Nasihat ngau doa selamat ¹ Intu ke kasih persaudaraan! ² - Nang kitak kelupa merik ke tumpangan ngau urang, empadai ngau mulah te piak bisik urang te ndai deketau ya dah nyamu malaikat-malaikat. ³ Kingat ke urang-urang ukuman, empadai kitak sik me urang-urang ukuman. Ngau kingat ke uranag-urang te depulah sewenang-wenang, empadai kitak sik idup de denia tuk. ⁴ Kitak kalah naruh hormat teradap perkawinan, nang ncemar ke peninuk, empadai urang-urang kan'yi ngaau pezzinah bakal d'adil Allah. ⁵ Nang kitak jadi hamba duit ngau cukup dirik kitak ngau nama te bisik ntang kitak. Empadai Allah dah befirman: "Aku sekalik-kalik ndai ngisak ke kitak ngau Aku sekalik-kalik ndai nudi ke kitak." ⁶ Nyak nyuruh ngau yakin kita tau banai: "Tuhan penulungku. Aku ndai takut. Nama te tau depulah mensia teradap aku?" ⁷ Kingat ke pemimpin-pemimpin kitak, te dah nyampai ke firman Allah ngau kitak. Perati ke kebaduk idup sidak ngau decuntuh ke iman sidak. ⁸ Yesus Kristus gik mansih sama, baik kemarek maupun ari tuk sampai page lusak. ⁹ Nang sampai kitak desesat ke mayuh macam ajaran asing. Empadai te baik yak berete ati kitak depekuat ngau kasih karunia, bukai ngaau mayuh pemakai te ndai merik faedah ngau sidak te nunak aturan-aturan pemakai macam yak. ¹⁰ Kita bisik empu mezbah ngau urang-urang te ngelayan kemah ndai tau makai nama te alam yak. ¹¹ Empadai tubuh benatang-benatang te darah ya debaik tamak ke tempat kudus ulih Imam Besai sebagai kurban pengapus dusa, detunu deluar kemah. ¹² Nyak mek nyuruh Yesus dah sisa deluar lawang gerbang untuk ngudus ke umat Ya ngau darah dirik Ya. ¹³ Nyak nyuruh, buh kita angkat ngau Ya deluar kemah ngau nangung kehinaan-Ya. ¹⁴ Empadai dituk kita ndai sik penugau te tetap; kita ngegak kuta te kak datai. ¹⁵ Nyak nyuruh, buh kita, ulih Ya, kita mempersembah ke kurban sukur ngau Allah, yak me ucapan mulut te memulia ke nama-Ya. ¹⁶ Ngau nang kelupa bebuat baik ngau merik penulung, empadai kurban-kurban te piak me te bekenan ngau Allah. ¹⁷ Kalah taat ngau pemimpin-pemimpin kitak, ngau kalah tunuk ke sidak, empadai sidak bejaga-jaga atas jiwa kitak, sebagai urang-urang te kalah betangung jawab atas yak. Ngau jalai yak sidak ngerja e ngau ati gaga, bukai keluh kesah, empadai hal yak ndai bakal merik keuntungan bagi kitak. ¹⁸ Bedoa seruntik untuk kami; empadai kami yakin, bahwa ati nurani kami baik, empadai alam semua hal kami kak idup te baik. ¹⁹ Ngau secara khusus aku nasihat ke kitak, isak kitak mulah piak, isak aku sigat depulai ke ngau kitak. ²⁰ Maka Allah damai sejahtera, te ulih darah perjanjian te kekal udah dah ngemaik bekalih re entara urang mati Gembala Agung segala domba, yak me Yesus Tuhan kita, ²¹ kiranya ngelengkap kitak ngau segala te baik untuk ngereja penekak Ya, ngaua ngereja alam kita nama te bekenan ngau-Ya, ulih Yesus Kristus. Bagi Ya me kemuliaan sampai page lusak. Amin. ²² Ngau aku nasihat ke kitak, bala menyadik, isak kata2 nasihat tuk kitak samut ngau rela ati, sekalikpun suratku ngau kitak tuk panus. ²³ Kalah deketau, bahwa Timotius, menyadik kita, dah angkat. Antik ya dah datai, aku tamai ya nguang kitak sekelin. ²⁴ Padah ke salam ngau semua pemimpin kitak ngau semua urang kudus. Terimak ke salam re menyadik-menyadik de Italia. ²⁵ Kasih karunia nyereta kitak semua.