ari perhentian, ari ketujuh, bagi umat Allah. ¹⁰ Empadai barangsapa daah tamak ke perhentian-Ya, ya baduk re semua kerja ya, upa Allah baduk re pekerja-Ya. ¹¹ Nyak nyuruh kita kalah berusaha tamak ka'lam perhentian-Ya isak nang bisik urang te jatuk empadai nunak cuntuh te ndai taat. ¹² Empadai firman Allah idup lebih kuat ngau lebih tajam repada pedang bemata dua ni ni: ngerajuk dalam bebenar sampai merarak ke jiwa ngau roh, sendi-sendi ngau sumsum; sangup ngemeda'ke pertimbangan ngau pemikir ati kita. ¹³ Ndai sik bala pengidup te tepelabuk dadap-Ya, empadai de mata Ya semua tebukak, telan'yang, te ngau Ya kita kalah merik petangung jawab. ¹⁴ Pituk kita bisik Imam Besai Agung, te udah ngelintas semua langit, yak mek Yesus Anak Allah, baik kita bepegai teguh ngau iman kita. ¹⁵ Empadai Imam Besai te kita empu, bukai imam besai te ndai tamai kita ngasai kelemahan kita, sempalik yak, sama ngau kita, Ya dah decuba, tapi ndai mulah dusa. ¹⁶ Nyak nyuruh kita kalah berani penuh ngampir takhta kasih karunia, isak kita nerimak rahmat ngau nemu ke kasih karunia untuk bulih penulung kita rama waktu e.