¹ Momo ovina viosi vikuete uvu wotembo yaco, kuenda ovina viosi kilu lieve vikuete otembo. ² Kuli otembo yokucitiwa lo tembo yokufa, yotembo yokukula kuenda otembo yokungula, ³ Otembo yokupanda kuenda otembo yokusakula, otembo yokunyola kuenda okutunga. ⁴ Kuli otembo yokulila lo tembo tokuyola, otembo yonambi kuenda otembo yokupiluka, ⁵ Otembo yokuliasa ovawe kuenda otembo yokuongolola ovawe, otembo yokuliangata kuenda otembo yokulisuvuka. ⁶ Otembo yokusandiliya ovina kuenda otembo yokuliwekapo okusandiliya, otembo yokutata ovina kuenda otembo yokunasi ovina, ⁷ Otembo yokutola uwalo kuenda otembo yokutonga, otembo yokuha kuenda otembo yookuvangula. ⁸ Kuli otembo yocisola kuenda otembo yesuvu, otembo yuyaki kuenda otembo yo mbembwa. ⁹ Ukuo pange olimuisa ndati onima yekavo? ¹⁰ Ndamola upange Suku aca komanu utelisiwe. ¹¹ Suku waposuisa viosi votembo yavio. Wakapa vo viandahu vovitima viavo. Pole omunu kacoku lomboloka eci Suku alinga, tunde kefetikilo toke kesulilo. ¹² Ndakuliha akuti kakali cavelapo komunu ndahesanjuko lokulinga viwa cinene okasi lomuenyo - ¹³ Pole oco vosi valie kuenda vamue, kuenje culomboloke ndomo asanga esanju liupanga wahe. Eci ocali ca Suku ko munu. ¹⁴ Ndakuliha akuti eci cosi calingiwa la Suku canda ngo hu. Lacimue civokiyiwako ale cupiwako, omo Suku eye wacilinga aoco akuti omanu vowamela lesumbilo. ¹⁵ Eci cikasi cakale ale; Eci cikasi cakale ale. Suku olingisa omanu okusandiliya ovina vialiseleka. ¹⁶ Ndamola uvi ukasi vemehi liekumbi, muna musesamela esombiso, kuenje pocitumalo cava kuesunga, pakalavo vakuevinho. ¹⁷ Ndacipopele vutima wange, ''Suku oseteka omanu okasombisa vakuesunga kuenda vakuevinho votembo yasokiyiwa kovitangi viosi viovovi.'' ¹⁸ Ndicipopele vutima wange, ''Suku oseteka omanu okuvalekisa ndakuti vakasi ndovinyama.'' ¹⁹ Momo esulilo lia vomanu limosi lovinyama. Olofa lua umosi hawo ukuavo. Okufuima kuosi kumosi. Kakuli wavelapo pokati ko manu lovinyama. Cosi cago. ²⁰ Cosi cocenda kocitumalo cimosi. Cosi catunda koneketela, kuenje cosi cituikila koneketela. ²¹ Elie wakuliha nda ocilelembia comunu cenda kilu ale ocilelembia cocinyama cenda posi? ²² Oco nda limbuka vali akuti kakuli lacimue cavelapo komanu okuvelisapo upange wahe, omo oyo onepa yahe. Elie outuila tumole eci camolehele kokuahe?