¹ Mba Noemi wapwile nyi umwe usoko wa mukwo lunga, pichi waku usoko wa Elimeleke, jina lyeni Mboaze. ² Lute, mwanapwo waku Moape, yamba kuli Noemi, " Ngutayize kama nguye ku munda nyi kuhuhujola hakachi ka mbuto. Mungukawula kunyima lya yoze manguvwila vumbi. " Chocho Noemi yamba kuli iye, " Yako mwanami wapwo. " ³ Lute yaya nyi kuhuhujola mu munda kunyima lya akwa kucha mbuto. Yaheta hachihela cha munda wa Mboaze, yoze wapwile usoko wa Elimeleke. ⁴ Kumanyi, Mboaze yakatuka ku Mbeteleme nyi kwamba kuli akucha mbuto, " Yehova apwe nyi yenu. " Yamukumbulula ngwenyi, " Yehova anuwahise. " ⁵ Mba Mboaze yamba kuli kapatashi kenyi iya yoze wafungile akwa kucha mbuto, " Yono pwo lya ya? " ⁶ Mwe kapatashi ka akwa kucha mbuto yakumbulula, " Mwe mwanapwo waku Moape yoze wakatukile nyi Noemi ku chifuchi cha Moape . ⁷ Iye kamba kuli yami ngwenyi, ' ngunalembe nungutayize kuhuhujola kama mbuto hanyima ya waze a kucha mbuto.' Keshika keza mba hanyongonona chize ku chimenemene ndo halyapwila, shina kashimbu wika kakepe kahwimanga mu zuwo. " ⁸ Mba Mboazeyamba kuli Lute, " Una panjika kuli yami, mwanami? Kanda uya nyi kuhuhujola mu munda wukwo nawa; kanda uhichika munda wami. Keshika utwame hano nyi kuzata hamwe nyi akwa milimo jami amapwo. ⁹ Talikisa meso je ku munda wuze malunga anazate kucha mbuto nawa ukaakaule kunyima ya mapwo. Te ngwetu hinamba kuli akweze jami kanda akulinga chipi nyi? Muze mwivwa pwila, muoya ku sapa ukanwe meya waze makweze hataha. " ¹⁰ Lute yafulamana hameso jenyi nyikuhetamina hashi . Yamba kuli iye ngwenyi, "Kuchi te hinawana vumbi kumeso je ungusele chinyingi, yami nguli kandaka ? " ¹¹ Mboaze yakumbulula nyi kwamba ngwo kuli iye, "Hanangwambulwila, yize yeswe hiunalingi katu ku kufwa kwa mukwenu lunga. Hiunahichika tatenu, noko, nyi chifuchi chize unakasemukinamo ku kawula nokoweno nyi kwiza kuli atu waze kuwanyingikine. ¹² Yehova akukundulule yeswe yize walinga. akakwehe kwononoka cheswe chamuwundu kukatuka kuli Yehova, Mwe Zambi ya Yizalele, se hiweza kuswamina mushi lya mapulwa jenyi. " ¹³ Mba pwo wambile ngwenyi, " Mwata, vumbi unangulingi, nyikungulembejeka, nyikuhanjika nyi utu kuli yami kavumbi, chipwe napwile kavumbi wenu wapwo. " ¹⁴ Ha ola ya kulya Mboaze yamba kuli Lute, " Tweya kuno, ukalye mbolo, nawa ukatate mu vinyu. " Yatwama hakachi nyi akwa kucha mbuto, mba yamwaha mbuto yakwanyika. Yalya ndo hakuta nyi yimwe yiyisalaho. ¹⁵ Muze hakatuka mukuhuhujola mbuto, Mboaze yamba akweze jenyi, ngwenyi, " Mwechenu a huhujole mbuto chipwe hakachi ka yichita, Kanda numu choka. ¹⁶ Chizenu yimwe nawa mu yichita, nyi kumuhichikila iye akahuhujole, kanda numukanjisa. " ¹⁷ Chocho yahuhujola mu munda ndo chingoloshi. mba yazungula yize hahuhujola, yapwile ngwe efa yimuwika ya sevanda. ¹⁸ Yambata yaya nayo kuchihunda. Mba yalweza nayeweno yize hahuhujola. Lute yachiza kulya chalisalanga muze hakuta, nyi kuhana kuli iye. ¹⁹ Naye- weno yamba kuli iye, " Kulihi kuze wa huhujola musono? Kulihi kuze walinga milimo? Akawahe lunga yoze wakuselanga chinyingi. " Mba Lute yalweza naye- weno hali lunga yoze mwene wa munda muze azachile mulimo. Yamba ngwenyi, " Mwene wa munda muze nalinganga mulimo jina lyenyi iye Mboaze. " ²⁰ Noemi yamba kuli atembwa- mwanenyi ngwenyi, akamuwahise kuli Yehova, yoze kambilile atu wenyi kuli akwa mwono nyi kuli afu. " Noemi yamba kuli iye, " Iye usoko wetu, wapwa umwe usoko wa ha muchima. " ²¹ Lute ka Moape yamba ngwenyi, " Chikwo nawa, yangwamba ngwenyi, ' linga hakamwihi nyi kamba jami ndo hamana kucha mbuto yami. ²² Noemi yamba kuli tembwa- mwanenyi Lute, " Mwanami , chipema, ukaye nyi ana- amapwo jenyi, kuchina hanji mu munda weka makakulinga chipi. " ²³ Chocho walalaminyine kuli ana mapwo a Mboaze nyi kuhuhujola mbuto ndo hamana kucha mbuto nyi tiliku. Iye yatwama hamwe nyi nayeweno.