¹ Alopo vali ndasokoluile ekangiso vosi okulingiwa vemehi liekumb. Kuenje tala, asuelela omavakangisiwa, kuenje kavakuete layume ovalembeleka! Ongusu yakala peke liakangisi, kuenje kavakuatele ovalembeleka! ² Oco ndalinga siti ava vafa ovo vasumuluha cavelapo ava kasi lomuenyo, cisule. ³ Puai, u wavelapo enen pokati kavo pole eye yuna handi kakuete komuenyo, yuna handi kamuile ovilinga vieliapu viakulingiwa mulo vemehi liekumbi. ⁴ Kuenje ndamuile elinga liosi liekavo kuenda ulongo upange omo liocipululu umue akuetele ukuavo. Eci lacovo cango - casoka ndokukuatela ofela. ⁵ Eveke likutika ovaka aye kuenje kalilingi upange, pole okulia kuahe ositu yahe muele. ⁶ Liavelapo eka lionma lupanga waposka hambi ovaka avali eyukiwa lupange vasetka okukuatela ofela. ⁷ Ndatiukilile kuenda ndamuile cango vemehi liekumbi. ⁸ Kuli ulume umue okasi likaweye. Kakuete ohuatisi, kakuete omola ale mbuale, kuenda alopo kakuli esulilo liupange wahe wasi, kuenda ovaso vahe kavatelisa okusandiliya ovipako. Okomoha, ''eteke alipula hati helie ngasi lokulikandangiya esanju?'' Eci lacovo cango - ka cikasi ciwa. ⁹ Omanu vavali vatalavaya po vali hambi umosi; Vasanga ofeto yiwa yupange wavo. ¹⁰ Nda umue wakupuka, ukuavo oukatulapo kamba liahe. Pole, ngongo yu okasi likawahe nda wakupuka kakalu layumue oukatulapo. ¹¹ Nda vavali vapekela pamosi, valikokisa ouya, pole omunu umosi olikokisa ndati ouya lia liahe? ¹² Omunu lika liahe osukila ekuatiso, pole vvali valiteyuila, kuenda vatatu valinga ndutele una kautepi lonjanga . ¹³ Cavelapo okukala osuke yukuenje wolondunge hambi ukulu yuna eveke liosoma yuna kayevi kalungulo. ¹⁴ Eci cocili ndango ukuenje okala osoma, ndango wacitiwila vusuke vusoma wahe. ¹⁵ Ndamuile vosi vakasi lomuenyo kuenda vakasi lokunuala nguala vemehi liekumbi, ndamola umalehe waco u wapingala omangu yaco. ¹⁶ Hakukala esulilo liomanu vosi vana va pokola ko soma yo kaliye, noke valua kava koviya. Kocili eci lacovo cango - casoka okuseteka okukuatela ofela.